Re boledisana le lelapa leo mongongoregi go lona e le go molwetsi wa monagano. Monna yo o lla ka gore mogatsagwe le bommagwe ba mo roga ka seemo sa gagwe ka nakong ya diphapano. Bjale o nyaka thuso go tswa go wena motheeletsi le go kgopela go ba rarollela mathata a bona ao a dirago gore yena a feletse a rogilwe ka seemo sa gagwe sa go lwala monagano.

Bosegong bja lehono re tlo le fa sebaka sa go botsisa ngaka ya banna le basadi mathata ka moka ao bjale ka banna le basadi le na go le ona a go amana le thobalano.

Bosegong bja lehono go Diagametse tsa Moremogolo re tlo ba re boledisana le bana ba motho. Mongongoregi ke kgarebe e le go ngwana wa bo bedi ka gae a re go bona bjalo ka bana ba motho ba thomile go melelana meno a ka godimo ka morago ga mahu a batswadi ba bona. Magareng ga tse dingwe tseo a di bolelago mongongoregi o bontsha ge a imetswa ka maikarabelo a go nyakwa dilo tseo di se na go mohola ke bana ba bo. Re tlo boledisana le bana babo ba ba bedi mme ba dumetse go tlo tsweletsa maikutlo a bona moyeng. Yo mongwe wa boraro ga se ra mo hwetsa.

Re le balela mangwalo a basadi ba ba bedi bao ba kgopelago thuso lenaneong le la Diagametse tsa Moremogolo. Lengwalo la mathomo ke la mosadi yowe a tlogago a nyaka lenyalo mme a ratanago le monna wa lapa. Monna o mo tshepisitse gore le yena o tla mo nyala bjale monna yo ga a dire bjalo. Mosadi yo o re yena o bone se se kaone e le go kgaogana le monna yo gore a inyakele monna yo e le go wa gagwe a le tee eupswa monna yo a dulago le yena o tuka bogale kudu ge ba swanetse ba kgaogane. Bjale mosadi yo o re hle batheeletsi ba Diagametse mo lekoleleng taba ye ya gagwe ya go leta lenyalo leo le sa tshepisego gore le tla tsoga le bile gona eupswa bophelo bja gagwe bo eme. Yena go ya ka lengwalo, o be a sa tshwenyege go nyalwa mosadi wa bo bedi.

Re kgopela batheeletsi gore ba tsweletse ditaba tsa Diagametse go tswa kgopolong tsa bona tseo ba bonago o ka re di ka matlafatsa le go re fahlosa ka malapeng.

Go Sex and Intimacy Talk ya Moremogolo re tlo ba re boledisana ka thobalano ya go ya ka dipeakanyetso magareng ga baratani goba banyalani ka lebaka la go hlokana goba go hlokisana nako ga banyalani ka fase ga mabaka a go swana le go swarwa ke mesomo le tse dingwe tseo di dirago gore banyalani ba hlokane thobalanong. Mohuta wo wa go robalana ka dinako le matsatsi ao go kwanwego ka ona go sa kgathale gore matsatsing ao baratani ba tla be ba le "busy" go le kaakang o bitswa MAINTENANCE SEX, mme ditsebi di re maikemisetso a banyalani bao ba tsenelago dikwano tse bjalo, ke bao mabakeng a ma ntsi ba lemogilego ba hlokisana nako goba ba lahlegetswe ke maikutlo a thobalano magareng ga bona mme ba nyaka go busa maikutlo ao ka go itlama ka go robalana matsatsing ao a itseng go sa kgathale gore mang o a nyaka letsatsing leo goba aowa.

Bosegong bja lehono go Thobalano & Lerato ya Moremogolo re le tlisetsa puseletso ya hlogopoledisano yeo re ilego ra bolela ka yona lenanegong le eupswa e se go ka botlalo go swana le ka mowe re tlilego go bolela ka yona lehono. Re tli le go bolela ka Thekgo yeo basadi ka malapeng ba swanetsego go e fa banna ba bona ge ba palelwa ke thobalano ka lebaka la go se tsogelwe le a mangwe. Moktheeletsi yo mongwe o re kgopetse go naba kudu ka hlogopoledisano ye ka morago ga gore re e bolele gannyane ge re be re bolela ditaba tse dingwe lenaneong le. Lehono re e phurulla ka botlalo le Setsebi sa Ditaba tsa Thobalano ebile e an Intimacy Coach, yena ke Tshepo Phiri.

Re tswela pele ka poledisano ya maabane

Go Diagametse re tlo boledisana le monna le mogatsagwe. Monna ke yena mongongoregi mme o lla ka la gore monna yo mongwe o mo rometse melaetsa ka sellathekeng mme a mmotsa ge bana ba bane bao yena a tsebago a ena le bona le mogatsagwe e se ba gagwe. Mosadi yena o a gana.

Batheeletši ba tšweletša ditaba tše dingwe tša malapa tšeo ba bonago gore di ka fahloša malapa.