Bosegong bja lehono re tlo boledisana le motheeletsi yowe a tlo re anegelago gore naa yena ke ka lebaka la eng a sa dume go ya gae dinakong tse tsa makhutso a lethabo. Lebaka la gona ke phedisano ya ka gae yeo e se go botse. Ge batho ba eya magae makhutsong a, ga se batho ka moka ba ratago go ya magaeng a bona ka lebaka la go se ratane ga maloko a malapa a mangwe.

(A) Ke di fe tsona tseo tsa go sepedisana le sehla se sa go gagabela Keresemoseng le Mafelelong a Ngwaga o ka ratago go bolela ka tsona, o di reta goba o di sola?

(B) Ge re fetola mawa, basadi ba tle ba ikhwetse e le batswasehlabelo ba go gapeletswa tseo ba sa ikemisetsago go di dira ke banna ge ba le maithabisong a go fapana.

Lehono re sala morago Diagametse tsa maabane tseo monna a ngongoregilego ka mogatsagwe gore o mo tima legoga, ga a ye ga gabo ebile ga a sa mo hlompha le go mo roga mo pele ga bana. Mosadi le yena o iphetoletse go ditatofatso tseo ka moka gore o tima mogatsagwe legoga ka gore ga a sa mo fa chelete mme o e ja le dinyatsi. Mosadi o boletse le gore o tsere sephetho sa go se sa ya ga bo mogatsagwe ka gore mmago mogatsagwe le yena ga a sa tla ka ga bona. Tabeng ya tlhompho mosadi o re monna yo o raka ngwana yowe a mo nyetsego ka yena ka gae mme yena a ya go mo swarisa, mme ka go re yalo taba ye e dira gore ba phele ba fetolana gampe.

Bosegong bja lehono go Diagametse re tlo boledisana le monna le mosadi bao ba nyalanego. Monna ke yena mongongoregi ka lapeng le mme magareng ga tse dingwe o lla ka gore nakong yeo bommagwe ba be go ba lwala mogatsagwe o ganne go ya go ba bona mme yena a ba a tswa ka gae. Bjo bongwe bothata bja lapa le ke gore mosadi o gapeletsa gore monna e be yena a somisago chelete ya gagwe fela ge a gotse eupswa ya gagwe ga a nyake e soma. Monna o bona taba ye e le tlaiso mo go yena. Se sengwe sello ke sa legoga. Monna o re ka lebaka la go hloka lethabo, mosadi ga a dumele go mo alela.

Bosegong bja lehono re tlo ba re boledisana le lelapa le lengwe leo le na go le botahata bja thobalano ka go lona. Mosadi ke yena mongongoregi. Monna ga a na tumo ya thobalano ka gae ebile ga a sa tsogediswa ke mogatsagwe, ebile monna yo o re ge a itheeleditse ge a ka tswela ka ntle go ka somega ka ge a ikwa a na le maikutlo ao a fapanego le a ka gae a thobalano, eupswa o no ba a sa nyake go dira taba yeo.

1. Naa ke eng seo se dirago gore ge monna goba mosadi a fapane le mogatsagwe, a na me a befelelwe le ba gabo bao a felago a eya go bona goba go llela go bona?

2. E ka ba go feleletsa go hlotswe ke eng gore mogatsa ngwana wa rena goba mogatsa ngwana wa bo rena a re bone re ka ba le khuetso go bohloko bjowe mogatsagwe ngwana wa bo rena goba ngwana wa rena a mo kwesago bjona?

3. Ke ka lebaka la eng mogatsa ngwana wa rena goba mogatsa ngwana wa ga bo rena a ka nyaka gore ge a kwesa mogatsagwe bohloko, le rena bagabo re kwe bohloko le yena?

Bosegong bja lehono re tlo tswelapele ka puku ya rena ya kgwedi ya tiragatso ya go bitswa Dianaka Tsa go rweswa yeo e ngwadilwego ke Marabe Makua. Puku ye e tsweletsa mathata a bogosi le karogano ya setshaba ka lebaka la pakisano ya bogosi.

Thobela motheeletsi wa Sex and Intimacy Talk ya Moremogolo. Bosegong bja lehono kgweding ye ya banna ya Nofemere re tlo ba re boledisana le dingaka tse pedi tsa banna malebana le go palelwa ga banna go imisa basadi gore ba be le bana. Magareng ga tse dingwe re ile go lebelela dihlolo tsa bothata bjo, thibelo le kalafo ya bothata bjo.

Bosegong bja lehono re le tlisetsa Diagametse tseo go tsona re ilego go boledisana le monna le mosadi. Mosadi ke yena mongongoregi mme o lla ka gore mogatsagwe o gana a thusa ba gabo mola e le gore le yena (monna) kgale o be a thusa ba gabo ka chelete ya lapa la bona. Monna yowe o a dumela gore ga a nyake taba yeo ka gore ba bogweng bja gagwe ge mogatsagwe a ba thusa, namile ga ba sa dira selo ba itshepile bona, le ge ba na le dichelete ba ya ka tsona bjaleng.

Ge re thoma lenanego la lehono ka Sa Mafahleng a Moswa re rata go lefa sebaka baswa gore nke le lokologeng mme le re botse tseo di le go mafahleng a lena mme le ratago go no bolela ka tsona ka ge di ama lena. E ka ba ditaba tsa gago tsa marato; e ka ba ditaba tsa gago le bagwera; e ka ba ditaba tsa gago le batswadi ba gago; e ka ba ditaba tsa go go ama ka kerekeng ya geno; e ka no ba se sengwe le se sengwe seo se amago bophelo bja gago bjalo ka moswa. Taba yeo e ka ba e go thabisa goba e sa go thabisi, e tsweletse re bolele ka yona mme o re botse dikgopolo tsa gago ka yona.