Mstdfr | مستدفر

By Mstdfr NetworkComedy

Mstdfr | مستدفر episodes

June 16, 2018 096: “ث” تعني ثور تائه في برسيمه
فريق مستدفر يحب يهنئكم بمناسبة عيد الفطر ويقولكم كل عام وأنتم بكل خير… ولأننا آخذين إجازة اليومين هذه حنقدم لكم حلقة مسجلة مسبقاً في ٢٠١٥ وهذه أول مرة أي أحد يسمعها! ضيوفنا في الحلقة كانوا علي الزين وسندس الزين وخيرة بندقجي. الحلقة كانت أغلبها باللغة الإنجليزية (في أول أيام البرنامج الإنجليزي كان غالب على حلقاتنا) وأتكلمنا على بعض “الناس” اللي بنقابلهم في الشارع كل يوم وتصرفاتهم عادة “مشي حالك”. وبرضه أتكلمنا عن إستخدام برامج تخزين الكلمات السرية اللي بتستخدم في الإميلات وحسابات المواقع وشبكات التواصل الإجتماعي. طبعاً رامي عنده فلسفة خاصة في الموضوع وقلنا أيش أفضل الطرق إللي ممكن نحمي بها حساباتنا الشخصية
Powered by Podeo — Listen to this episode
45 min
June 09, 2018 095: هيا بينا نكون شويفتي هنا
مو كل أفلام الكرتون أتعملت للأطفال… في أفلام كرتون أنتجت للكبار فقط! وواحد من أفضل هذه “الكراتين” هو المسلسل الأمريكي “ريك آند مورتي” إللي مبني في عالم خيالي مليء بالمتعة والكوميديا والإختراعات. وفي نفس الوقت… في بعض القصص الخيالية اللي صنعت للصغار والكبار على حد السواء… زي “الكوميك بوكس” أو القصص المصورة اللي أتعرفنا من خلالها على شخصيات زي الرجل العنكبوت وسوبرمان وكمان سلاحف النينجا. اليوم جلسنا مع راكان كدسة وعبدالله رافعة اللي أستدفروا معانا على بعض هذه المواضيع، إذا انتم من الناس اللي يحبوا أفلام الكرتون والكوميكس… الحلقة هذه حتعجبكم، وإذا ما كنتم من عشاق هذا العالم أسمعوها على أي حال يمكن تلاقوا شيء يعجبكم.
Powered by Podeo — Listen to this episode
1 hr 18 min
June 02, 2018 094: رؤية 2030 صارت واضحة 20/20
رؤية ٢٠٣٠… سمعناها كثير وكل التغييرات اللي بتحصل في البلد مبنية على هذه الرؤية، المشكلة إنه كثير مننا ما قرأ أي شيء عن الرؤية وما عندنا أي فكرة عن أبعادها وحدود التغييرات اللي ممكن تحصل. وفهمنا للرؤية حيساعدنا كشعب إننا نكون جزء من التغيير وعنصر فعال في التحويل الإيجابي. وعشان كدة قعدنا اليوم مع الدكتور محمد حكيم والدكتور المهندس هاشم الزين اللي حاولوا يشرحولنا الرؤية بشكل مبسط عشان عمار بالذات يقدر يستوعبه. أسمعوا الحلقة وقولولنا إذا كان الشرح مفيد وواضح ودقيق من وجهة نظركم.
Powered by Podeo — Listen to this episode
1 hr 13 min
May 24, 2018 093: ياكلك حبة حبة… أكل الهمبرجر
لسكان مدينة جدة… أيش أحسن المطاعم اللي عندكم؟
اليوم قعدنا مع صديقنا أحمد درويش… أحد مؤسسي مجموعة
“The Foodies SA”
وأتكلمنا معاه عن الأكل في جدة والموضات المختلفة اللي بنشوفها في السوق اليوم. ومن ضمن الحديث سألناه عن أفضل المطاعم من وجهة نظره وقلنا على إختياراته لأفضل المطاعم في جدة اللي تبيع: ستيك، بيتزا، همبرجر، شاورما، أكل هندي، دجاج بروست، مناقيش، فول، طعمية وختمها بالسوشي.
Powered by Podeo — Listen to this episode
1 hr 5 min
May 17, 2018 092: تكي هنا وأكتب التدوينة الأخيرة
مع دخول السينما السعودية، وضع صناعة الأفلام الآن أختلف في البلد. والساحة صارت مفتوحة لجيل جديد من الفنانين والمبدعين في مجالات الإخراج والتمثيل والتصوير وكل ما يتعلق بصناعة المحتوى الترفيهي بإنه يتطور ويلاقي جمهوره في بلده. وبالتالي اليوم أجتمعنا مع نادية ملائكة وعلي الشريف وخالد يسلم، مجموعة من الممثلين السعوديين اللي دخلوا عالم التمثيل خلال السنوات اللي راحت وأتكلمنا على مستقبل المهنة في البلد وكل واحد فيهم أعطانا شوية من خبراتهم ونصائحهم.
Powered by Podeo — Listen to this episode
1 hr 35 min
May 11, 2018091: مين قال إنه كل “الهاكينج” غلط؟
في ٢٠١٥ قعدوا عمار ورامي مع عمير طيبة وقعدوا يتكلموا على بعض المواضيع التقنية:

