Masaalaba

Masaalaba kɛnɛ kan bi, an bɛ Drissa Touré de bisimilah. Jamaana  dilanna don ka bɔ Burkina Faso. A lakodɔnnen don kosɔbɛ Farafinna a ni diɲɛ fan caman fɛ. Drissa Touré ye sanga sɔrɔ n'a ka filimu caman ye i n'a fɔ Laada, Haramuya, Musso Fariman a ni dɔ wɛrɛw. A si bɛ san 74 la, San caman France sigi kɔfɛ, bi a sigilen bɛ Bobo-Dioulasso, nga a ko halisa sɛgɛnnafiɲɛbɔ waati ma se fɔlɔ.

Bi an bɛ kuma a ka  jamaana dilan  yɛrɛ de kan Farafinna. Gɛlɛyaw ye mun ye ? Fɛɛrɛ jumɛnw bɛ se ka sɔrɔ ma? Drissa Touré bɛ Sory IBRAHIM ka ɲiningaliw jaabi.  

Mama KONE, ɲɔgɔlɔnbɔla don, nsiiridala don, Mali tiyatiribɔjɛkulu "Compagnie côté court", ale y'a de y'o ɲɛmɔgɔ ye. A ye tali kɛ tiyatiribɔ kalan caman na n'a ko mɔgɔ lakodɔnnenw ye i n'a fɔ Sotigui KOUYATE, Marie Cathérine CONTI, Hassane KOUYATE n'a ɲɔgɔnnaw. Bi, baro la, ale ni Koumba KANOUTE bɛ kuma a ka baaraw kan. 

Masalaba kɛnɛ kan, an ye mɔgɔ min bisimila, ale te mɔgɔ gasan ye. A facɛ tun ye gafesɛbɛnna, ani hadamadenya taabolokow dɔnbaga ye, a tun y'a ka diɲɛnatigɛ bɛn farafinna kɔrɔlenkow ni kumakanw lafasali ma. Amadou Hampaté Ba denmuso de ko don. Bi, ale fana y’a ka diɲɛnatigɛ bɛn o ma.

Roukiatou Hampaté Ba bɛ jɛkulu kunna Côte d’ivoire min ka baara bɛnnen don ka facɛ ka dɔnniya n’a ka ciɲɛw lakana. Bi, o jɛkulu  sera ka Amadou Hampaté Ba ka sɛbɛn ba kɛmɛ ni kɔ de yɛlɛma ka don mansimafɛnw na. An taara bɔ Roukiatou Hampaté Ba la a ka cɛkɛda la, Abidjan.

Bi, masaalaba kɛnɛ kan, an ye weele bila Nassénéba Touré de ma Côte d’Ivoire musow  denbayaw ni denminsɛnw ka misiri.  An ka baro senfɛ ; misirimuso in da sera baabu caman de ma, i n'a fɔ musow ka bɔnɔgɔlafɛɛrɛw ; ninjuguyawalew,  ninnu bɛ ta ka musow sɛgɛrɛ ka fara cɛ-ni-musoya-binkaninw kan. Ale n'an ka lasigiden Leila MANDE ka baro don. An k'u lamɛn

Ka kɛɲɛ ni muso jaamanabɔlaw ka lajɛrɛba Festival Films Femmes Afrique tako 7 ye, an ye Mali, jaamanabɔla, Paty KA de bisimila. Ale ni Bintou CISSE kumana a ka ja labɛnnen kan, min kɔnɔ, a kumana yiriw latanga. 
 

Ɲɛfɔlija (documentaire) dɔ labɛnna Mali dɔnkilidalaw Amadou ni Mariam kan. Ja in tɔgɔ ye « Amadou et Mariam : sons du Mali ». A bɛna jira jama la Sénégal Institut français la alamisadon nata. O hukumu kɔnɔ, Bintou CISSE ye Mariam BAKAYOKO ni Sam BAKAYOKO bisimila ka kuma a kan. U ka masala filɛ nin ye

 

Bi masalaba kɛnɛ kan, Oumarou Yero ye wele bila Elie Coulibaly de ma, ka bɔ Mali la. Elie ye gafe sɛbɛnna ye. A ye gafe laban min bɔ mandekan na, nsana ba kelen de b’o kɔnɔ.
Nin kɛnɛ in kan, Elie Coulibaly be n’a ɲɛfɔli kɛ an ye gafe in sɛbɛnkun n'a sɛbɛncogo kan. 
 

Bi masaalaba kɛnɛ kan, an ye wele bila Siaka Keita de ma, n’a bɛ wele mɔgɔw fɛ Lawale Siaka Kunnafonidila don ani gafesɛbɛnna fana don bamanankan na. A ka gafe laban min bɔra, o tɔgɔ Ɲɛmasi. O be kuma ɲɔgɔnyafa nafa kan farafinna. 
 

Bi masaalaba kɛnɛ kan, an ye wele bila Mali flimu ni tiyatiribɔlaba Fatoumata Coulibaly, n'a bɛ  FC de ma. A ye tali kɛ ja 40 ɲɔgɔn baaraw la. Wa a ye jɔnjɔnw sɔrɔ olu kunkɔrɔ Fespaco ani Sotigui Awards la. Ka fara nunu kan, FC ye musow ka bolokoli kɛlɛlibaga ye. 

Aw dansɛ masalaba kɛnɛ kan.  Bi, an be dɔnsen de bɔ k’an ɲagari. Sabu la an ka mɔgɔweelelen ye dɔnkɛ degekaramɔgɔ  ye.  A tɔgɔ Joh Camara, Mali jamanaden don, n’a sigilen don kɔkan kɛrɛnkɛrɛnya la, Etats-Unis jamana kɔnɔ.