Hoyr sendingina her

Hoyr sendingina her

Hoyr sendingina her

Hoyr sendingina her

Hoyr sendingina her

Hesin parturin er um plátufelagið Chess Records

Parturin í dag er um Blue Note Records. Vit hoyra tónleik við John Coltrane, Bud Powell og fleiri.

Fimta og seinasta Mono sendingingin um íslendskan tónleik, har føroysk ætttarbond hava verið reyði tráðurin. Hendan seinasta sendingin er onki undantak í so máta. Sendingin ferð í høvusheitum at snúgva seg um tónleikaran Axel Einarsson, mannin handan legendariska tónleikabólkin Icecross. Alt byrjaði suðuri í Vági. Jákup Juul og Maria Gunnarstein úr Vági áttu níggju børn - av hesum níggju syskjum, endaðu tríggjar døtur í Íslandi. Johanna Gunnarstein giftist til Vestmannaoyggjarnar. Fredrikka Gunnarstein giftist til Skopunar, men familjan flutti til Íslands í 1964. Fredrikka var mamma Elis Poulsen. Og triðja systurin, Anthonia Gunnarstein giftist til Fauskusfjørðin og fekk hon tvey børn eina gentu og ein drong. Drongurin fekk navnið Axel Pétur Juel Einarsson. Tá Axel var komin til skúlaaldurs flutti familjan til Reykjavíkar, har tey komu at búgva mitt í býnum.

Axel Einarson fekk tíðliga áhuga fyri tónleiki. Hann byrjaði við at leika á bassgittar, men tað var serliga gittarin ið hann varð drigin at. Umhvørvið í Reykjavík ýddi í tónleiki og bólkar stungu seg fram, ein fyri og annar eftir. Axel var partur av einum ótali av bólkum ígjøgnum sítt virkna tónleikalív, tveir teirra vóru Tilvera og Icecross.

Seinnu mongu árini hevur tónleikabólkurin Icecross fingið navnframa støðu í íslendskari tónleikasøgu, orsøkin er LP plátan ið bólkurin fekk útgivið í 1000 eintøkum og sum ber sama navn sum á bólkinum - Icecross.

Hans Egholm leggur til rættis.

Hesuferð verður tað einamest tann progressivi tónleikurin ið sleppur frammat, og her byrjar ættargranskingin vesturi í Vágunum.

Oddamaðurin í Íslendska tónleikabólkinum Óðmenn, Jóhann G Jóhannson var av føroyskari ætt.

Av persónligum áðum, valdi Jana Ellefsen í 1920 at flyta til Íslands. Lagnan vildi tað so, at tá Jana hevði starvast í Íslandi eina tíð, hitti hon útgerðarmannin ið hon giftist við, Guðmundur Helga Ólavsson. Tilsamans áttu tey fimm børn og fleiri eftirkomarar blivu tónleikarar

Jóhann Georg Jóhannson, vanliga nevndur Jóhann G varð borin í heim í 1947 og tað var í uttaru Njarðvík at hann koma at vaksa upp. Tað var í skúlatíðini hansara yrkisleið sum tónleikari tók skap. Hann bleiv listamaður burtur av, ein sannur fjøllistamaður

Í 1966 byrjaði hann bólkin Óðmenn, har hann var bassleikari og sangari. Hann gjørdi flestu orð og løg ið bólkurin framførdi.

Eitt nú átti Johann G bróðurpartin av teksti og løgum, tá fyrsti rock-sangleikurin í Íslandi bleiv framførdur, Óðmenn stóðu fyri tónleikinum – hesin leikur nevndist Óli.

Jóhan G hevur omanfyri 14 tónleika útgávur at vísa á umframt at hann hevur luttikið saman við øðrum tónleikarum á hópin á plátum, m.a. var hann eitt skifti, saman við syskinabarninum Jóhann Helgasson partur av bólkinum Poker, har Pétur Wigelund Krisjánsson var headmaður.

Hans Egholm leggur til rættis.

Mynd: Bólkurin Óðmenn. Frá vinstru Jóhann G Jóhannsson, bróðurin Eiríkur, syskinabarnið Valur og Ingibert Jensen, ið eitt skifti var í bólkinum Hljómar.

Fyrsti veruligi superbólkur var Trúbrot. Hetta var eitt nýbrot á íslendska tónleikapallinum. Talan var um eina samanrenning av manningum úr tveimum av kendastu tónleikabólkunum í sekstiárunum, nevniliga Hljómar og Flowers. Og sangarinnan bleiv Shady Owens úr Hljómar.

Trúbrot blivu nevndir The King Of Rock, men aðrir bólkar trokaðu seg framat og fingu vind í seglini, ein teirra var Ævintýri og annar, tann mest progressivi av teimum øllum tá, var Náttúra. Annar bólkur var Óðmenn ið veruliga gjørdi um seg í sjeytiárunum og sum komandi sending fer at snúgva seg um. Har vóru eitt skifti tríggir við føroyskum ættarbondum við.

Hóast progressivi tónleikurin veruliga tók seg fram í sjeytiárunum, so vóru eisini tónleikarar ið tóku tað meira róligt og ikki altráðir stigu uppá tann vognin. Ein teirra var Magnús Þór Sigmundsson, ættaður úr Klaksvík.

Tá Sigurfari kom úr Íslandi á fyrsta sinni í 1920, var ein íslendingur við, sum nevndist Baldvin Kristvin Sigurbjørnson (1895). Hann var giftur íslenskari kvinnu Bryngerður Benzinu Frimansdóttir.

Tá Baldvin Íslendingur kom til Klaksvíkar í 1920, treivst hann so mikið, at hann sendi boð eftir konuni, og tey settu búgv har.

Tey fingu fleiri børn í Føroyum, ein teirra var Sigmundur Baldvinsson ið seinni flutti til uttaru Njarvík og bleiv giftur har. Tey fingu trý børn, har Magnús Þór Sigmundsson var elstur.

Magnús kom uppí tónleikabólkin Nesmenn, har eisini ein annar tónleikari við føroyskum ættarbondum var við, hetta var Jóhann Helgasson.

Hans Egholm leggur til rættis.