Go leshitaphiri re le tlisetsa balli ba ba bedi bao ba llago ka gore magagabo bona sale ba timela mme le ga bjale a ba hwetsagale le ka morago ga gore ba nyake thusho maphodiseng.Re tlo kwa ka botlao go tswa go balli mme ka morago ga fao re tlo bolela le ditsibi malebana le lešitaphiri le.

Motheeletsi bosegong bja lehono re tlo le balela lengwalo leo re paletswego ke go le balela lona maabane ka Diagametse ge re fetola mawa. Re tlo le balela lengwalo la mosadi wa mengwaga ye 53 yowe a re go mogatsagwe wa mengwaga ye 56 ke rabasadi mme ka mehla ge a mo tantse ka bakaola, monna yo o fetola ka gore a ka se sa buseletsa, eupswa ka morago a tswelepele ka mekgwa yeo. Bjale mosadi o re o lapisitswe ke go rogwa ke bakaola ba mogatsagwe mme ebile o ikwa a feletswe ke lerato go yena. Ga bjale mosadi yo o re o phela a nagana ka ga go hlala, kudu ka ge a kgola mantsu ao a re go "Once a cheater always a cheater."

Re boledisana le mosadi yowe a re go lenyalo la gagwe le fetsisitswe ke mmatswale wa gagwe, dikgadi le mogolo wa mogatsagwe. Mosadi yo o re batho ba ba ile ba tla ka ga gagwe mme ba tla ba mmotsa gore ngwana wa bona o mo nyetse ka phoso ka gore yena mosadi yo ke mogolofadi ebile ga se a rutega. Bjalo ka go re yalo ba re ngwana wa bona ga se a nagana ga botse ge a be a mo nyala e le mogolofadi ebile a sa rutega. Ka morago ga lebaka mosadi yo o ile a lemoga ge a hladilwe ntle le tsebo ya gagwe. Ge nako e dutse e sepela letsatsi le lengwe ke ge monna a rekisa ngwako wa bona a sa mo rerisa ebile a tsea le diphahlo ka moka. Se ke sona seo molli a nyakago maele ka sona gore a hwetse diphahlo tsa gagwe tseo a di sometsego ka thata nakong yeo a be go a sa dula le monna yo. Re mo nyaketse ramalao yowe a tlo mo thusago ditabeng tse. Ge re fetola mawa bala lengwalo la mosadi wa mengwaga ye 53 yowe a re go mogatsagwe wa mengwaga ye 56 ke rabasadi mme ka mehla ge a mo tantse ka bakaola monna o fetola ka gore a ka se sa buseletsa, eupswa o tswelapele ka mekgwa yeo. Mosadi o lapisitswe ke go roga ke bakaola ba mogatsagwe, mme ebile o ikwa a feletswe ke lerato mme ga bjale o phela a nagana ka tlhalo fela. ka ge a kgola gore "Once a cheater always a cheater."

Re bolela ka thobalano le Seemo sa Monagano re lebele tse: Tshetso goba Concentration and Focus, ga mmogo le mohuta wa dilo tseo monna a swanetsego ke go di nagana gore a be le thobalano yeo e atlegilego.

Re bolela ka banyalani bao ba nyalanego eupswa ba sa tshepane ka ditaba tša bokamoso bja bona, go swana le ge mosadi goba monna a tšhogile gore ge go ka hlokagala yena pele, yo mongwe o tlo sala a dira tše itseng tšeo yo mongwe a be go a ka se di rate ge nka be di dirwa a sa phela. Re tlile go lebelela go se tshepane ga mohuta wo mme ra nyaka go tseba gore naa go hlola maitshwaro a mohuta mang go banyalani ge ba naganelana tše bjalo.

Re šala morago Diagametse tsa bekeng ya go feta ka Labobedi mowe re be go re bolela le mosadi yowe a be go a lla ka la gore mogatšagwe ga a nyake go mo agela gore ba be le lelapa leo e le go la bona. Mosadi yo o re boditse gore monna yo o mo hweditše a dula le morwa wa gagwe ka ga gagwe, mme ge a mmotša gore ba tšwe ka mowe ba ye ba ikagele ka ga bona, monna o a gana.

Go Diagametse tsa Moremogolo re boledisana le monna le mosadi malebana le mathata a lapa la bona. Mosadi ke yena mongongoregi mme o lla ka gore mogatsagwe ga a nyake go mo agela gore ba be le lelapa leo e le go la bona. Mosadi yo o re monna yo o mo hweditse a dula le morwa wa gagwe ka ga gagwe, eupswa ngwako owe o o agetse morwa wa gagwe e le go ngwana a le tee. Monna yo o ri le go nyala a thoma go dula le bona, bjale mosadi o re ge a eletsa monna gore ba tswe ka lapeng leo mme ba ye ba age lapa la bona, monna o a gana ebile bjale o se tse a thomile go bea le melao ya go se nyake batho ka lapeng leo. Mosadi ga a kwesise taba ye mme o nyaka gore yena le mogatsagwe ba fiwe malele tabeng ye.Theeletsa Diagametse tsa Moremogolo gore o tle o kwe le tse dingwe dingongorego tsa mosadi yo.

Ditabeng tša rena tša Diagametse re na le motheeletši yowe re sa tli le go go boledišana le yena mananeong ao a tlago malebana le taba yeo a re boditšego yona ya gore o tšeetšwe monna ka dihlare. Re boledisana le batheeletsi go kwa gore ke eng seo ba tsebago ka taba ye.

(i) Go Diagametse tsa Moremogolo re mema baswa go tla go theeletsa maikutlo a batswadi ba bona ka bona. Ka fase ga mabaka a mangwe a bophelo, batswadi ba tle ba ikhwetse ba swanetse ke go godisa bana bao e se go ba bona ba madi. Taba ye e sepedisana le ditlhohlo tsa yona.

(ii) Ka go le lengwe, batswadi ba bangwe ba godile boima ba ba busa ba soma ka thata go fihlela katlego yeo ba e fihleletsego, mme ba godisa bana ba bona maemong ao bana bao ba hwetsago tsohle bonolo, eupswa bana bao ba sa tsebe gore naa batswadi ba fihleletse tseo bjang le gore naa ba somile ka thata bjang.

(iii) Yenngwe taba ya mafelelo ya batswadi ke ya go godisa bana ba bona ga botse eupswa ngwana a tla a ikgethela tsela ya gagwe e sele. Magareng ga ditsela tseo bana ba tle go ba di kgethe, ke go hwetsa ngwana a sa tshepagalele batswadi mme a phela ka maka, bohodu le go phela a radia motswadi wa gagwe. Taba ye e tlisetsa motswadi manyami ka mehla.

Go Sa Mafahleng A Moswa go Moremogolo re rata go tlo kwa baswa ba bolela ka Boithabišo ntle le bjala. Go na le baswa ba bangwe bao ba re go ge ba re ba iketlile go ba ba lethabong, ya ba ka mehla ba ra ge le bjala bo le gona ba enwa, mme ntle le bjala boiketlo bjowe bja bona ba bone bo sa felelela. Go tšwa go baswa re tlo rata go tseba gore naa seo se hlolwa ke eng, eupša ka go le lengwe ra nyaka le go tseba gore naa maiphšino a mangwe ke a mohuta mang ao baswa ba bangwe ba ba go go ona ntle le bjala.