All Joer virun Ouschtere ginn d'Kanner am ganze Land klibberen.

Den Abdelfattah Abusrour ass viru 50 Joer am Camp Aida zu Betlehem gebuer. Bis hie fir seng Studien a Frankräich gaangen ass huet hien do gelieft. No sengen Etuden ass hien zeréck an de Flüchtlingscamp gaangen an huet do de Kulturzentrum Alrowwad gegrënnt. D’Philosophie vun Alrowwad ass et, duerch Konscht an Educatioun eng “schéi Resistenz” ze bilden.

Ee wichtegt Symbol vun der Emaischen ass natierlech de Péckvillchen. Dat kënne richteg Sammlerstécker sinn. Esou och déi vun der Aulebäckesch Romy Weydert.

D‘ONG Global Witness mat Sëtz zu London mécht schwéier Reprochë géint Traxys, eng international Firma, mat europäeschem Sëtz zu Lëtzebuerg, déi Metaller a Mineralien importéiert a verkeeft. Se soll vum Krich an der Demokratescher Republik Kongo profitéieren.

Ronn 100 Kanner hate sech gëschter zu Wolz fir d’Kannerkonferenz, kuerz d’CHICO, getraff. D’Maison-relaisen ueschtert d’Land hate sech fir dëst Event gemellt.

Seniors for Climate setze sech fir de Klimaschutz an. Wat dreift si un?

Déi éischt waarm an dréche Méint vum Joer hate keen Impakt op dat beléifte Fréijoersgeméis. Zu Hënsdref stellt ee sech op eng gutt Recolte an. Den Yves Hoffmann bedreift an drëtter Generatioun de Bauerebetrib Um Sonnebierg.

D’Editeuren aus den däitschsproochege Länner Däitschland, Éisträich, Schwäiz a Lëtzebuerg hunn d’lescht Woch eng gemeinsam Erklärung ënnerschriwwen.

D'Michelle Cloos, Generaldirektesch vun Editpress erkläert.

D'Pensiounscoach beréit Leit, déi kuerz virun der Pensioun stinn, wéi si sech am beschten op dësen neie Liewensofschnëtt virbereeden.

Jidderee ka matmaachen. D’Huesenzielung hëlleft wichteg Daten iwwer de Bestand vun den Déieren ze sammelen. Virun zwou Woche gouf e Fall vun Huesepescht am Land confirméiert. Dofir muss een oppassen bei der Huesenzielung, erkläert d'Claire Wolff, si ass Biodiversitéit-Responsabel beim Mouvement écologique.