മീനുകളോടൊപ്പം നീന്തി നടന്ന ആ കുഞ്ഞുങ്ങൾ ശരിക്കും മീനുകൾ തന്നെയാണോ? 🐟👀
ദിവസങ്ങൾ കഴിഞ്ഞപ്പോൾ അവരുടെ ശരീരത്തിൽ ചില മാറ്റങ്ങൾ കണ്ടുതുടങ്ങി... കൈകളും കാലുകളും വളരുന്നു! 😮 മീനമ്മ പറഞ്ഞ സത്യം അറിഞ്ഞപ്പോഴാണ് കുഞ്ഞുമീനുകൾക്കും കാര്യം പിടികിട്ടിയത്. പ്രകൃതിയുടെ അത്ഭുതകരമായ വളർച്ചയും സൗഹൃദത്തിന്റെ മനോഹരമായ കഥയും ചേർന്ന ‘മീനുകളും വാൽമാക്രികളും’. 🐸💛 മിന്നാമിന്നി കഥകളിൽ ആർ ജെ അച്ചുവിനൊപ്പം ഈ കൗതുകകഥ കേൾക്കാം.

നിർമ്മാണം & അവതരണം : ആർ ജെ അച്ചൂ 
ശബ്ദമിശ്രണം : പ്രണവ് പി എസ്

Teaches children the importance of doing tasks on time and avoiding laziness., Features the story of two brothers, Kittu and Mittu, and pumpkin seeds given by their grandfather., Highlights how procrastination leads to missed opportunities while diligence brings rewards., Interactive storytelling format encouraging kids to share their voice messages.

“പിന്നെ ചെയ്യാം…” എന്ന് പറഞ്ഞുകൊണ്ടിരുന്നാൽ എന്ത് സംഭവിക്കും? 🤔കിട്ടുവും മിട്ടുവും സഹോദരങ്ങളാണ്. ഒരു ദിവസം അപ്പൂപ്പൻ ഇരുവർക്കും ഓരോ മത്തങ്ങാവിത്ത് നൽകി.കിട്ടു ഉടൻ വിത്ത് നട്ടു.മിട്ടുവോ…?“എപ്പോഴെങ്കിലും ചെയ്യാം!” എന്ന് കരുതി അത് മാറ്റിവച്ചു. 😄പിന്നെ ദിവസങ്ങൾ കഴിഞ്ഞപ്പോൾ കിട്ടുവിന്റെ മത്തങ്ങാച്ചെടി നിറയെ മത്തങ്ങകളുമായി വളർന്നു. മിട്ടുവിനും അപ്പോൾ തോന്നി—“ഞാനും ഒന്ന് നട്ടിരുന്നെങ്കിൽ…”പക്ഷേ അപ്പോഴേക്കും ഒരു പ്രശ്നം!മിട്ടുവിന്റെ വിത്ത് എവിടെപ്പോയി? 👀ഒരു ചെറിയ മടിയും കാര്യങ്ങൾ മാറ്റിവയ്ക്കുന്ന ശീലവും മിട്ടുവിനെ എന്താണ് പഠിപ്പിച്ചത്?കേൾക്കാം ‘കിട്ടുവും മിട്ടുവും’, മിന്നാമിന്നി കഥകളിൽ. 🐻🎧


നിർമ്മാണം & അവതരണം : ആർ ജെ അച്ചൂ 
ശബ്ദമിശ്രണം : സുന്ദർ എസ്

എല്ലാവരും ഓണാഘോഷത്തിന്റെ തിരക്കിൽ… പക്ഷേ മുത്തുക്കരടി മുത്തു മാത്രം ഗുഹയ്ക്കുള്ളിൽ ഒറ്റയ്ക്ക്. 🐻🌸കാലിന് പരുക്കേറ്റതിനാൽ പുറത്തിറങ്ങാൻ കഴിയാതെ മുത്തുവിന് കൂട്ടുകാരുടെ ഓണാഘോഷം ദൂരെ നിന്ന് നോക്കിനിൽക്കേണ്ടി വന്നു. തിരുവോണനാളിൽ തേനും തീർന്നതോടെ സങ്കടം കുറച്ചുകൂടി.പക്ഷേ അപ്പോഴാണ് ഗുഹയ്ക്ക് പുറത്ത് ഒരു ബഹളം കേൾക്കുന്നത്… 👀ആരായിരിക്കും മുത്തുവിനെ കാണാൻ വന്നത്?
അവന്റെ ഓണം ഒടുവിൽ എങ്ങനെയായിരിക്കും?സ്നേഹവും സൗഹൃദവും നിറഞ്ഞ മുത്തുവിന്റെ ഓണം കേൾക്കാം മിന്നാമിന്നിക്കഥകളിൽ.

