Í matarspjallinu dagsins í Mannlega þættinum veltum við fyrir okkur sakbitinni sælu, þ.e.a.s. hvað fáum við okkur að borða þegar enginn sér til. Við spurðum fólk hér í Efstaleitunu hvað væri þeirra sakbitna sæla og ræðum það svo með Sigurlaugu Margréti, besta vini bragðlaukanna. Það er óhætt að segja að það eru áhugaverðir hlutir sem fólk fær sér í kvöldmat þegar enginn sér.

Halldór Gylfason, föstudagsgestur Mannlega þáttarins, sat áfram með okkur í matarspjalli dagsins með Sigurlaugu Margréti, besta vini bragðlaukanna. Þar sagði Halldór frá sínum uppáhaldsmat, hvernig maður ber sig að við hlaðborð, hvað var í matinn á hans æskuheimili og hvað hann eldar helst.

Þar sem það er síðasti virki dagurinn fyrir páska í dag, einskonar föstudagur, þá fengum við Sigurlaugu Margréti, besta vin bragðlaukanna, til þess að koma í matarspjall í dag í Mannlega þættinum. Þar ræddum við um páskamat og aðallega páskalambið. En einnig kom við sögu föstudagurinn langi og rósmarín.

Hallveig Rúnarsdóttir föstudagsgestur Mannlega þáttarins sat áfram með okkur Sigurlaugu Margréti í Matarspjallinu í dag. Hallveig sagði frá einum af sínum uppáhaldsréttum, confit de canard, eða andalæri elduð upp úr eigin fitu á franska vísu. en þau er hægt að fá víða í verslunum í dag í stórum niðursuðudósum.

Í matarspjallinu í Mannlega þættinum í dag töluðum við um brauðsúpu. Ekki eru allir jafn spenntir fyrir henni, sum okkar elska hana á meðan önnur... jah ekki jafn mikið.

Þó að rigni, þó að blási, ég skemmti mér...segir í textanum góða. Við viljum trúa því, a.m.k. að nú sé mesti snjórinn farinn a.m.k. hér syðra og þótt hann sé kannski ekki að hopa annars staðar á landinu, þá getur maður alveg dregið fyrir og látið eins og vorið sé að koma. Hið innra a.m.k. Í matarspjalli dagsins í Mannlega þættinum töluðum við um smárétti sem sniðugt er að hafa með t.d. freyðivíni, sem forrétti eða við hvaða tilefni sem er.

Í matarspjalli dagsins í Mannlega þættinum þá ætluðum við að ræða létt sumarsalöt, en við vorum kannski komin aðeins á undan okkur, eða aðeins á undan veðrinu öllu heldur, af því að við erum raunsæisfólk og það þarf ekki annað en að líta út um gluggann til að sjá að það er ekki komið sumar, þannig að við ræddum líka matarmikil salöt og fleira.

Í matarspjalli dagsins í Mannlega þættinum ræddum við um hvernig hugmyndin um salat í matinn, vék fyrir hugmyndinni um smásteik í matinn og allt hefur þetta með blessað veðrið að gera. Ragnheiður Thorsteinsson, sérfræðingur í smásteik kom í heimsókn.

Í matarspjalli dagsins í Mannlega þættinum fengum við Sigurlaug Margrét, besti vinur bragðlaukanna, Albert Eiríksson, besta vin besta vinar bragðlaukanna en hann hefur undanfarna viku verið að deila uppskriftum að úkraínskum réttum á facebook og á síðunni sinni www.alberteldar.is. Við fengum að vita hvaða matur og réttir eru þekktastir frá Úkraínu og hvaðan hann fékk uppskriftirnar í matarspjallinu í dag.

Í matarspjalli dagsins í Mannlega þættinum töluðum við auðvitað um bollur og saltkjöt og baunir. Við spurðum: Eru gömlu góðu bollurnar með rjóma sultu og glassúr á undanhaldi? Eru pipar og lakkrís bragðið að taka yfir og allar nýjungar í bollugerðinni og hvort eru betri, ger eða vatnsdeigsbollur? Bollur og saltkjöt, túkall!