Minnaminni kathakal | Malayalam Stories For Kids | Mathrubhumi Podcast

പപ്പടം പരമു ഉണ്ടാക്കിയ പപ്പടങ്ങൾ വെയിലത്ത് ഉണക്കാനിട്ടു. ഒന്നും രണ്ടുമല്ല, 100 പപ്പടങ്ങൾ! പായയിൽ സ്ഥലമില്ലാതായപ്പോൾ വീട്ടിന്റെ ഓട്ടിൻപുറത്തും പപ്പടങ്ങൾ നിരത്തി.നല്ല വെയിലിൽ പപ്പടങ്ങൾ ഉണങ്ങിത്തുടങ്ങിയപ്പോഴാണ് പരമുവിനെ പേടിപ്പിച്ചുകൊണ്ട് കാറ്റ് എത്തിയത്. പപ്പടങ്ങളെല്ലാം പറന്നുപോയാൽ? അതിനുപിന്നാലെ മഴ വന്നാൽ?പരമുവിന്റെ കഷ്ടപ്പാട് വെറുതെയാകുമോ? 🌧️

കാറ്റിനോട് പരമു എന്താണ് പറഞ്ഞത്?
 കാറ്റ് പരമുവിനെ സഹായിക്കുമോ?
ഒടുവിൽ പപ്പടങ്ങൾ കൊണ്ട് പരമുവിന് എന്ത് ചെയ്യാൻ കഴിഞ്ഞു?

കുട്ടികൾക്ക് എണ്ണാനും രസിക്കാനും ഒപ്പം അധ്വാനത്തിന്റെ വിലയും ചെറിയ കാര്യങ്ങളിലെ വലിയ സന്തോഷവും മനസ്സിലാക്കാനും കഴിയുന്ന ഒരു കൊച്ചുകഥ.🎧
കേൾക്കാം ‘പപ്പട പരമു’ — Minnaminnikkathakal Story Podcast.
കഥ: രമേഷ് ചന്ദ്രവർമ്മ ആർ | അവതരണം: RJ Achoo

ചക്ക പഴുത്തു… പക്ഷേ പൂമണിക്കും കിങ്ങിണിക്കും ഒരു കഷണം പോലും കിട്ടുന്നില്ല! 🦜🍈

മരത്തിന്റെ കൊമ്പിലെ പൊത്തിലാണ് രണ്ട് തത്തകളുടെയും വീട്. മുന്നിൽ നിറയെ ചക്കകൾ. പക്ഷേ ചക്ക പഴുത്താൽ കുരങ്ങച്ചനും മുയലച്ചനും എത്തും… പിന്നെ തത്തകൾക്ക് നോക്കിനിൽക്കാനേ കഴിയൂ.അങ്ങനെയിരിക്കെ കിങ്ങിണി സഹായം തേടി യാത്ര തിരിച്ചു. വഴിയിൽ അവൾ കണ്ടുമുട്ടിയത് ടക് ടക് ടക് എന്ന് മരത്തിൽ കൊത്തുന്ന മരംകൊത്തി അണ്ണനെ! 🐦“ചക്ക ഞങ്ങൾക്ക് തിന്നണം… പക്ഷേ ഞങ്ങളുടെ കുഞ്ഞിക്കൊക്കുകൊണ്ട് അത് മുറിക്കാൻ പറ്റുന്നില്ല…”കിങ്ങിണിയുടെ വിഷമം കേട്ട മരംകൊത്തി അണ്ണൻ എന്ത് ചെയ്തു? 🤔
അതിനപ്പുറം, ചക്ക കഴിച്ചതിന് ശേഷം തത്തകൾ ചെയ്ത ഒരു ചെറിയ കാര്യം പിന്നീട് വലിയൊരു മാറ്റത്തിന് കാരണമാകുമോ?കേൾക്കാം ‘തത്തകളും മരംകൊത്തിയും’ — രസവും കൗതുകവും ഒരു നല്ല സന്ദേശവും ചേർന്ന Story Podcast. 🌱💚

