Mótorvarpið

Bragi fær til sín rallýcrossfræðinginn Ívar Örn Smárason og fara þeir yfir hasarinn í fyrstu umferð Íslandsmótsins sem fram fór á Rallýcross brautinni í Kapelluhrauni á sunnudaginn.

Bragi og Jakob Cecil fara yfir eina skemmtilegustu Hellutorfæru sem fram hefur farið. Mikið var um tilþrif og drama síðasta laugardag á Hellu.

Við hitum upp fyrir Sindratorfæruna sem verður í beinni útsendingu laugardaginn 8. Maí 2021 á www.motorsport.is.

Liðsmenn Team 88 Racing hita upp fyrir komandi Rallýcross tímabil með Braga. Þeir hafa verið að keppa síðan 2018 en allt stefnir í metþátttöku í Rallýcrossinu í ár!

Ragnar Skúlason var meistari í götubílaflokknum í torfærunni árin 1992, 94 og 2017. Skúli Kristjánsson er á fullu að keppa í sérútbúna flokknum, varð annar til Íslandsmeistara í fyrra og er ríkjandi heimsmeistari!

Geir Evert Grímsson byrjaði að keppa í torfæru árið 2015, en seldi bílinn eftir 2019 tímabilið og hefur staðið í ströngu við að smíða nýja Sleggju fyrir 2021 tímabilið.

Íslandsmeistarinn í ralli árið 1983 kom í spjall til Braga en Halldór keppti í ralli í rúm 20 ár og keppti meðal annars í fyrstu rallkeppninni sem haldin var hér á landi.

Jóhann Rafn Rafnsson og Sigurbergur Eiríksson, meðlimir driftliðsins All Out Racing mættu í spjall til Braga og ræddu komandi tímabil og fleira. Keppnisliðið stefnir á að mæta með fimm bíla í driftið í sumar!

Eiki var einn litríkasti keppandinn í rallinu frá 1981-1988. Hann keppti með mörgum frægustu ökumönnum íslenskrar rallsögu, t.d. Hafsteini Haukssyni, Bjarma Sigurgarðarsyni og Birgi Þór Bragasyni. Eiki náði góðum árangri bæði sem ökumaður og aðstoðarökumaður.

Rafn Arnar var í kringum flest allar tegundir akstursíþrótta í 37 ár, bæði sem keppandi, keppnishaldari og starfsmaður. Þekktastur er hann fyrir torfæruakstur í kringum aldamótin.