Die toekoms van Westbury is in die hande van die jeug. Dit is volgens gemeenskapsleiers en regeringsdepartemente, wat met jong mense in die bende- en dwelm geteisterde woonbuurt werk. Inwoners het meer as 'n maand gelede betoog en vir die regering gevra om in te gryp. Sedertdien het die Gautengse departement van gemeenskapsveiligheid 'n jeugkamp opgerig, om lewensvaardighede vir hoërskool leerlinge aan te leer.