Moiesstudio

Lët’z Arles ass den Numm vun der ASBL, déi zanter 2016 déi Lëtzebuerger Fotografie all Summer op de renomméierte Rencontres de la Photo d’Arles vertrëtt. Fir hire ronnen zéngte Gebuertsdag wollten d’Memberen dem Public a Südfrankräich eppes Besonnesches bidden. Si hu Lëtzebuerger Institutioune mat Edward-Steichen-Kollektiounen zesummebruecht, fir eng gemeinsam Edward-Steichen-Expo fir d’Rencontres op d’Been ze stellen, an zwar ënner dem Titel “La nature d’Edward Steichen”. Eng Weltpremière! D’Kerstin Thalau war op der Semaine d’ouverture vun de Rencontres d’Arles.

De Finanzminister erkläert, wat senger Analys no nom 31. August mat den israeelesche Staatsobligatioune geschitt a firwat d'Decisioun vun der CSSF net éischter bekannt gemaach gouf.

D'Uelzecht zu Steesel soll renaturéiert ginn. Dat mam Zil fir d'Gewässerqualitéit an den Héichwaasserschutz ze verbesseren. Virun 3 Joer gouf ee gréissere Projet annoncéiert, zesumme mat der Regierung, der Gemeng an der Europäescher Investitiounsbank. Elo ass een éischte klengen Tronçon fäerdeg. Ob a wéini de gesamte Projet kéint ofgeschloss ginn, ass ongewëss. De Moris Garzaro huet sech am Fréijoer op der Plaz mat der Steeseler Buergermeeschtesch getraff, fir doriwwer ze schwätzen.

De Marc Besch ass Generalsekretär vum Staatsrot an huet elo e Buch iwwer d'Entsteeung vun där Institutioun geschriwwen. Mir geheie mat him ee Bléck zeréck an déi Geschicht.

Rieds ass vum schlëmmste Bëschbrand iwwerhaapt an der Regioun: Am Nordoste vu Madrid hunn 1.200 Mënschen aus méi wéi 30 Uertschafte missten evakuéiert ginn. Elo kéint Besserung a Siicht sinn. Een Update mat eiser Korrespondentin Aurélie Chamerois

Den Iwwerbléck vun der aktueller Filmprogrammatioun mam Michel Delage

Een zentraalt Klimaschutzinstrument vun der Europäescher Unioun soll reforméiert ginn: den Emission Trading System, kuerz ETS, deen et schonn zënter 2005 gëtt. Déi Europäesch Kommissioun hat hir Virschléi dozou e Freideg zu Bréissel presentéiert. Zënterdeem ginn et positiv wéi negativ Reaktiounen.

Wéi reagéiert déi Lëtzebuerger Industrie op d’Proposen? A wat genee huet d’EU-Kommissioun virgeschloen?

Mir froen d'Martine Peters vun der Waasserverwaltung, éier haut de Renaturéierungsdësch zesummekënnt.

Dem Christopher Nolan seng imposant filmesch Interpretatioun gëtt dem Homer sengem Klassiker absolut gerecht, et ass dem Michel Delage säin aktuelle Kinotip.