Moiesstudio

Déi 27 EU-Inneminister kommen haut fir eng urgent Reunioun zesummen, nodeems virum Weekend zéngdausende Leit probéiert hu vu Marokko aus an déi spuenesch Exklav Ceuta ze kommen. Mat wéi enge politesche Reaktiounen ass ze rechnen? Detailer mat eiser Bréissel-Korresponentin Agathe Cherki.

Wat sinn d'Ziler vum Opsteiger Walfer an der neier Saison? Mir hunn Äntwerte vum Walfer Consultant Charel Schloesser.

2026 wier ee fantastescht Joer fir d'Lëtzebuerger Campingen. Vill Touriste géife wéinst der aktueller Situatioun am Süde vun Europa hir Vakanzen hei am Land verbréngen, seet d'Presidentin vun der Camprilux, der Vereenegung, déi d'Campingsbedreiwer vertrëtt.

Wéinst der Dréchent géif ee speziell Instruktiounen un d'Clientë weiderginn an et wier een amgaangen een neie Leader-Programm op d'Been ze stelle fir en neie Plan de Secours auszeschaffen.

Mat sengem Fälscher-Drama geet de Steven Soderbergh dem Wiese vun der Konscht op de Fong. De Michel Delage an d'Vesna Andonovic mat enger Bespriechung

Zanter e Sonndeg sinn nei Reegelen aus dem europäeschen AI-Act a Kraaft. D'Medienopsiicht ALIA wäert doduerch nei Missioune kréien. Wéi eng, erkläert den Théo Antunes.

De Weier, deen direkt nieft der grousser Äispist ass, läit zënter iwwer engem Joer dréchen. U sech sollt dee knapp 200 Meter laangen an 130 Meter breede Brakeweier scho längst nees mat Waasser gefëllt sinn. Bis et souwäit ass, wäert et awer nach eng Zäitchen daueren. De Pit Beffort war sech fir eis op d’Kockelscheier e Bild vun der Situatioun maachen.

Der däitscher Autosindustrie geet et net gutt. Nodeems virun enger Woch Porsche annoncéiert hat 5.000 Plazen ze sträichen, ass BMW elo Mëtt der Woch mat 8.000 Plaze nogezunn. All déi däitsch Autosbauer sinn amgaangen ze kierzen. Iwwer d’Grënn dofir hu mir mam Lazar Backovic, Chef vun der Mobilitéitsredaktioun beim däitschen Handelsblatt geschwat. Den Haaptgrond fir déi schlecht Stëmmung um Marché wier ganz kloer China, seet hien. Mee firwat?

De Krich am Noen Oste kritt keen Enn an de Rhäin ass keen zouverlässegen Transportwee méi. Mir schwätze mam Eric Bleyer, President vum Tankstelleverband GEML, iwwer aktuell Erausfuerderungen

Déi wichtegst Komponent vun der Reform: Jugendschutz a Jugendstrofrecht gi künfteg getrennt. Mee elo mussen d’Texter eng weider Kéier iwwerschafft ginn. De Gilbert Pregno, Kannerpsycholog a fréiere President vun der Mënscherechtskommissioun, huet staark Bedenken, datt d’Reform, iwwer déi scho laang diskutéiert gëtt, de Besoine gerecht gëtt.

3 Aquarius Läschfligere vun der Cargolux sinn den Ament an der Gironde fir ze hëllefen de Groussbrand ze läschen. Froen un de CEO vun Aquarius a Pilot, de Wieger Ketellapper.