E Wuche Pouse und ner ouno ds spät... Mir hei grad zimlech viu um d Ohre gha di letschte zwe Wuche. Drum heimer dänkt lieber spät aus nie. 
Ämu isch viu passiert und ja d Hockey-WM isch sicher ou es Thema i dere Foug.
Mir wünsche nech viu Spass!!!!!

Mir wärde scho 1! Gsunge hei mr im Podcast nid, aber Gratulatione und Gschänk näh mr gärn entgäge. Gueti Wuche

Anschienend giz Lüt, wo gern Salatsauce trinke. Glichzitig immer weniger, wo handelsübelchi Chuemiuch trinke. 
Ob das äch zämehängt? 
Jedefaus het das Wucheänd eine vo beidne es undichts Dach gha und dr anger isch dicht gsi.
Viu Spass mit dere Foug. 
Bis nöchscht Wuche

Di Wuche isch leider chli e churzi Foug. Näbscht schaffe isch nid viu meh passiert bi üs und beidi si chli kabutt.
Dr Schlüg isch ume erfougriich ids Hornusse gstartet und nimmt aus usenang. 
Und wörum duet me eigentlech zwöi mau ufwerme im Hockey? Nimer weisses so richtig, wöu Sinn macht das äue nid. 
Mir wünsche nech e gueti Wuche

Die Foug mache mir üsem Name aui Ehr. Beidi chli uf dr Schnurre und glich versueche mr ds lifere.
Eh ja. Mir hoffe heit gueti Oschtere gha. 
LG

Vergiss Schneebausystem und de Trading-Bullshit! Mir säge dir würk wie mr richtig Cash macht. Aues wo drfür muesch mache isch de Podcast abonniere u bewärte. 

I dere Foug schwelge mir chli ir Vergangeheit. Mir si absolut fasziniert, was für ne blühendi Fantasie mir aus Ching hei gha. Vilech näme mir nech ja chli mit uf üsem Reisli.
Häbets guet.
D Boys

Die Wuche giz sit langem wider mau e vorproduzierti Foug. Dr Schlüg isch, wi bereits erwähnt, i de Ferie.
Aber mir löh nech nid im Stich und liefere nech trotzdäm Content. Mir hoffe es mundet. 
Häbbets guet.

Jede cha mache, was er will, will jede staht derzue, was er macht. Das isch widermau üsi Schlussfolgerig gai us dr Diskussion i dere Foug. Mir wärde ou wider chli sportlech und verabschide dr Schlüg no i sini wouverdiente Ferie.
Ke Angscht; es wird trotzdäm witerhin content cho. Mir hei fliessig vorproduziert.
LG 

Dr 31er seit die Wuche sorry für sis chrankheitsbedingte Nuschle u dr 69er für sis Quizzdebaku. Meh sägi nid dezue, müesst säuber inelose. Gueti Wuche