ليش اليوم كثروا مستخدمي أجهزة آبل أكثر من أول ما بدأوا؟

ليش في "Viruses" على الإنترنت وأيش بيستفيدوا الناس اللي بيسووها لمن يسووها؟

أيش يعني "Hacking وهل هو شيء سلبي؟ أو ممكن يكون شيء إيجابي؟

هل نظام الدراسة اليوم في المدارس والجامعات مفيد لنا اليوم؟ أو ماله داعي مقارنة باللي نتعلمه في الشغل؟

ليش أصلاً بنروح ندرس في الجامعة؟ هل هي وجاهة؟ هل فعلاً لحب التخصص؟

Powered by Podeo — Listen to this episode
36 min
May 05, 2018 090: شبسات و لباينة و سعاودة
هل الأفلام الأجنبية في السينما السعودية حتتدبلج للعربي؟
هل اللهجة تأثر على أداء شخصية في فيلم أو مسلسل؟
أيش السن المناسب للأطفال إنه يكون عندهم حسابات في شبكات التواصل؟
ليش الناس بتتابع حساباتنا الشخصية؟ وليش يلغوا المتابعة؟
هل تربيتنا لأولادنا بتسلب منهم شخصيتهم؟
ليش كنا شاطرين في الإبتدائي وصرنا فاشلين في التوجيهي؟
عبدالله يبغى يعرف أيش جمع كلمة “شيبس”؟
Powered by Podeo — Listen to this episode
1 hr 3 min
April 26, 2018 089: يا سارية خبرني!
كثير من الآباء والأمهات مع الانشغال ينسوا انهم ياخدوا شوية وقت من جدولهم المشغول ويقعدوا يتكلموا مع أولادهم. فقررت اليوم أقعد أدردش مع ولدي سارية (آخر العنقود) وأخليكم تشاركونا الدردشة. سبحان الله كل مرة أتكلم مع واحد من أولادي أكتشف شيء جديد عن شخصيتهم.
Powered by Podeo — Listen to this episode
44 min
April 18, 2018 088: (دوبامين عبدالله رافعة (رحمة الله عليه
This episode was recorded on May 16th 2017… and we forgot about it and decided to release it. If you don’t understand what we re taking about in the beginning of the episode, go back and listen episode #067. We are still trying to cope with remote recording and scheduling issues. Today we talked about Net Neutrality, the latest worldwide online virus threat, using technology on airplanes and gaming. As well as some personal catching up. Podcastmstdfrمستدفربودكاست
Powered by Podeo — Listen to this episode
1 hr 3 min
April 17, 2018 087: جلسة مصارحة مع لوحدي
مؤخراً كل ما نكون في فعالية معينة… يجي أحد منكم يا مستمعينا الكرام وتقولوا لنا قد أيش انتم تحبوا البرنامج وتشكرونا على الشغل اللي بنقدمه. وصراحة في العادة ما نعرف كيف نرد على هذا الحب غير اننا نقولكم انتم شكراً انكم بتسمعولنا وشكراً على دعمكم لنا. لكن في نفس الوقت الشيء دا خلانا نفكر في قوة الكلمة والفكرة اللي كثير مننا كصناع محتوى ما نستوعبه! وفي المقابل تتضح لنا حجم المسؤولية اللي تقع على كل كلمة نقولها… لكن هل من المنصف أننا نحط هذه المسؤولية على نفسنا؟
Powered by Podeo — Listen to this episode
31 min

About Mstdfr | مستدفر

From the publisher's feed

Mstdfr (Arabic: مِستَدفِر) a weekly Middle Eastern geeky podcast spoken in “Arablish”. Ammar & Rami host different guests to Discuss, Debate & Diffuse various topics including: Science,…