Die menseregteorganisasie, Human Rights Watch, is besig om vergrype teen Siriese burgers in Libanon aan die groot klok te hang. In 'n verslag wat pas gepubliseer is, word die dood, en oënskynlike marteling van vier Siriese burgers in Arsel, 'n gebied teenaan die Siriese grens, in besonderhede uiteengesit nadat foto's van die mans deur 'n internasionale forensiese kenner, bestudeer is. Die Libanese weermag het beloof om die saak te ondersoek.