Moiesstudio

Lëtzebuerg schéckt ee Läschfliger genee wéi 15 Pompjeeën a Frankräich, fir ze hëllefen d’Bëschbränn an de Grëff ze kréien.

Koordinéiert gëtt deen Asaz zu Bréissel, am Zentrum vum sougenannten EU-Mechanismus fir d’Protection civile, wou d’Fiedem fir déi europäesch Noutfallmesuren zesummelafen. Vun do aus gëtt d’Hëllef op europäeschem Niveau koordinéiert an ofgestëmmt.

D’Danièle Weber konnt sech op der Plaz an där Kommandozentral, matten am EU-Quartier zu Bréissel, selwer ee Bild maachen doriwwer, wéi dat funktionéiert.

Fir op d'Kris ënner anerem an der däitscher Automobilindustrie ze reagéieren, denken Autoszouliwwerer och hei am Land iwwer een zweet Standbeen no - z. B. am Beräich Defense. Explikatioune vum President vum Lëtzebuerger Verband vun den Autoszouliwwerer, dem Julian Proffitt.

Déi eng si vläicht schonn an der Vakanz oder profitéiere vun enger Wunneng oder enger Schaff mat enger Klimaanlag fir dës Deeg besser ze iwwerstoen ... Fir anerer heescht et e bësse kreativ ginn.

De Moris Garzaro huet sech gëschter an d’Stad ëmfrot, wat d’Leit maachen, fir mat der Hetzt eens ze ginn a wat fir Tricken hinnen duerch dëse waarme Summer hëllefen.

Bei de waarmen Temperature wéi se fir haut an och déi nächst Deeg gemellt sinn, wëllt ee sech eigentlech just nach ofkillen. Besonnesch an de Stied kann d’Hëtzt sech nämlech Stauen a richteg desagreabel ginn. Mee dat geet och anescht. Wéi, dat kann een de Moment selwer zu Diddeleng virum Gemengenhaus testen. Hei steet eng sougenannt Klimakëscht déi weise soll, wéi eng Stad kann ausgesinn, déi sech den neie klimatesche Bedéngungen ugepasst huet. Wat dat genee heescht, probéiert de Pit Beffort erauszefannen.

Mir froen de Luca Mathias vu Meteolux, wéi vill Spueren d'Bëschbränn hei am Land wäerten hannerloossen a wéi waarm et déi nächst Deeg de Previsiounen no gëtt.

D'Pechschwéngercher, d'Kanner op der Buerg an an Zukunft de Virwëtzclub: all eis Geschichten an Hörspiller fir Kanner ginn et elo gesammelt op enger Plaz, pünktlech fir d'Vakanz. D'Maxi Pesch mat Erklärungen

Mëtt Juli huet d’EU eng Reform vum ETS, dem Emissiounshandelssystem, ugekënnegt. Deemno solle Betriber méi laang méi CO2 produzéieren dierfen, wéi bis elo geplangt. De Stéchdatum 2040 fir eng 90-Prozent-Reduktioun un Zäregas-Emissioune bleift awer weiderhi bestoen. D’Ëmweltschutzorganisatioune WWF a Greenpeace hu Bedenken, ob dës Klimaziler vun der EU wäerten agehale kënne ginn.

Mir schwätze mam Max Steffen vun emergency.lu.

Den amerikaneschen Independant-Drama "Omaha" thematiséiert déi grouss Problemer vu klenge Leit. Et ass dem Michel Delage säin aktuelle Kinotip.

Eise Korrespondent Matthias Kirsch analyséiert dem Bundeskanzler säi Personalchoix an erkläert, wat ee sech vun der neier Besetzung erwaarde kann.