Bosegong bja lehono re tlo ba re boledisana le lelapa le lengwe leo le na go le botahata bja thobalano ka go lona. Mosadi ke yena mongongoregi. Monna ga a na tumo ya thobalano ka gae ebile ga a sa tsogediswa ke mogatsagwe, ebile monna yo o re ge a itheeleditse ge a ka tswela ka ntle go ka somega ka ge a ikwa a na le maikutlo ao a fapanego le a ka gae a thobalano, eupswa o no ba a sa nyake go dira taba yeo.

1. Naa ke eng seo se dirago gore ge monna goba mosadi a fapane le mogatsagwe, a na me a befelelwe le ba gabo bao a felago a eya go bona goba go llela go bona?

2. E ka ba go feleletsa go hlotswe ke eng gore mogatsa ngwana wa rena goba mogatsa ngwana wa bo rena a re bone re ka ba le khuetso go bohloko bjowe mogatsagwe ngwana wa bo rena goba ngwana wa rena a mo kwesago bjona?

3. Ke ka lebaka la eng mogatsa ngwana wa rena goba mogatsa ngwana wa ga bo rena a ka nyaka gore ge a kwesa mogatsagwe bohloko, le rena bagabo re kwe bohloko le yena?

Bosegong bja lehono re tlo tswelapele ka puku ya rena ya kgwedi ya tiragatso ya go bitswa Dianaka Tsa go rweswa yeo e ngwadilwego ke Marabe Makua. Puku ye e tsweletsa mathata a bogosi le karogano ya setshaba ka lebaka la pakisano ya bogosi.

Thobela motheeletsi wa Sex and Intimacy Talk ya Moremogolo. Bosegong bja lehono kgweding ye ya banna ya Nofemere re tlo ba re boledisana le dingaka tse pedi tsa banna malebana le go palelwa ga banna go imisa basadi gore ba be le bana. Magareng ga tse dingwe re ile go lebelela dihlolo tsa bothata bjo, thibelo le kalafo ya bothata bjo.

Bosegong bja lehono re le tlisetsa Diagametse tseo go tsona re ilego go boledisana le monna le mosadi. Mosadi ke yena mongongoregi mme o lla ka gore mogatsagwe o gana a thusa ba gabo mola e le gore le yena (monna) kgale o be a thusa ba gabo ka chelete ya lapa la bona. Monna yowe o a dumela gore ga a nyake taba yeo ka gore ba bogweng bja gagwe ge mogatsagwe a ba thusa, namile ga ba sa dira selo ba itshepile bona, le ge ba na le dichelete ba ya ka tsona bjaleng.

Ge re thoma lenanego la lehono ka Sa Mafahleng a Moswa re rata go lefa sebaka baswa gore nke le lokologeng mme le re botse tseo di le go mafahleng a lena mme le ratago go no bolela ka tsona ka ge di ama lena. E ka ba ditaba tsa gago tsa marato; e ka ba ditaba tsa gago le bagwera; e ka ba ditaba tsa gago le batswadi ba gago; e ka ba ditaba tsa go go ama ka kerekeng ya geno; e ka no ba se sengwe le se sengwe seo se amago bophelo bja gago bjalo ka moswa. Taba yeo e ka ba e go thabisa goba e sa go thabisi, e tsweletse re bolele ka yona mme o re botse dikgopolo tsa gago ka yona.

Go Diagametse lehono re tlo le balela lengwalo la mosadi wa go tswa Mamelodi yowe a re go batswadi ba gagwe ba ganne magadi a monna yowe a nyakago go mo nyala wa go tswa Lagos Nigeria. Monna yo o rometse motswalagwe le bagwera ba gagwe go ya go ntsha magadi, mme batswadi ba lekgarebe ba gana magadi ao ba ba ba ba raka. Theeletsa ngongorego ye ka botlalo go tswa lengwalong la molli ge re tlo ba re le balela lona.

Bosegong bja lehono go Sex And Intimacy Talk ya Moremogolo re ile go boledisana le ditsebi ka mathata a banna a go se tsogelwe ge ba swanetse go tsenela thobalano le go se tsogelwe ga botse.

Bosegong bja lehono go Tsa ka Pukung re tlo boledisana le lelokophethisi la South African Book Development malebana le beke ye ya dipuku ka mono Afrika Borwa le pontsho ya dipuku ka Gauteng yeo e thomago gosasa. Ka morago ga mowe re tlo tsena pukung ya kgwedi ya padi yeo e ngwadilwego ke Samuel Machitela mme yona e bitswa Kgalagalo tsa Setu. Puku ye magareng ga tse dingwe e re bontsha gore bophelong bja banna le basadi ka malapeng ba tshwenywa ke ditlhohlo tse ntsi go balwa le tlhohlo yenngwe ye kgolo e le go bokaola.

Bosegong bja lehono batheeletsi re sala Diagametse tsa maabane morago mowe lesogana le be go le ganetswa go itlhokomelela ngwana ke mmago lekgarebe la lona leo ba be go ba se sa ratana ka gore ba gabo ga se ba lefela chelete ya "damage". Lekgarebe leo le be le se tse le ena le ngwana yo mongwe pele a tla dira owe le lesogana leo. Ba ga bo lesogana ba ganne go ntsha chelete ya "damage" ka la gore bona ga ba tsebe mosadi goba lekgarebe leo le se tse go le boile madibeng a pelego le ntshetswa "damage". Tabeng ye re tlo bala melaetsa ya lena ya maabane mme ka morago ra boledisana le setsebi sa ditaba tsa setso go re fa tlhahlo tabeng ya molato wa "damage."