നിർമ്മാണം & അവതരണം : ആർ ജെ അച്ചൂ

ജില്ലുക്കുരങ്ങൻ ഊഞ്ഞാലാടുന്നത് കണ്ടപ്പോൾ ജംബുവിനും തോന്നി… എനിക്കും വേണം ഒരു ഊഞ്ഞാൽ! 🐘🌿പക്ഷേ ജംബുവിന്റെ ഭാരം താങ്ങാൻ കാട്ടിലെ വള്ളികൾക്കാകുമോ? ആദ്യം ശ്രമിച്ച വള്ളികളെല്ലാം പണി കൊടുത്തപ്പോൾ ജംബുവിന്റെ ആഗ്രഹം നടക്കുമോ എന്നായി സംശയം.ഒടുവിൽ അമ്മപ്പിടിയാനയും കൂട്ടുകാരും കണ്ടെത്തിയ വള്ളികളിൽ ജംബുവിന് കിട്ടിയത് ഒരു കിടിലൻ സർപ്രൈസ്! 😍ജംബുവിന് ഒടുവിൽ തന്റെ സ്വപ്നത്തിലെ ഊഞ്ഞാൽ കിട്ടുമോ?കുട്ടികൾക്കൊപ്പം കേൾക്കാം രസകരമായ ‘ജംബുവിന്റെ ഊഞ്ഞാലാട്ടം’. 🐘🎧
നിർമ്മാണം & അവതരണം : ആർ ജെ അച്ചൂ 
#MinnaminniKathakal #JambuvinteOonjalattam

പപ്പടം പരമു ഉണ്ടാക്കിയ പപ്പടങ്ങൾ വെയിലത്ത് ഉണക്കാനിട്ടു. ഒന്നും രണ്ടുമല്ല, 100 പപ്പടങ്ങൾ! പായയിൽ സ്ഥലമില്ലാതായപ്പോൾ വീട്ടിന്റെ ഓട്ടിൻപുറത്തും പപ്പടങ്ങൾ നിരത്തി.നല്ല വെയിലിൽ പപ്പടങ്ങൾ ഉണങ്ങിത്തുടങ്ങിയപ്പോഴാണ് പരമുവിനെ പേടിപ്പിച്ചുകൊണ്ട് കാറ്റ് എത്തിയത്. പപ്പടങ്ങളെല്ലാം പറന്നുപോയാൽ? അതിനുപിന്നാലെ മഴ വന്നാൽ?പരമുവിന്റെ കഷ്ടപ്പാട് വെറുതെയാകുമോ? 🌧️

കാറ്റിനോട് പരമു എന്താണ് പറഞ്ഞത്?
 കാറ്റ് പരമുവിനെ സഹായിക്കുമോ?
ഒടുവിൽ പപ്പടങ്ങൾ കൊണ്ട് പരമുവിന് എന്ത് ചെയ്യാൻ കഴിഞ്ഞു?

കുട്ടികൾക്ക് എണ്ണാനും രസിക്കാനും ഒപ്പം അധ്വാനത്തിന്റെ വിലയും ചെറിയ കാര്യങ്ങളിലെ വലിയ സന്തോഷവും മനസ്സിലാക്കാനും കഴിയുന്ന ഒരു കൊച്ചുകഥ.🎧
കേൾക്കാം ‘പപ്പട പരമു’ — Minnaminnikkathakal Story Podcast.
കഥ: രമേഷ് ചന്ദ്രവർമ്മ ആർ | അവതരണം: RJ Achoo

