Ditabeng tsa bosego bjo, mosadi o leditse mo a llago ka gore monna wa gagwe ga a mo fe tshwaro ye botse goba maleba, bjale ka mosadi ka gae. Ke batho bao ba nyalanego ka setšo ka 1996, gomme ba šegofatšwa ka bana ba bane.
Mosadi yo o lla ka gore yena le monna wa gagwe ga ba sa lala go tee ka baka la diphaphano tša bona ka lapeng mo ebilego yena a ilego a kgetha go tšwa phaphušing ya bona go ya go robala ka phaphusing ya bana ka ge taba ye e mo gobatša moyeng.
O bolela gape gore monna wa gagwe ga a tšwafe go araba megala ya makgarebe mo pele ga gagwe a be a mo tsebiše gore go Mavis le bo Selina ba sa tlile go letsa ga se ba thome. O bolela gore ge a boledišana le bana, ga a kgethe mantšu o no bolela le bona ka mokgwa wa go se kgahlise ebile ge a tsena ka gae bana ga ba sa ipshina ba tloga kgauswi le yena. Bjale o hlalosa gore o hloka maele le thušo ka ge a sa kwešiše gore yena le monna wa gagwe ba baka eng goba ba lwela eng. Ka lehlakoreng le lengwe monna o ganetša polelo yeo ka ge a bolela gore yena o šoma le batho ba basadi mošomong wa gagwe le yena ga a tsebe gore mosadi o tswetse eng ka phaphošing ya bona ka ge e sa le a mo laela gore o ya go thuša morwedi setswetši.

Re tsea sebaka se go tsweletsa dihlogopoledisano tseo ka moka le ilego la duma gore di ka tsweletswa go Diaga metse.

Tsa ka Pukung tsa Moremogolo e tswelapele go go tlisetsa dipuku tsa go ngwalwa ka Sepedi magareng ga tse dingwe nepo e le go agana ka melaetsa ye matla ya go tswa ka dipukung tse, mmogo le go kwalakwatsa bangwadi ba rena ba Sepedi. Puku ya rena ya kgwedi ye batheeletsi ke puku ya mohuta wa Dikanegelokopana ya go bitswa Dimaka tsa Bo Lehono. Puku ye e ngwadilwe ke Matshidiso Phaladi.

Lehono re kopana le morwedi yowe a llago ka bommagwe malebana le bophelo bja gagwe le ditaba tsa gagwe tsa marato. Morwedi o lla ka gore bona e le bana ba lla ka monna yowe a ratanago le mmago bona ka ge a ba lesa dihlong ebile le peleng ba sa ka ba rata a ratana le yena.

Ditabeng tsa bosego bjo, mosadi o leditse mo a llago ka gore monna wa gagwe ga a mo fe tshwaro ya maleba bjale ka mosadi ka gae. Ke batho bao ba nyalanego ka setšo ka 1996, bašegofatšwe ka bana ba bane.
Mosadi o lla ka gore yena le monna wa gagwe ga ba sa lala bolaong bo tee ka mabaka ao a sa a kwešišego ebile yena oile a kgetha go tšwa go yo robala ka phaphusing ya bana ka ge taba ye e sa mo sware gabotse ebile a sa tsebe lebaka.

O bolela gore monna wa gagwe o no araba megala ya makgarebe mo pele ga gagwe a be a re ba sa tlile go letsa. Ka nako tse dingwe o bolela le bana ka mokgwa wa go se kgahlise ebile ge a tsena ka gae bana ga ba sa ipshina. Mosadi yo o re o hloka maele ka ge a sa kwešiše gore yena le monna wa gagwe ba baka eng. Monna o bolela gore yena o šoma le batho ba basadi mošomong wa gagwe le yena ga a tsebe gore mosadi o tswetse eng ka phaphošing ya bona. Ge re boledisana le monna yo batheeletsi o re yena ga botse ga a tsebe gore monsadi yena ga botse o tswetse eng ka phaposing ya bona ya go robala.

