Die sestienjarige Elizabeth Olivier van Barkley-Oos in die Oos-Kaap, vertrek vandeesweek na Noorweë om Suid-Afrika in die Winter Olimpiese Spele vir die jeug te verteenwoordig. Elizabeth is 'n kranige ski-kampioen en is die enigste atleet van Suid-Afrika wat aan die Spele sal deelneem. Sy vertel dat sy vir maande aaneen in die berge in die Oos-Kaap bly as deel van haar oefenprogram.