Moiesstudio

De Familljen- an Acceuilsminister Max Hahn wollt mam Pilgertaf duerch d'Land zéien, fir ONA-Strukturen opzemaachen. Wou sinn déi Strukturen drun? Mir hu recherchéiert.

Den Donald Trump gouf gëschter zu Windsor vum Kinnek Charles a senger Fra Camilla empfaangen. De Phillip Crowther ass op der Plaz a mécht een éischten Tëschebilan.

Médecins sans frontières ass eng vun de véier Organisatiounen, déi nach ëmmer an der Gaza-Sträif present si fir humanitär Hëllef ze leeschten. Zesumme mat aneren ONGen huet MSF gëschter en Appell un déi international Staategemeinschaft geriicht, all déi politesch, ekonomesch a juristesch Mëttelen, déi et ginn, ze notze fir dem israeelesche Krich am palästinensesche Gebitt en Enn ze setzen. Mir hu mam Thomas Kaufmann, Generaldirekter vu Médecins sans frontières Lëtzebuerg, geschwat.

Fir déi Leit, déi nach e futtisse Vëlo doheem stoen hunn, oder déi gäre méi wësse wëllen iwwer d‘Reparatur vum Vëlo, kenne muer(18.09.) ob Diddeleng fueren, op de Site Nei Schmelz.

Eise Korrespondent Philip Crowther mellt sech vun der Plaz.

D'Wënzer:inne stelle sech op e gudde Cru an, mussen an Zäite vu Klimawandel a manner Alkoholkonsum awer och no Weeër siche fir sech op d'Zukunft virzebereeden. D'Paule Rodesch ass zu Wellesteen bei der Lies um Domaine René Bentz derbäi, wou dëst Joer déi éischte Kéier zwou PIWI-Riefzorten ugebaut goufen. Riewen, déi méi resistent solle si géint Pilzkrankheeten an de Klimawandel.

D'Aschreiwung vum Recht op eng IVG an d'Verfassung ass onerwaart en Haaptsujet vun der politescher Rentrée ginn. Froen un den Deputéierte Marc Baum (déi Lénk), Auteur vun der Textpropos, iwwer déi an der parlamentarescher Institutiounskommissioun diskutéiert gëtt.

Am däitsch-Lëtzebuerger Schengen-Lycée zu Pierel ass et dëst Joer eng ganz besonnesch Rentrée. Vun dësem Schouljoer u gëtt do nämlech een neit Léierkonzept ageféiert. D’Schülerinnen a Schüler solle selwer decidéiere kënnen, a wéi engem Tempo si d’Haaptfächer Franséisch, Däitsch a Mathé léieren. Dobäi steet déi eege Verantwortung an och déi individuell Fërderung am Mëttelpunkt. D’Sophie Schroeder war sech an der Schoul zu Pierel e Bild vum neie System gemaach.

Wéi reagéiert d'ALEBA op den ugekënnegten Ofbau vun 124 Aarbechtsplazen? Froen un de Gewerkschaftspresident Roberto Mendolia

Wien den Owend nach näischt vir huet a Fan vun Jazzmusek ass, dee kënnt haut am Apoteca an der Stad op seng Käschten.