Die Tshwane metroraad wil die verspreiding van siektes soos MIV en Hepatitis C onder dwelmverslaafdes verminder. Die burgermeesterskomiteelid vir Gesondheid, Sakkie du Plooy, sê een spuitnaald word deur meer as een persoon gebruik om dwelms in te spuit en so word die siektes versprei. Hy sê die metroraad het 'n projek waar gebruikte spuitnaalde omgeruil word vir nuwe spuitnaalde. Du Plooy sê dis deel van die Tshwane metro se omvattende strategie teen dwelmmisbruik.