Մի երգ պատմիր

Աստվածային երգ, որ քեզ էլ իր հետ տանում է վերև: Բանասեր Դիանա Դեմիրճյանն ուղղակի խենթանում է այս երգի համար:

Սա ճակատագրական երգ էր երգիչ Արման Մսրյանի համար: Հենց այս երգը նրան կապեց երաժշտության հետ, դարձավ  ամենասիրելին ու բազմաթիվ անգամներ օրորեց նրան` մինչև քուն:

Երգեր կան, որ հիշեցնում են ամենաթանկ մարդկանց մասին ու կապում մեզ տիեզերքի լույսին: Հաղորդավար, գրող Համլետ Առաքելյանը սիրո բարձրագույն ձևն է գտել այս երգի հնչյուններում:

Շունչը կտրվելու չափ սիրուն երգեր կան, որոնք մի օր կհնչեն ականջակալներումդ ու կփոխեն կյանքդ: Երաժիշտ Արթուր Աթայանը հենց այդպես գտավ իր սիրելի երգը:

Երգեր կան, որ ստիպում են մեզ ստեղծագործել դրանք լսելիս, թափառել փողոցում ու մտածել կյանքի մասին: Այս երգը Էմիլի համար հենց այդ մի երգն է:

Ամռան մի գիշեր Էլենը պատուհանից նայում էր փողոցով անցնող մեքենաների լույսերին ու դրանց մեջ գտավ իր սրտի երգը:

Կան, չէ՞, երգեր, որ կարծես փրկեն մեզ մեր մտքերից: Այս երգը սովորեցնում է սիրել կյանքի վայրիվերումներն ու հավատալ լավ ավարտներին:

Լինում է, չէ՞, որ մեզ լավ երգեր խորհուրդ տված մարդիկ հեռանում են մեր կյանքից, իսկ երգերը մնում են ու դառնում մերը։ Այդպիսի մի դեպք Զառա Տոնիկյանի կյանքում էլ պատահեց, ու հիմա նրա առավոտները սկսվում են այս երգով։

Այս երգին օպերատոր Ռոբերտը հանդիպեց Սարյան փողոցում, ու այդ օրվանից այն իր հետ պտտեցնում է իր եղած բոլոր փողոցներով:

Սա երգ է, որ պոկվել է ֆիլմի կադրերից, դարձել Մոնիկայի ամենասիրելին ու հիմա էլ նրա մտքում է նոր ֆիլմեր ստեղծում: