Këtë rradhë donim të preknim një temë e cila është në mendjen e të gjithë maturantëve, studentëve të bachelorit apo dhe atyre që e kanë mbyllur ciklin e shkollimit dhe kërkojnë një eksperiencë studimi jashtë shtetit, me synimin për tu zhvilluar më tepër nga pikëpamja akademike por edhe profesionale, pse jo.

Për t'iu përgjigjur etjes së dëgjuesve tanë, patëm një të ftuar të veçantë, i cili ka studiuar në 3 kontinente të ndryshme, e ka nisur fillimisht në Norvegji, pastaj në SHBA, dhe e mbylli në Korenë e Jugut, të paktën deri tani... 

I ftuari jonë me emrin Kim, na tregoi se ka një rrjet shkollash ndërkombëtare që quhet United World Colleges (https://www.uwc.org) të cilët i mundësojnë nxënësve nga 15  deri në 18 vjeç (viti 2 dhe 3 gjimnaz) për të ndjekur shkollimin në një serë vendesh të ndryshme, nga Amerika deri në Japoni. Dhe më pas të japin mundësi për të ndjekur shkollën e lartë në një serë universitetesh prestigjoze në botë, përfshirë këtu edhe bursa studimi të plota.

Për të gjitha këto dhe më tepër, ju ftojmë të ndiqni episodin e rradhës! 

Pema e krishtlindjeve u nxorr nga depo dhe është në sallon, zbukurimet e Lali Erit u instaluan, gjeli i detit pritet të blihet në tregun e fshatarëve për t‘u therur, dhe receta e sallatës ruse tashmë është gjendur në youtube...

Në këtë atmosferë festive deshëm edhe ne të kontribuonim me një episod dedikuar festave të fundvitit. 

Fakte interesante rreth krishtlindjeve, një quiz i Tomek për Maten dhe një sërë historish personale dhe batutash të shkëmbyera mes moderatorëve e shoqërojnë këtë episod me ritëm të lartë! 

Ne e shijuam, urojmë t’ju argëtojë edhe juve!

Ankthi se vizitorët e huaj do mbeten të pakënaqur nga vendi për të cilin ti i ke folur aq shumë na shoqëron shpesh herë kur kemi miq në Shqipëri për vizitë. 

Ky episod përpiqet të vendosë disa piketa në hartën e Shqipërisë të cilat ja vlejnë të merren në konsideratë për tu përfshirë në guidën dhe eksperiencat tuaja. 

Nga lokalet, restorantet dhe atraksionet e tjera turistike në Tiranë, deri në peisazhet e jugut dhe veriut, përzgjedhur sipas sezoneve të ndryshme, Tomek dhe Mate japin disa nga sugjerimet dhe eksperiencat e tyre, të cilat mund tju vlejnë edhe juve për të treguar më të mirën e kulturës dhe natyrës tonë.

Na komentoni në twitter se kush kanë qenë eksperiencat tuaja më të bukura.

Nëse para pak vitesh trendi më i zakonshëm ishte shpërngulja nga fshatrat ose zonat e periferisë në zemër të qytetit, sot gjithnjë e më shumë njerëz preferojnë të kundërtën. 

Ky episod përpiqet të shpjegojë disa nga arsyet kryesore që fshihen pas këtij trendi të ri, ku statistikat dhe faktet gërshetohen si gjithmonë me historitë personale të Tomek dhe Mate. 

Po ju, si thoni, a ja vlen të jetosh sot në periferi? 
Çfarë benefitesh dhe vështirësish mendoni se do të sillte kjo? 
Tomek e ka marrë vendimin e tij!

Aplikoni për kredi për të ngritur biznesin tuaj! 

Ose mos aplikoni fare, sepse bota virtuale ju ofron mundësinë të krijoni dyqanin tuaj online me kosto minimale. E vetmja gjë që ju nevojitet është njohuri bazike mbi teknologjinë dhe dhunti biznesi. Ky episod përpiqet të trajtojë të gjitha sa më sipër, natyrisht pa anashkaluar historitë plot humor, së bashku me të ftuarin tonë, Marlon. 

Jemi përpjekur të japim një këndvështrim mbi sipërmarrjet online në Shqipëri duke dhënë këshilla praktike sesi të hapësh një biznes online dhe të papriturat që mbart kjo iniciativë.

Shkurtim në kohë dhe distancë për të arritur në destinacionet tona. 

Para këtij episodi mund të ishte ky përshkrimi perfekt i të udhëtuarit me avion. Por të fluturosh me shqipet është diçka më shumë se kaq. 

Stereotipe, personazhe dhe eksperienca të rralla të hasura gjatë udhëtimeve të Tomek dhe Mate, do të keni mundësi ti ndiqni ne kete episod. 

Na thoni dhe ju eksperiencat tuaja më të veçanta nga udhëtimet që keni pasur me bashkëatdhetarët tanë të dashur. 

Është pothuajse e pamundur të gjesh aspekte negative për sa i përket ushtrimit të një hobby. 

Megjithatë, në mënyrë krejt paradoksale justifikimet për mos të pasur një të tillë janë të shumta: mungesa e kohës, frika e mos të qenit i talentuar mjaftueshëm ose edhe perceptimi i një hobi si të parëndësishëm për kohën dhe ambicien tonë. Ky episod përpiqet të listojë një sërë arsyesh pse është me vlerë që të kemi një hobi ose pasion tonin dhe mënyrat se si mund ta lehtësojmë agjendën e ngarkuar për të gjetur pak vend për to. 

Nga një koncert fëmijësh ku Mate nuk arriti të këndonte në natën finale, në parkourin e Tomek që shpëtoi për fije pa thyer kockat, deri në top hobby-et më të çuditshëm në botë. 

Ky është carousel-i i këtij episodi. 
Patjetër që një pjesë e juaja e ka një Hobby. Pse nuk e ndani me ne?

"Një profesionist i zoti, ka qenë dikur një fillestar" - kjo është një thënie e cila mishëron edhe qëllimin e episodit të parë.

Këtu kemi dashur të hapim diskutimin lidhur me vështirësitë dhe të papriturat që kemi hasur kur kemi filluar punë për herë të parë por edhe kënaqësinë dhe momentet e paharrueshme që do të mbahen mend gjatë gjithë jetës. Askush nuk i shpëton dot ditës së parë të punës pasi është një pjesë e pandashme e jetës tonë dhe secili nga duhet ta provojë këtë ndjesi herët apo vonë. 

Në fund të ditës, sado e vështirë të ketë qenë dita e parë e punës, jemi të bindur që ajo na ka bërë më të fortë në përballimin e sfidave të jetës. 

Na shkruani lidhur me eksperiencat tuaja, cilat kanë qenë ato detaje që ju kanë tërhequr vëmendjen por edhe vështirësitë e hasura gjatë herës së parë... në punë.