Tot soveel as 160 mense het na raming in die aardbewing in die Umbria-gebied in Sentraal-Italië omgekom. Baie mense was vasgekeer en beseer in die puin van geboue. Die krag van die aardbewing is tussen 6,0 en 6,2 op die Richterskaal gemeet. Lorenso Meusburger wat sy ouma in die dorpie Accumoli besoek, het gister gesê dit gaan goed met hulle. Die dorp is sowat 35 minute se reis per motor wes van die episentrum van die aardbewing.