Bosegong bja lehono batheeletsi Moremogolo e tla ba e keteka kgwedi ye ya June ya matswalo a Thobela FM, mme ka go re yalo re tla re tlo boledisana le Jimmy Mohlaloga e le go mogasi wa kgale wa lenanego le.

Batheeletsi lehono re thakgola puku ye ntshwa ya kgwedi ya tiragatso ya go bitswa Polawa ke Mong. Mongwadi lehono o tli le go alela kakaretso goba kgwekgwe ya puku ye.

Bosegong bja lehono re tlile go fa baswa sebaka sa go tsweletsa ditaba tsa bona tseo di ba diragalelago le go ba tshwenya maphelong a bona. Baswa ba tlile go bolela le ditaba le ditaba tse ka moka ba bonago di ka bolelega moyeng mme ba matlafatsana ka tsona.

Bosegong bja lehono go Diagametse re tlo boledisana le mosadi yowe mogatsagwea mo hladileng ka lebaka la gore a ile a thoma go ba le badimo mme a ya go thwasa ya ba ngaka. Ba bogadi ba mosadi yo ebile ba mo latofatsa ka boloi k a ge bjale e le ngaka. Monna yena o hladile ebile ga bjale o nyetse mosadi yo mongwe.

Re boledisana le banyalani bao yo mongwe wa bona a latofatsago yo mongwe ka gore ga a na boitshepo ebile o itebelela fase ka lenyalong la bona, mme seo se mo dira gore a mo phare ka melato yeo a sa e tsebego.

Bosegong bja lehono go Diagametse re tli le go theeletsa molli wa mosadi yoo a re go o thubegetswe ke lapa ka lebaka la ge sesiagwe a be a robalana le mogatsagwe. Mogatsa sesiagwe le yena o rile go tsebiswa taba ye le yena a mo hlala. Ga bjale bana ba ba motho ba thubagetswe ke malapa mme ba boile gae go mmago bona. Re tlo boledisana gape le mmago bona go Diagametse bosegong bja lehono.

Re kgweding ya basomi mme ka go re yalo Leshitaphiri la rena bosegong bja lehono le tla ba le nepile go thusa basomi ba ba bilego le mathata mesomong ya bona le beng mesomo. Re tli le go boledisana le molli yowe a rilego go rakwa mme ka morago a ipona a sa emelwa ga botse ka toka ke ba CCMA. Re tli le go ba re boledisana le yena molli yo ga mmogo le Komisinara wa CCMA go araba dipotsiso tsa molli yo le batheeletsi.

Bosegong bja lehono go Moremogolo re tli le go boledisana le monna le mosadi bao ba tlisago sello sa bona go rena sa lenyalo la bona leo ba bo monna ba sa le tseelego hlogong ka gore ga se e be la go hlakantsha meloko le metswalle, eupswa ebile la go ya go saena fela ga magastrata. Banyalani ba ba phetse mengwaga ye 25 go sa hlakane gore ba ka nyalana

Bosegong bja lehono go Sa Mafahleng a Moswa re na le moswa yowe a lego ka gare ga dikamano tsa lerato le lekgarebe leo e le go gore ga sa ka la mmotsa gore le phela ka twatsi ya HIV/AIDS mola ba be ba phela ba eba le thobalano yeo e sa sireletsegago.O bolela gore o rile go utulla se ka bo yena ba napile ba kgaogane.

Moremogolo re le tlisetsa Diagametse tsa monna le mosadi bao ba se nago phedisano e botse ka lapeng la bona.