Մի երգ պատմիր

Գուշակեք՝ որ երգի մասին է պատմում փոդքասթեր Նարեկ Ամիրխանյանը: Երգ, որ սիրում են երկրպագուները ու չեն սիրում այն կատարողները: Այս երգը Նարեկին տանում է ուսանողական տարիներ:

«Լավ էլի» խմբի մենակատար Մհեր Մանուկյանը ամենատաքուկ հիշողությունների գրկից է դուրս բերում իր ամենասիրելի երգը: Այս երգը սիրո քնքշության մասին է:

Դերասան Վաչե Երիցյանի կարծիքով այս երգը բոլորը պետք է լսեն, ինքն էլ այն լսում է ամեն օր:

Երգչուհի Լյուսիի ամենասիրելի երգը հենց իր երգացանկից է: Դժվարությամբ, բայց սիրով Լյուսին կարողացել է իրենը դարձնել այդ երգը:

Ֆուդբլոգեր Անահիտ Դադոյանը համոզված է, որ իր ամենասիրելի երգի մասին քչերը գիտեն: Նրա ականջակալներում օվկիանոս տանող հնչյունները հենց այս երգից են: 

Տիկտոկեր Աշոտ Այվազյանի` Աշայվիի կյանքի տխուր պահերի ու երազանքների իրականացման երգը նույնն է:

Ո՞ր երգի մասին է այսպես երազկոտ պատմում դերասան Վարուժ Մարգարյանը: Նրա ամենասիրելի երգը գալիս է դեռ անցած դարի 40-ական թվականներից:

Երբեք չէինք պատկերացնի, որ երաժիշտ Կավիճի` Վաչե Ղարիբյանի ամենասիրելի երգը 2000-ականների ամենխենթ երգչուհու հենց այս երգն է: 12 տարեկանից այս երգը Վաչեի սրտում է:

Գուշակեցի՞ք, թե որ երգն է դերասանուհի, հաղորդավարուհի Արևիկ Գևորգյանի ամենասիրելին: Այո, բարդ է. սիրո մասին երգերը շատ են, բայց միայն այդ երգն է շատ պարզ ձևով Արևիկին հիշեցնում սիրո կարևորության մասին:

Ո՞ր երգն է ոգեշնչել տիկտոկեր Աշոտ Հովհաննիսյանին: Կյանքի դժվար պահերն Աշոտը ժպիտով է հիշում փոփի արքայադստեր այս երգի շնորհիվ: