Pravin Gordhan sal na alle waarskynlikheid vandag óf môre as Suid-Afrika se nuwe Minister van Finansies ingehuldig word. Dit volg ná president Jacob Zuma gisteraand laat die nuutaangestelde David van Rooyen skaars vier dae later tot die departement van samewerkende regering herontplooi het. Van Rooyen se aanstelling in die plek van Nhlanla Nene het die ekonomie minstens R169-miljard gekos. Ivor Price en Anita Visser praat hieroor met 'n politieke ontleder verbonde aan die Universiteit van Johannesburg, dr. Piet Croucamp, en die Efficient-groep se hoofekonoom, Dawie Roodt.