നിർമ്മാണം & അവതരണം : ആർ ജെ അച്ചൂ

സ്വന്തം കഴിവിൽ അമിതമായ വിശ്വാസം… മുന്നിൽ ഒരു മുന്നറിയിപ്പ്… പിന്നെ എന്ത് സംഭവിച്ചു? 🐜🕷️
ഒരു ഉറുമ്പും ചിലന്തിയും തമ്മിലുള്ള സൗഹൃദത്തിലൂടെയാണ് ഈ രസകരമായ കഥ തുടങ്ങുന്നത്. എന്നാൽ, ഒരാളുടെ അമിത ആത്മവിശ്വാസവും മറ്റൊരാളുടെ മുന്നറിയിപ്പും കഥയെ അപ്രതീക്ഷിതമായൊരു വഴിയിലേക്ക് കൊണ്ടുപോകുന്നു.മറ്റുള്ളവർ നൽകുന്ന നല്ല ഉപദേശങ്ങൾ കേൾക്കേണ്ടതെന്തിന്? അഹങ്കാരവും അമിത ആത്മവിശ്വാസവും നമ്മളെ എവിടെയെത്തിക്കും?കുട്ടികളെ രസിപ്പിക്കുന്നതിനൊപ്പം ചിന്തിപ്പിക്കുകയും ഒരു നല്ല ജീവിതപാഠം നൽകുകയും ചെയ്യുന്നൊരു കുഞ്ഞുകഥ.✨
 മിന്നാമിന്നിക്കഥകൾ
കേൾക്കാം… കഥയ്ക്കുള്ളിലെ കൗതുകവും പാഠവും കണ്ടെത്താം! ❤️
നിർമ്മാണം & അവതരണം : ആർ ജെ അച്ചൂ

വരയ്ക്കാൻ തുടങ്ങിയപ്പോൾ എല്ലാം നന്നായിരുന്നു. പക്ഷേ, അപ്രതീക്ഷിതമായി സംഭവിച്ച ഒരു കാര്യം പെൻസിലിനെ ആകെ വിഷമത്തിലാക്കി. അവൻ വരച്ച വരകൾക്ക് എന്താണ് സംഭവിച്ചത്? അപ്പോഴാണ് റബ്ബർ ഒരു സഹായവുമായി എത്തിയത്…ഒരു കൊച്ചുപെൻസിലും റബ്ബറും ചേർന്ന് പറയുന്ന സൗഹൃദത്തിന്റെ മനോഹരമായ കഥയാണ് ‘മിന്നാമിന്നിക്കഥകൾ’ ഒരുക്കുന്നത്. അവസാനം അവർ വരച്ച ചിത്രം എന്തായിരുന്നുവെന്ന് അറിയാൻ കഥ കേൾക്കാം.

അമ്മ പറഞ്ഞത് കേൾക്കാതിരുന്നാൽ എന്ത് സംഭവിക്കും?പറക്കാൻ പഠിച്ചുതുടങ്ങിയ കുഞ്ഞിത്തത്ത... 
സ്നേഹത്തോടെ ഉപദേശിക്കുന്ന അമ്മത്തത്ത... 
പക്ഷേ അമ്മയുടെ വാക്കുകൾ കേൾക്കാൻ കുഞ്ഞിത്തത്ത തയ്യാറല്ല!“അത്തിമരത്തിൽ തത്തി തത്തി നടക്കരുതേ... വേടൻ മുത്തു പിടികൂടും!” എന്ന അമ്മയുടെ മുന്നറിയിപ്പ് അവൾ അവഗണിച്ചു.പിന്നെ അവിടെ സംഭവിച്ചതോ? 
വേടൻ മുത്തു കുഞ്ഞിത്തത്തയെ പിടിക്കാൻ പിന്നാലെ കൂടി...
പക്ഷേ ഒടുവിൽ കുഞ്ഞിത്തത്ത രക്ഷപ്പെട്ടു! ഈ ചെറിയ കഥയിൽ നിന്ന് കുഞ്ഞിത്തത്ത പഠിച്ച വലിയൊരു പാഠമുണ്ട്:അമ്മ പറഞ്ഞത് കേൾക്കേണം,
നല്ലവരായി വളരേണം,തന്നിഷ്ടങ്ങൾ ആപത്താ!
കുട്ടികൾക്കൊരു രസകരമായ കഥയും നല്ലൊരു പാഠവുമായി മിന്നാമിന്നിക്കഥകൾ. കഥ: കെ. എ. മജീദ്,അവതരണം: ആർ.ജെ. അച്ചു.
കഥ നിങ്ങൾക്ക് ഇഷ്ടപ്പെട്ടോ? നിങ്ങളുടെ അഭിപ്രായം വോയ്സ് മെസ്സേജായി അയക്കൂ!

