Masaalaba

CEDEAO sigili ni bi cɛ, baara caman kɛra wa nɔgɔya caman sɔrɔla sira dɔw fɛ. Nga degun yera fan dɔw fɛ i n'a fɔ lakanako, politikiko walima marakoɲuman. Nin san labanw kɔnɔ, fangadafiriw cayara, gɛlɛya caman yera CEDEAO jamana dɔw kɔnɔ.

Kɔsa in na, jamana saba Mali, Burkina Faso ani Niger olu y'a latigɛ k'u senbɔ tɔn in na ka AES sigi. O fana ye CEDEAO fanga fɛgɛya kosɛbɛ.

Mun de nana ni nin degunw bɛɛ ye ? CEDEAO ka siniɲɛsigi bɛ se ka kɛ mun ye ? walasa k'an ka nin ɲiningaliw jaabi, an ye weelele sama Lansana KOUYATE  ma, La Guinée marabagajɛkulu ɲɛmɔgɔ kɔrɔ ni CEDEAO Koɲɛnabɔjɛkulu ɲɛmɔgɔ kɔrɔ.

A ɲiningalen bɛ Sory IBRAHIM fɛ.

An ka bi mɔgɔ weelelen tɔgɔ Dr Dougoukolo Alpha Oumar Ba Konaré. A ye gafe kura labɔ kɔsa in na, min tɔgɔ ye "Silamɛya ani dusukunnakow Mali la". Fɔcogo wɛrɛ la, silamɛya faamuli ye yɛlɛma minnu don mɔgɔw ka kɛtaw la u ka diɲɛlatigɛ kɔnɔ.   A bɛ gafe in kɔnɔnakumaw walawala ye nin jɛmukan in kɔnɔ, ale ni Umaru YERO ka masaala kɔnɔ

Bi, an bɛ kuma manden landalako Mamaya de kan, O ye ɲɛnajɛ ye min be kɛ san o san seliba dugusajɛ wa a be to senna fo a tile 3, la Guinée jamana na, kɛrɛnkɛrɛnnenya la, Kankan mara la.
Dɔn ani dɔnkilida de be kɛ o lajɛrɛ nin senfɛ, ni mɔgɔw be bɔ diɲɛ seleke naani bɛɛ la, ka ɲɔgɔn 12 sɔrɔ o kɛnɛ kan. O ye tarikuko ye min bɛ matarafa jeliw fɛ o yɔrɔ la. Mme Fatoumata Bamba ye sanfɛkalanso karamɔgɔ ani ɲininikɛla. A ye gafe sɛbɛn mamaya kan, a be min ɲɛfɔ an ye nin jɛmukan kɔnɔ.

Nin dɔgɔkun in na masaalaba kɛnɛ kan, an ye ladji TRAORE de bismila, gafesɛbɛnna kura don ka bɔ la Guinée jamana na. A ka gafe fɔlɔ tɔgɔ ye SINSIA. O min bɔra avirilikalo tɛmɛnen tile 24. Gafe in kɔnɔ,  ladji TRAORE y'a yɛrɛ ka tariku de sɛbɛn. A ye dɔ fɔ  fana tarawelelakaw kan, turamagansi.
 

Nin dɔgɔkun in na an ni Mme Mariam SANOGO de bɛ ɲɔgɔn bolo, gafesɛbɛnna don ka bɔ La Guinée jamana na. A ka gafe tɔgɔ ye  "Réussir en Afrique". O kɔrɔ ye,  ka kɛ fɛn ye farafinna A bɛ kuma a yɛrɛ ka tariku de kan. Mme Mariam SANOGO ye baarakɛla ŋana ye sɔrɔ ani yiriwali ko la
A ka dɔnniya bɛ taa se fo fɛnsɔrɔsiraw, tajii, kuran ani jago bɛɛ ma.