ചക്ക പഴുത്തു… പക്ഷേ പൂമണിക്കും കിങ്ങിണിക്കും ഒരു കഷണം പോലും കിട്ടുന്നില്ല! 🦜🍈

മരത്തിന്റെ കൊമ്പിലെ പൊത്തിലാണ് രണ്ട് തത്തകളുടെയും വീട്. മുന്നിൽ നിറയെ ചക്കകൾ. പക്ഷേ ചക്ക പഴുത്താൽ കുരങ്ങച്ചനും മുയലച്ചനും എത്തും… പിന്നെ തത്തകൾക്ക് നോക്കിനിൽക്കാനേ കഴിയൂ.അങ്ങനെയിരിക്കെ കിങ്ങിണി സഹായം തേടി യാത്ര തിരിച്ചു. വഴിയിൽ അവൾ കണ്ടുമുട്ടിയത് ടക് ടക് ടക് എന്ന് മരത്തിൽ കൊത്തുന്ന മരംകൊത്തി അണ്ണനെ! 🐦“ചക്ക ഞങ്ങൾക്ക് തിന്നണം… പക്ഷേ ഞങ്ങളുടെ കുഞ്ഞിക്കൊക്കുകൊണ്ട് അത് മുറിക്കാൻ പറ്റുന്നില്ല…”കിങ്ങിണിയുടെ വിഷമം കേട്ട മരംകൊത്തി അണ്ണൻ എന്ത് ചെയ്തു? 🤔
അതിനപ്പുറം, ചക്ക കഴിച്ചതിന് ശേഷം തത്തകൾ ചെയ്ത ഒരു ചെറിയ കാര്യം പിന്നീട് വലിയൊരു മാറ്റത്തിന് കാരണമാകുമോ?കേൾക്കാം ‘തത്തകളും മരംകൊത്തിയും’ — രസവും കൗതുകവും ഒരു നല്ല സന്ദേശവും ചേർന്ന Story Podcast. 🌱💚

നിർമ്മാണം & അവതരണം : ആർ ജെ അച്ചൂ

സ്വന്തം കഴിവിൽ അമിതമായ വിശ്വാസം… മുന്നിൽ ഒരു മുന്നറിയിപ്പ്… പിന്നെ എന്ത് സംഭവിച്ചു? 🐜🕷️
ഒരു ഉറുമ്പും ചിലന്തിയും തമ്മിലുള്ള സൗഹൃദത്തിലൂടെയാണ് ഈ രസകരമായ കഥ തുടങ്ങുന്നത്. എന്നാൽ, ഒരാളുടെ അമിത ആത്മവിശ്വാസവും മറ്റൊരാളുടെ മുന്നറിയിപ്പും കഥയെ അപ്രതീക്ഷിതമായൊരു വഴിയിലേക്ക് കൊണ്ടുപോകുന്നു.മറ്റുള്ളവർ നൽകുന്ന നല്ല ഉപദേശങ്ങൾ കേൾക്കേണ്ടതെന്തിന്? അഹങ്കാരവും അമിത ആത്മവിശ്വാസവും നമ്മളെ എവിടെയെത്തിക്കും?കുട്ടികളെ രസിപ്പിക്കുന്നതിനൊപ്പം ചിന്തിപ്പിക്കുകയും ഒരു നല്ല ജീവിതപാഠം നൽകുകയും ചെയ്യുന്നൊരു കുഞ്ഞുകഥ.✨
 മിന്നാമിന്നിക്കഥകൾ
കേൾക്കാം… കഥയ്ക്കുള്ളിലെ കൗതുകവും പാഠവും കണ്ടെത്താം! ❤️
നിർമ്മാണം & അവതരണം : ആർ ജെ അച്ചൂ

വരയ്ക്കാൻ തുടങ്ങിയപ്പോൾ എല്ലാം നന്നായിരുന്നു. പക്ഷേ, അപ്രതീക്ഷിതമായി സംഭവിച്ച ഒരു കാര്യം പെൻസിലിനെ ആകെ വിഷമത്തിലാക്കി. അവൻ വരച്ച വരകൾക്ക് എന്താണ് സംഭവിച്ചത്? അപ്പോഴാണ് റബ്ബർ ഒരു സഹായവുമായി എത്തിയത്…ഒരു കൊച്ചുപെൻസിലും റബ്ബറും ചേർന്ന് പറയുന്ന സൗഹൃദത്തിന്റെ മനോഹരമായ കഥയാണ് ‘മിന്നാമിന്നിക്കഥകൾ’ ഒരുക്കുന്നത്. അവസാനം അവർ വരച്ച ചിത്രം എന്തായിരുന്നുവെന്ന് അറിയാൻ കഥ കേൾക്കാം.