Bosegong bja lehono re tli le go boledisana le monna le mosadi bao ba nyalanego. Mongongoregi ke monna ditabeng tse yoo magareng ga tse dingwe a llago ka la gore mogatsagwe o no tswa ka lapeng a ipha naga. Monna yo o re letsatsi le lengwe o ile a kwelela gore mogatsagwe o kae mme a mo lata mowe mosadi yo a be go a dula le monna yo mongwe. Mosadi yo o ile a boa ka gae eupswa monna yo o re letsastsi le lengwe o ri le a sepetse, a hwetsa mosadi a phuthaphuthile a iphile naga. Ka morago keg e a tlo lemoga gore mosadi yo o dutse monna moo a le go. Batheeletsi e reng ke gomele go hlalosa ditaba tsa monna yo mo gore a tle a ipolele ka nosi. Mogatsagwe le yena o gona go tlo ikarabela.

Bosegong bja lehono go swana le dibeke tse di fetilego,re sa le tlisetsa bahlankedi go tswa Road Accident Fund, ele karoloana ya Leshitaphiri la go ikgetha ebile e le beke ya mafelelo lehono.
Re sa le mema go romela dipotsiso goba mathata ao le hlakanego le ona ge le be le leka go dira dikgopelo go RAF goba bao le hlokago tshedimoso le tshepetso ka dikgopelo ka sekhwama sa Road Accident Fund.
Ba bangwe le tsweleditse mathata a go fapana go tswa go baemedi ba bona ba ba timeletsego ka dichelete tsa bona, bangwe esale le tseelwa ditokomane ka tshepiso ya gore le tla thusega ele boramolao gomme ya be esale ba timelela ka tsona.

Thobela Fm Late Night talk show that runs Monday to Thursday . The programme focuses on social and welfare issues. The programme is very popular at night as issues discussed have assisted many fractured families. Newsmakers include social workers and marriage councilors. Listeners who did go through difficult situations in life share their experiences and that assist listeners who are in a similar situation.We also have “Tsa ka Pukung” which unpacks Sepedi reading books to help improve the love of reading in the country.

Bosegong bjo re le tlisetsa ditaba tsa Lesogana leo le re ngwaletsego lengwalo le kgopela thuso ka ditaba tsa gagwe le mogatsagwe yo a mo ntsheditsego magadi mengwaga ye mene ya go feta ebile ba be ba segofatswa ka ngwana. O bolela gore lekgarebe la gagwe ga le nyake go kgaogana le batswadi ba gagwe ka gae.
O bolela gore ba ile ba hwetsa setsha ba aga ba dula mmogo ka morago lekgarebe la boela gae a re a ka se tlogela mmagwe a nnosi ka ge tatagwe aile a robala. O re go tloga mo oile thoma go phela bophelo bja madila le makgarebe ka ge mosadi a boetse ka gabo, mo ailego a feleletsa a eba le ngwana ka ntle, mme a robala ka baka la bolwetsi.
Ga bjale o boifa go tsebisa mogatsagwe ditaba tse
ka ge a se na bonnete ka seemo sa gagwe sa lephelo

Bosegong bja lehono go swana le beke ya go feta,re sa le tlisetsa bahlankedi go tswa Road Accident Fund, ele karoloana ya Leshitaphiri la go ikgetha mo kgweding ye. Re sa le mema go romela dipotsiso goba mathata ao le hlakanego le ona ge le be le leka go dira dikgopelo go RAF goba bao le hlokago tshedimoso le tshepetso ka dikgopelo ka sekhwama sa Road Accident Fund.
Ba bangwe le tsweleditse mathata a go jabetswa ke boramelao ba ba timeletsego ka dichelete tsa lena, bangwe esale le tseelwa ditokomane ka tshepiso ya go le thusa ele boramolao gomme ya be esale ba timelela ka tsona.