Nin dɔgɔkun in na an bɛ Côte d'Ivoire jamana de la, kɛrɛnkɛrɛnneya la Boudialy dugu kɔnɔ. O yɔrɔ min na an ye tali kɛ seko ni dɔnko lajɛrɛba djéguelé festival la. O min tun  daminɛna avirilikalo in tilɛ 5 k'a kuncɛ a tile 12, wa a tako  9nan de tun don. Djéguélé festival ye balanni walima sankɔrɔtali lajɛrɛ  ye, cogo min na a bɛ lakondɔn diɲɛ bɛɛ fɛ.

Djegele ye senufokan ye, a kɔrɔ ye balanni. Djéguelé festival labɛnjɛkulu ɲɛmaa M. Dodo KONE de y'an ka mɔgɔ weelelen ye bi

Munna furuw kɔnɔ denko bɛ ka gɛlɛya ka taa a fɛ ? A sababu ye mun de ye ? fɛɛrɛ jumɛnw de bɛ se ka sɔrɔ a la ? Bi masaalaba bɛ tali kɛ o de kan. Diɲɛ kɛnɛyako tɔnba OMS ka jatew la diɲɛ kɔnɔ mɔgɔ wɔrɔ o mɔgɔ wɔrɔ, denkogɛlɛya bɛ sɔrɔ kelen na. Wa a ko kɛlen don degunba ye kɛrɛnkɛrɛnnenya la Farafinna.

Tuma caman den sɔrɔli gɛlɛya tuuru bɛ da musow de kun kasɔrɔ cɛw fana nɔ bɛ se ka ye a ko la kosɔbɛ. Walasa ka faamuya jɔnjɔn sɔrɔ nin ko bɛɛ lajɛlen kan Sory IBRAHIM ye weele sama musofurakɛ dɔgɔtɔrɔ (Gynécologie) Dr Djédi Kaba Diakité ma ka bɔ Mali la.

Malick Mbaye ye Mali sifin sɛbɛnnikɛlaw ka jɛkulu JLMA ɲɛmɔgɔ fana ye.  A ka sɛbɛnniw daminɛni ni bi cɛ, a ye gafe saba de sɛbɛn, ani jɛkasɛbɛnni gafe fila.

O lu cɛla, "Ma plume au service de ma communauté"  "le prix à payer",  walima "chant d’onneur"

A bɛ ninnu de walanwalan bi jɛmukan kɛnɛ kan.

Bi, an ni Mali seko ni dɔnko fintinɛ yeelen dɔ fana bɛ ɲɔgɔn bolo. A tɔgɔ ye Afel BOCOUM. Maa dɔgɔlen tɛ, fɔliko ani dɔnkiliko la Mali kɔnɔna na. A ye dɔnkilida daminɛ kabin'a tɛ bɛrɛ bɔ, kab’a funangelama. A ye dɔnkilida ni dɔnkilidala ŋanaw ye i n'a fɔ Ali Farka TOURE. Afel BOCOUM ka dɔnkiliw be tali kɛ jamana yiriwalikow la fɔ ka taa se musow ka hakɛkow ma.

Bamanaw b’a fɔ u ka nsana na ko sodɔn o yiridɔn o, ko yɛrɛdɔn de ka fusa nin bɛɛ ye.

Nka yala maa b’i yɛrɛ dɔn cogo di k’a sɔrɔ i m’i bɔkolow dɔn?  k’i jamu ani bɔyɔrɔ tarikuw dɔn.

ɲiningali filɛ nin ye.  An ka bi jɛmukan baabu bɛ  tali kɛ min kan ni Papa Hady DIALLO ye.

Mali jamanaden don min sigiyɔrɔ bɛnnen don USA jamana ma bi.  Ale ka cɛsiriw n’a ka wulikajɔw bɛɛ bɛnnen don jamuw bɔkolow ɲinini de ma k'u dɔn. A yɛrɛ y’o baara caman kɛ minnu kɛlen b’u damana gafe ye bi.