mittumässig

Eis Thema isch anhand vom Titu scho mou klar. Es paar angeri Sache si natürlech ou no diskutiert worde und üsi Quizzrubrike chöme ou wieder vor. E gueti Wuche!

Nach technische Problem simer wider zrügg. Derfür mitere länge Foug.
Insgeheim wäre mr beidi gern Buechoutore. Und drum rede mr über üsi gschiterete Schribprojekt.
Isch sieze no nötig oder chöimer nis eifach aui duze? Ufbouend uf dere Diskussion heimer nis hüt unabsichtlech chli Biudigstheme gwidmet. Und aus Abschluss no di grossi Frag, ob Lüt wo Marathon loufe, irgend es Problem hei.
Dir chöit nech uf viu prekäri Ussage fröie.

Die Wuche simer ussergwöhnlech brisant ungerwägs. Mir widme üs am männleche Intimbereich. 
Usglöst dür d SRF-Doku, wos um Penisvergrösserige geit. Es spannends Thema, wo nis zu witere brisante ou fasch chli makabere Theme füehrt. Spannend und glich nid nur eifachi Theme, wo nech i dere Foug erwarte. 
Mir wünsche e guete Start id Wuche.

Dr Schlüg het sini Husufgabe für einisch gmacht und nid total vergessen. Abgseh vom Uftrag e Doku zluege isch ou no e Zitigsartiku zum Thema Hockey dezue cho. Viu Spass! Oder ou nid.

Das Wucheänd heimer ume mau "Trainingslager" vom Hockey gha. Di vorderi Wuche isch dr Jona ono grad ir Landschuwuche gsi und drum isch ds Thema "Lager" grad chli im Fokus. 
Das mr aui ds viu am Handy si isch gloub klar. Wases mitem Titu uf isch het ghöret dir ir Foug.
Mir wünsche nech e gueti Wuche.
Me ghört sech.

Technischi Problem, Chnöinews, Schwinge u Foto-OL. Das si es paar vo de hütige Theme. 
E schöni mittumässigi Wuche aune!

Hüt chli chrüzer defür umso knackiger. Wenn dr weit wüsse wie mr ohni Gäud cha läbe, chöi mrnech säge mir wüsses ou nid. Schöni Wuche!

Üses Summertraining geit ds Änd und es geit langsam richtig Iisch und d Schlöf wärde wider montiert. 
Und glich giz mau wider e Rückschlag punkto Chnöi...
Da chunnt ou d Frag uf, mit was me sis Läbe füut, weme nüm richtig cha Sport mache.
Und ner isch gli ume Wiehnachte. Weles si öichi Lieblingsgschänk, wo dir bis ize heit becho und grüesst me bim wandere? Das und meh ghöret dr hüt.
Mir wünsche, hiube

Die Wuche geiz voraum um Handys. Beidi finge mr, dass mr ds viu am Chnoche hange. Was mr dergäge mache oder no chönnte mache, isch Thema vor Sändig.
Ou Abschid isch Teil vom Gspräch. Dr Jona het hüt dr letscht Tag im Militär gha und mir rede drüber, wi mir bi so Sache aube Abschied näh. Das und meh, i dere Foug.
LG

Die Wuche mau wider pünktlech wi di dütschi Bahn. Mir rede über ds Ändi vo üsem Podcast und was mir i üsne Ferie so aus hei gmacht. I dem Zämehang heimers ou dervo, wo häre mir gärn würde uswandere. Das und e chline Wuetusbruch vom Schlüg giz i dere Foug.
LG