Í matarspjalli dagsins í þetta sinn héldum við okkur við mat af gamla skólanum, heita brauðréttir. Þeir eru auðvitað ómissandi hluti af hlaðborði í veislum þessa lands, fermingarveislur, skírnarveislur, útskriftarveislur. Flestir eiga margar minningar tengdar heitum brauðréttum. Sigurlaug Margrét, besti vinur bragðlaukanna, og heitir brauðréttir í matarspjalli dagsins.

Kjöt í karrí var málið í Matarspjallinu okkar í dag en Sigurlaug Margrét fékk til sín góðan gest, tónlistarmann sem hefur sérstakt dálæti á þessum vinsæla rétti, Karl Örvarsson var gestur Matarspjallsins.

Eftir matarspjallið í síðustu viku, þar sem Sigurður Pálmason sagði okkur sögu af pönnukökubakstri og upp kom umræða um pönnukökuuppskriftir, þá fengum við fjöldann allan af tölvupóstum og skilaboðum með yfirlýsingum um bestu uppskriftirnar, sem allir voru sannfærðir um að væri þeirra og einnig nokkrar pönnukökusögur. Við héldum því áfram að ræða pönnukökur í matarspjalli dagsins og fengum til okkar góðvin þáttarins, Albert Eiríksson, sem er auðvitað, ofan á allt annað, meistari í pönnukökubakstri.

Í dag kom Sigurlaug Margrét auðvitað líka til okkar í matarspjall og við fengum föstudagsgestinn okkar, Sigurð Helga Pálmason, til að sitja áfram hjá okkur og segja frá sínum uppáhaldsmat og hvernig hann stendur sig í eldhúsinu.

Föstudagsgesturinn okkar að þessu sinni var Ragnar Freyr Ingvarsson sérfræðingur í gigtar- og lyflækningum og umsjónarlæknir COVID19-göngudeildar Landspítala en hann er kannski best þekktur sem læknirinn í eldhúsinu. Því fengum við hann til að vera með okkur líka í matarspjallinu með Sigurlaugu Margréti enda mikill ástríðukokkur og getur að eigin sögn talað endalaust um matargerð.

Björgvin Halldórsson, föstudagsgestur Mannlega þáttarins í þetta sinn sat áfram með okkur í matarspjallinu ásamt Sigurlaugu Margréti, besta vini bragðlaukanna. Þá fengum við að vita hvað eru uppáhaldsréttir Björgvins í eldhúsinu, hvað honum finnst best að borða og hverjir eru sérréttir hans.

Við töluðum um smákökur í síðasta matarspjalli enda aðventan gengin í garð og við lögðum áherslu á þessar gömlu góðu uppskriftir en í dag lögðum við áherslu á hvað er hægt að baka þegar maður er vegan. Hvernig sætabrauð, smákökur og konfekt sem margir vilja fá í desember, getur maður útbúið þannig að henti vegan. VeganDrottningin Guðrún Sóley Gestsdóttir var gestur okkar í Matarspjallinu í dag.

Í matarspjalli dagsins töluðum við um smákökur og sögu þeirra á Íslandi. Við sögðum frá nokkrum einföldum smákökuuppskriftum og gáfum góð ráð fyrir smákökubaksturinn.

Sigríður Pétursdóttir var föstudagsgestur þáttarins í þetta sinn og af því að Sigga er einnig annálaður matgæðingur fengum við hana til að vera með okkur áfram í matarspjallinu hjá Sigurlaugu Margréti og þar var hún á konunglegum nótum, því Sigga er sérfræðingur í bresku konungsfjölskyldunni og nú þegar margir landsmenn horfa á The Crown er upplagt að gera sér dagamun um helgina, í þessu blessaða Covid ástandi, og búa til High Tea stemmningu að breskum sið.

Í dag er föstudagur og þá er auðvitað matarspjall með Sigurlaugu Margréti, besta vini bragðlaukanna og eðlilega stóðumst við ekki mátið, þar sem Marentza Poulsen var föstudagsgestur okkar, að fá hana til að sitja áfram með okkur í matarspjalli dagsins.