MusikHaria saioan kolaboratzen du Iker Bárbara kazetari bilbotarrak eta duela egun gutxi kaleratu du berak zuzentzen duen Mondo Sonoro aldizkariko ‘Zarata’ edizioan urteko disko onenen zerrenda. Horren inguruan aritu gara hizketan eta aurreko urtean gogokoen izan diren diskoak aurkeztu dizkigu.

Abenduan sartzerako, azaroaren 25ean, kaleratu zuen Esne Beltza taldeak bere ibilbideko azken diskoa izango den ‘Esne bidea’. Rafa Sardina ekoizle handiarekin elkarlanean haritu dira horretarako. Emaitza taldearen eboluzio bat gehiago bezala ulertu behar da, unibertsoa bezala eraldatzen joan dira.

Erritmo jostariz beteta dator ‘Katuzaldia’ diskoa, EZEZEZ taldearen bigarrena eta aldaketa dezenterekin datorrela esan daiteke. Unai bera hasi zen guztiak kateatzen, Eneko Ajangiz lehendabizi eta Mikel Irigoien eta Alvaro Olaetxea batu zituen gero proiektura. 

Ianire Aranzaberen bakarkako proiektuak bigarren lana kaleratu du 2023 honetan, ‘Erretratu bat’, aurretik hasitako ibilbidearen bigarren pausu interesgarria. Hamar kantuz osatutako diskoa aurkezten izan da MusikHaria saioan.

Habi bikoak ‘Lilura’ singlea kaleratu eta ohartzerako ‘Ohartu’ diskoa etorri zen, azaroaren 17an. Yerai Gascon eta Jon Ander Artola dira Habi, beno, eta Victor Sanchez ere bai, taldearen muinean sartuta baitago teknikaria ere. Ohituta gauzkaten indarrarekin dator Villabonako taldea. 

Silitia taldeak atseden hartuko du 2024 hasieran, ziurrenik badutelako material berriarekin lanean jartzeko nahia eta gogoa. Ibai Silicato eta Xabier Barrutia musikarien proiektuak zortzi abesti utzi dizkigu aurten, bi EPtan banatuta. 

Dientes de Luna taldetik ezagutuko du askok Aimar Cid. Beste batzuk akaso futboletik ere bai, hainbat urtez maila altuko futbolaria izan baita bizkaitarra. Orain, ordea, irakaslea da, beste bizitza bat darama. Musikari bezala bakarkako bideari ekin dio ‘Confesiones de un amor abstracto’ diskoarekin.

Ostegunetan Izkander Fernandez izaten da MusikHaria saiora beste molde bateko musika ekartzen diguna. Batzuetan datozen kontzertuetarako gomendioak egiten dizkigu, bestetan ikus-entzunekoetara bideratzen gaitu, aspaldiko garaietan ere egiten dugu igeri… Baina azken tartean, 2023ko TOP5a osatu du.

Lan eskerga egiten du Iker Bárbarak euskal eszenako erradiografia ahalik eta txukunena osatuz Zarata Mondo Sonoro aldizkarian. Bertatik ekartzen dizkigu guri astero-astero abestiak, eta, urteko azkenean, lau kantu hautatu ditu 2023ak eman duenaren adierazgarri.

Disko luzearekin debutarien artean sartu behar dugu aurten Txopet taldea. Andoni Barinaga-Rementeria, Iñigo Güemes eta Jon Fernandezek osatzen duten hirukoak ‘Nahiz eta jausi’ diskoa kaleratu du 2023an, soinu propioa garatzea lortu duten lana. MusikHaria saioan izan genituen udazkenean.