Kenia ervaar steeds 'n knellende droogte, en is tot 'n rampgebied verklaar. Oor die laaste paar maande het gewapende veewagters in die Laikipia-streek groot getalle vee na grond in privaatbesit gedryf, op soek na voer vir die diere. Daar is egter inwoners van die gebied wat politici daarvan beskuldig dat hulle geweld aanhits in aanloop tot die verkiesing in Augustus. Hulle beloof na bewering aan hulle ondersteuners dat hulle toegang tot grond in privaatbesit sal kry wanneer hulle kiesers verdryf wat hulle teenstaan. Dianke Nel het meer besonderhede.