അപ്പുണ്ണിയും അനുജത്തി അമ്മിണിയും കൂടി വീട്ടുമുറ്റത്ത് കളിക്കുകയായിരുന്നു . അപ്പോഴാണ് അമ്മ അവരെ കാപ്പി കുടിക്കാൻ വിളിച്ചത്.
അപ്പുണ്ണിയും അമ്മിണിയും കളി മതിയാക്കി അടുക്കളയിലേക്ക് ഒറ്റ ഓട്ടം വെച്ചു കൊടുത്തു. അമ്മ അപ്പുണ്ണിക്കും അമ്മിണിക്കും കഴിക്കാനായിട്ട് വാഴപ്പഴവും പലഹാരങ്ങളും ഒക്കെ നൽകി. പലഹാരം കഴിച്ചതോടെ വാഴപ്പഴവും എടുത്ത അപ്പുണ്ണിയും അമ്മിണിയും വീണ്ടും കളിക്കാനായി മുറ്റത്തേക്ക് ഓടി. അപ്പുണ്ണിയുടെയും അമ്മിണിയുടെയും ഉത്സാഹം കണ്ടപ്പോൾ അമ്മ അവരോട് ഉറക്കെ വിളിച്ചു പറഞ്ഞു 
 വാഴപ്പഴം അത് തിന്നിട്ട് തൊലിമുറ്റത്തേക്ക് എറിയല്ലേ
 പശുവിൻ കാടിയിൽ ഇട്ടോളൂ, പൂവാലിപ്പശു തിന്നോളൂ.

അവതരണം ,നിർമ്മാണം : ആർ ജെ അച്ചൂ

അപ്പുവും രാമുവും അയൽക്കാരായ കുട്ടികളായിരുന്നു. ഒരു ദിവസം അപ്പുവിന് അവന്റെ അമ്മാവൻ ഒരു നല്ല പന്ത് സമ്മാനമായിട്ട് നൽകി. അപ്പു  ഉടനെ പന്തുമായി കളിക്കാൻ ഇറങ്ങി. രാമുവും ഒപ്പം കളിക്കാൻ കൂടി.
പക്ഷേ വികൃതിയായ അപ്പു രാമുവിന് പന്ത് കളിക്കാൻ കൊടുക്കാതെ പന്തുമായി ഓടി നടന്നു. പാവം രാമു ഒന്നും പറയാതെ മരത്തിന്റെ ചുവട്ടിൽ വിശ്രമിച്ചു. അപ്പു രാമുവിന്റെ മുമ്പിലൂടെ പന്തടിച്ചു നടന്ന് രാമുവിനോട് പറഞ്ഞു -
പന്തുരുട്ടി കളിക്കാൻ 
എന്തു രസം നോക്കൂ
 പന്തു തട്ടി കളിക്കാൻ 
കൂട്ടുവേണ്ട ആരും. 
പാവം രാമു ഇത് കേട്ട് മിണ്ടാതെ മരത്തിന്റെ ചുവട്ടിൽ ഇരുന്നതേ ഉള്ളൂ.
കൂടുതൽ കേൾക്കൂ മിന്നാമിന്നിക്കഥകൾ..
അവതരണം , നിർമ്മാണം ആർ ജെ അച്ചൂ

വികൃതി കാട്ടി നടക്കുന്ന കുട്ടിക്കൊമ്പനായിരുന്നു കുട്ടിശ്ശങ്കരൻ. കുട്ടിശ്ശങ്കരൻ നല്ല ചുണക്കുട്ടൻ ആയിരുന്നു. കുട്ടിശ്ശങ്കരൻ ആനയുടെ ഒറ്റ ചങ്ങാതി ആയിരുന്നു കിട്ടൻ കട്ടുറുമ്പ്.കുട്ടിശ്ശങ്കരനും കിട്ടൻ കട്ടുറുമ്പും ഒരുമിച്ചാണ് തീറ്റ തേടൽ ഉറക്കവും കളിയും കുളിയും എല്ലാം ഒരു ദിവസംകുട്ടിശ്ശങ്കരനോട് കിട്ടൻ കട്ടുറുമ്പ് പറഞ്ഞു  കുട്ടിശ്ശങ്കരാ ചങ്ങാതി പുഴയിൽ നീന്തി നടന്നാലോ നിന്നുടെ തലയിൽ ഇരുന്നാലോ ലോകം മുഴുവൻ കാണാലോ. ശരി അങ്ങനെ ആവട്ടെ കിട്ടൻ കുട്ടാ എന്റെ  തലയിൽ കയറി നീ ഗമയിൽ സവാരി ചെയ്തോളൂ കിട്ടൻ കട്ടുറുമ്പിന് സന്തോഷമായി. അവൻ വേഗം കുട്ടിശ്ശങ്കരൻ ആനയുടെ മസ്തകത്തിൽ കയറി. 
കൂടുതൽ കേൾക്കൂ  മിന്നാമിന്നിക്കഥകൾ
അവതരണം , നിർമ്മാണം ആർ ജെ അച്ചൂ

