အိမ်တွင်းအကြမ်းဖက်မှုကို သွေးသားရင်းချာ၊ ဆွေမျိုးနီးစပ်၊ ရင်းနှီးကျွမ်းဝင်သူကြား ဖြစ်ပွားတဲ့ အကြမ်းဖက်မှုတခုလို့ ဆိုနိုင်ပါတယ်။ လူ ၅ ယောက်မှာ ၁ ယောက်နှုန်းနဲ့ အိမ်တွင်းအကြမ်းဖက်မှုကို ကြုံနေကြရတယ်လို့ လေ့လာသူတွေက ဆိုကြပါတယ်။ အမျိုးသမီး ၉ ‌ယောက်မှာ ၂ ယောက်နှုန်း၊ အမျိုးသား ၁၁ ယောက်မှာ ၂ ယောက်နှုန်းနီးပါး အထူးသဖြင့် လူငယ်စုံတွဲတွေကြားမှာ အိမ်တွင်းအကြမ်းဖက်မှုကို အများဆုံး ကြုံတွေ့ကြရတယ်လို့ Politics for Women Myanmar က ထုတ်ဝေတဲ့ ၂၀၂၄ ခုနှစ် ၁၆ ရက်တာ လှုပ်ရှားမှုအထိမ်းအမှတ် "ဂျန်ဒါအခြေပြုအကြမ်းဖက်မှုဆိုင်ရာ သိကောင်းစရာ" ပညာပေးအိတ်ဆောင်စာအုပ်ထဲမှာ ရေးသားထားပါတယ်။