അമ്മ പറഞ്ഞത് കേൾക്കാതിരുന്നാൽ എന്ത് സംഭവിക്കും?പറക്കാൻ പഠിച്ചുതുടങ്ങിയ കുഞ്ഞിത്തത്ത... 
സ്നേഹത്തോടെ ഉപദേശിക്കുന്ന അമ്മത്തത്ത... 
പക്ഷേ അമ്മയുടെ വാക്കുകൾ കേൾക്കാൻ കുഞ്ഞിത്തത്ത തയ്യാറല്ല!“അത്തിമരത്തിൽ തത്തി തത്തി നടക്കരുതേ... വേടൻ മുത്തു പിടികൂടും!” എന്ന അമ്മയുടെ മുന്നറിയിപ്പ് അവൾ അവഗണിച്ചു.പിന്നെ അവിടെ സംഭവിച്ചതോ? 
വേടൻ മുത്തു കുഞ്ഞിത്തത്തയെ പിടിക്കാൻ പിന്നാലെ കൂടി...
പക്ഷേ ഒടുവിൽ കുഞ്ഞിത്തത്ത രക്ഷപ്പെട്ടു! ഈ ചെറിയ കഥയിൽ നിന്ന് കുഞ്ഞിത്തത്ത പഠിച്ച വലിയൊരു പാഠമുണ്ട്:അമ്മ പറഞ്ഞത് കേൾക്കേണം,
നല്ലവരായി വളരേണം,തന്നിഷ്ടങ്ങൾ ആപത്താ!
കുട്ടികൾക്കൊരു രസകരമായ കഥയും നല്ലൊരു പാഠവുമായി മിന്നാമിന്നിക്കഥകൾ. കഥ: കെ. എ. മജീദ്,അവതരണം: ആർ.ജെ. അച്ചു.
കഥ നിങ്ങൾക്ക് ഇഷ്ടപ്പെട്ടോ? നിങ്ങളുടെ അഭിപ്രായം വോയ്സ് മെസ്സേജായി അയക്കൂ!

അപ്പുണ്ണിയും അനുജത്തി അമ്മിണിയും കൂടി വീട്ടുമുറ്റത്ത് കളിക്കുകയായിരുന്നു . അപ്പോഴാണ് അമ്മ അവരെ കാപ്പി കുടിക്കാൻ വിളിച്ചത്.
അപ്പുണ്ണിയും അമ്മിണിയും കളി മതിയാക്കി അടുക്കളയിലേക്ക് ഒറ്റ ഓട്ടം വെച്ചു കൊടുത്തു. അമ്മ അപ്പുണ്ണിക്കും അമ്മിണിക്കും കഴിക്കാനായിട്ട് വാഴപ്പഴവും പലഹാരങ്ങളും ഒക്കെ നൽകി. പലഹാരം കഴിച്ചതോടെ വാഴപ്പഴവും എടുത്ത അപ്പുണ്ണിയും അമ്മിണിയും വീണ്ടും കളിക്കാനായി മുറ്റത്തേക്ക് ഓടി. അപ്പുണ്ണിയുടെയും അമ്മിണിയുടെയും ഉത്സാഹം കണ്ടപ്പോൾ അമ്മ അവരോട് ഉറക്കെ വിളിച്ചു പറഞ്ഞു 
 വാഴപ്പഴം അത് തിന്നിട്ട് തൊലിമുറ്റത്തേക്ക് എറിയല്ലേ
 പശുവിൻ കാടിയിൽ ഇട്ടോളൂ, പൂവാലിപ്പശു തിന്നോളൂ.

അവതരണം ,നിർമ്മാണം : ആർ ജെ അച്ചൂ