ഒരു ദിവസം കുഞ്ഞൻ കുരങ്ങച്ചൻ പഴുത്തു തുടുത്ത മാമ്പഴം ഒത്തിരി ഉള്ള ഒരു മാവിൻ ചോട്ടിൽ എത്തി. പഴുത്ത മാമ്പഴങ്ങൾ കണ്ടപ്പോൾ കുഞ്ഞൻ സന്തോഷം കൊണ്ട് തുള്ളിച്ചാടി. അവൻ മാവിൻ ചില്ലകൾ തോറും കയറി ഇറങ്ങി. മാമ്പഴം പറിച്ച് കറുമുറ തിന്നാൻ തുടങ്ങി. ഈ സമയം കാക്കനാട്ടെ കീരു കാക്കച്ചി കാ കാ എന്ന് കരഞ്ഞുകൊണ്ട് വിശന്നു വലഞ്ഞ അതുവഴി വന്നു. പഴുത്ത തുടുത്ത മാമ്പഴം കണ്ടപ്പോൾ അവൾ മാവിൻ കൊമ്പിൽ ഇരുന്ന് മാമ്പഴം തിന്നുന്ന കുഞ്ഞൻ കുരങ്ങച്ചനോട് ചോദിച്ചു.
അമ്പട കുഞ്ഞ കുരങ്ങുണ്ണി വിശന്നയ്യു തളരുന്നേ മാമ്പഴമൊന്നു തിന്നോട്ടേ വേഗമൊരെണ്ണം തന്നാട്ടേ. അത്യാഗ്രഹിയായ കുഞ്ഞൻ കുരങ്ങച്ചനുണ്ടോ അതിഷ്ടാവുന്നു? കൊടുക്കുവോ?

കേൾക്കൂ മിന്നാമിന്നി കഥകൾ 
നിർമ്മാണം & അവതരണം : ആർ ജെ അച്ചൂ

മേരി അമ്മൂമ്മയുടെ വീടിൻറെ തട്ടിൻ പുറത്താണ് അമ്മ പൂച്ചയുടെയും മക്കളുടെയും താമസം. അമ്മ പൂച്ചയ്ക്ക് മൂന്ന് മക്കളാണ് . മൂന്ന് മിടുമിടുക്കൻ പൂച്ചക്കുട്ടന്മാർ. ഒന്നാമന് മഞ്ഞനിറം. രണ്ടാമന് കറുപ്പ് നിറം. മൂന്നാമനാകട്ടെ വെള്ള നിറവും.
ഒരു ദിവസം മൂന്ന് പൂച്ചക്കുട്ടന്മാരും പമ്മി പതുങ്ങി മേരി അമ്മുമ്മയുടെ അടുക്കളയിൽ കയറി. മൂന്ന് പൂച്ചക്കുട്ടന്മാർ പമ്മി പമ്മി ചെന്നു. തട്ടിൽ നിന്നിറങ്ങി കട്ട് തിന്നാൻ ചെന്നു. അവർ ഓടിയും ചാടിയും തലകുത്തി മറഞ്ഞും കളി തുടങ്ങി. അതിനിടെ ഒന്നാമൻ മഞ്ഞപ്പൂച്ച അമ്മൂമ്മയുടെ  അരിപ്പൊടി പാത്രത്തിൽ ഉരുണ്ടുവീണു. അത് കണ്ട് തല തല്ലിച്ചിരിച്ച കറുമ്പൻ പൂച്ച മഞ്ഞപ്പൊടി പാത്രം ഉരുട്ടി ഇട്ടു. അടപ്പ് തുറന്ന് മഞ്ഞൾ പൊടി കറുമ്പൻ പൂച്ചയുടെ മേൽ ആകെ വീണു. കൂടുതൽ കെളല്ലാം മിന്നാമിന്നിക്കഥകൾ 
നിർമ്മാണം & അവതരണം : ആർ ജെ അച്ചൂ