Ka mehla re tle re bolele ka bohloko bjwa go katwa go ya ka dikanegelo tse ntsi tseo re di kwelego go basadi bao ba ilego ba katwa. Ga se ga ntsi mowe re ilego ra boledisana ka bohloko bja go latofatswa ka kato yeo motho goba monna a sa e tsebego. Bosegong bja lehono re tlo boledisana le monna yowe a re go o latofaditswe ke mogatsagwe ka maitekelo a go kata morwedi wa gagwe yowe e se go wa madi le ge taba yeo e se nnete. Mogatsagwe o gana go tla moyeng eupswa le ge go le bjalo rena re tlo no bolela ka mowe tatofatso ya mohuta wo e ka thubago lapa ka gona.

Re boledišana le ditsebi(dingaka) malebana le mekgwa yeo banna le basadi ba e dirago ka nako ya thobalano, e le go mekgwa ya go latswana le go monana dithong tša bona tša thobalano. Lenaneong la rena re tlo boledišana le ditsebi go nyaka go tseba ka ga tšhireletšego ya seo go ya ka semaphelo. Ge re tla be re theeleditše ditsebi ka taba ye re tli le go kwa kudu ka ga kokwanahloko yeo go thwego ke humanpapilomavirus le ka mowe e ka tsenago batho ka gona ka lebaka la go latswana le go monana dithong tša bona tša thobalano ka nako ya thobalano.

Baswa ba masogana ge ba le maratong le makgarebe ba tle ba sware bothata ka go dira gore dikamano tšeo tša marato di swarelele lebaka ka ge makgarebe a ba tlogela ka lebaka la gore ba se na ditseka goba tšhelete.

Re bala lengwalo la mosadi yowe a re go lapa la gagwe le thubjwa ke mosadi yo mongwe yowe a na go le ngwana le mogatšagwe. Sa go makatša mosadi yo wa mokaola o re le yena o nyaka gore monna yo a mo nyale. Re tlo boledišana le monna le mosadi ba ba kgakganago ka lapeng ka taba ye ka kholofelo ya go tlo kwa gore naa wena motheeletši o ka ba thuša bjang.

Thobela Fm Late Night talk show that runs Monday to Thursday . The programme focuses on social and welfare issues. The programme is very popular at night as issues discussed have assisted many fractured families. Newsmakers include social workers and marriage councilors. Listeners who did go through difficult situations in life share their experiences and that assist listeners who are in a similar situation.We also have “Tsa ka Pukung” which unpacks Sepedi reading books to help improve the love of reading in the country.

Re le anegela ka ditaba tša mosadi wa mengwaga ye masometharo wa go dula Dobsonville yowe a re go o na le mengwaga ye meraro a nyetšwe mme sa go mo makatša ke gore rangwane wa bana ba gagwe yowe a ilego a ratana le yena pele a tlo nyalwa ke mogoloagwe o mo nyaka mapai le ge a nyalane le mogoloagwe. Mosadi yo o tšhaba go botša ba ga bo mogatšagwe le ba gabo.

Re boledišana le lelapa la ga Mosehla leo le bi le go mmogo lenyalong mengwaga ye masomepedi-sesewai ka moka go fihla lehono.

Re keteka Lydia Mokgokoloshi. O raloka karolo ya Koko Mantsha go Skeem Saam, ba bangwe ba tla mo gopola ka lenaneo la Bophelo ke Semphego(Mmago Nkwesheng).

Kgweding ye ya basadi go Moremogolo re tlo ba re boledišana le mosadi yowe a nyakago go tlo re anegela ka leeto la gagwe la go hloka ngwana ka lenyalong, le go re botša ka thekgo yeo a ilego a e hwetša go tšwa go mogatšagwe, ba bogadi, ba lapa la gabo le go tšwa go mogatšagwe go fihla a hwetša ngwana. #SheIsPower

Re tlo ba re boledišana le Bahlahli ba Dikamano ba ba bedi ba basadi ebile yo mongwe e le setsebi sa tša thobalano. Re tlo boledišana le bona ka ga tšeo ba re go basadi ba a di nyaka thobalanong gore ba fihlelele kgotsofalo. Dingwalwa tše dingwe tša ditsebi di utolotše gore mosadi a ka tšea metsotso ka moka ye masome a ma bedi pele a stogelwa go felelela.