Moiesstudio

De Premier- a Medieminister huet gëschter an der Chamber op déi ëmstridden Ausso vum Ëmweltminister Serge Wilmes reagéiert, fir deen en Interview ëmmer win-win muss sinn.

De Mierscher DP-Buergermeeschter Michel Malherbe erkläert, firwat Miersch keng einfach Gemeng méi wëllt sinn, mee eng Stad wëllt ginn. Souguer wann et näischt bréngt.

D'Union syndicale huet dem Premier erëm geschriwwen a beklot sech iwwer "vill verlueren Zäit". Den LCGB-President Patrick Dury erkläert, firwat d'Gewerkschaften nees Drock maachen.

Haut um Mëttwoch ginn op den Olympesche Wanterspiller déi éischt Medailen an enger ganz spezieller Sportaart verginn, déi an eise Géigenden net esou bekannt ass: Rieds ass vun der Nordescher Kombinatioun. Wat genee do kombinéiert gëtt, a firwat d’Sportaart op de Wanterspiller fir Opreegung suergt, weess de Jo Diseviscourt.

Den Antoine Paccoud an de Michel-Edouard Ruben hunn déi ëffentlech Depensë fir de Logement analyséiert: anescht ausgi kéint Lëtzebuerg haut vill méi ëffentleche Wunnraum hunn.

Den Alpefuerscher Werner Bätzing geheit e kritesche Bléck op d'Organisatioun vu Wanterspiller an enger Regioun, déi souwisou schonn ënner Massentourismus a Klimawandel leit.

D'Bauerenzentral kritiséiert dat zwou EU-Agrarprimmen gekierzt ginn. Hierer Meenung läit de Feeler beim Landwirrtschaftsministére deen d'Demande vun de Baueren nët richteg ageschat haett.

No der schlëmmer Serie vu Stierm an Iwwerschwemmungen a Portugal wëllt d'Chambre de Commerce et d’Industrie Portugal-Luxembourg (CCILL) hëllefen. Hire President Francis Da Silva erkläert, op wéi eng Aart a Weis.

Slopestyle ass eng vun den Disziplinne beim Freestyle-Schi, déi dëst Joer bei den Olympesche Wanterspiller an Norditalien ausgedroe ginn. Bei de Frae konnte gëschter schonn d’Mathilde Gremaud Gold, d’Eileen Gu Sëlwer an d’Megan Oldham Bronz gewannen. Bei de Männer ass d’Finall haut am fréie Mëtteg. Zënter de Wanterspiller 2014 zu Sotschi a Russland ass d’Disziplin olympesch. Slopestyle fuerdert Kreativitéit, Trickfäegkeet a Courage vun den Athleetinnen an Athleeten. Dobäi deet sech eng jonk Fra besonnesch ervir, déi awer och fir Kontrovers gesuergt huet.