Volgens Statistiek Suid-Afrika het die inflasie koers in Desember 2015 op vyf-komma-twee persent te staan gekom. Die hoof van die Skool vir Ekonomiese en Sakewetenskappe by die Universiteit van die Witwatersrand, professor Jannie Rossouw, het aan Dianke Nel gesê ons gaan definitief vanjaar hoër inflasie sien wat rentekoerse verder sal laat styg. Volgens hom bring die lae olieprys egter vir Suid-Afrikaners verligting wat die brandstofprys betref.