Antiguakoak dira Indabe taldekoak, Gipuzkoako hiriburutik gertukoak. Horrela diogu, horrela aldarrikatzen dutelako Amaia Bengoetxea, Nora Azurza, Uxue Estrada eta Peru Blanco taldekideek. ‘Noiz arte?’ izeneko maketa ekarri dute Durangoko Azokara.

Igotz Mendez ‘Hofe’ iruindarrak 4:40rekin batera lau abestiko EPa kaleratu du aurtengo Durangoko Azokari begira.

Abenduaren 6an abiatu da 58. Durangoko Azoka, ‘Fantasia da!’ lelopean eta horixe da ZETAK talderen disko berria ere, fantasia. Errealitatea eta mitologia uztartu dituzte ZETAKekoek, tradizioari begira haren inguruko gauza asko ere kuestionatuz.

Elektronika munduko proiektu berria da Zatibi, Mikel Iraeta (Azkoitia, 1992) musikariak sortu duen atmosfera. Aurretik RO edota Zizel bezalako proiektuetan ibiili ostean, bakarka eta elektronikara bideratutakoa plazaratu berri du ‘ODD’ diskoarekin azkoitiarrak. 

Soinu bitxiekin hasten da Nøgen taldearen disko berriena, ‘Åben Cirkel’. Taldekideek ez dute aurkezpen berezirik behar, ezagunak baitira, baina diskoak bai, eraberritutako Nøgen bat topatuko dugulako lan berri honetan. Markel Idigoras eta Alex Irazusta izan dira NAIZ Irratiko MusikHaria saioan.

Mistizismo handiarekin hasten da Anker taldearen ‘Lurperatutako istorioak’ disko berria. Eta, hori argitzeko, Joanes Legarda-Ereño eta Jon Unzurrunzaga izan dira MusikHaria saioan. Gainerako biak ere ezin ahaztu, Eneko Altzelai eta Unax Anza ere badirelako Anker. DOKAn izango dira azaroaren 25ean.

Gazte izanaren bizipenetatik sortu dute hein batean Leihotikan taldekoek ‘Etorkizuna ginenean’ diskoa. Hitz zuzenak, hardcore melodiko indartsua eta izerdia ditu hogei minutu baino gutxiagoko lanak. Gorka Urbizu izan da ekoizlea eta Gorka Armendariz abeslariak kontatu dizkigu xehetasun guztiak. 

Musika berezia da Airu proiektuak sortzen duen eta halakoxea da ‘Con lo bueno y con pena’ ere, talde bilbotarrak atera duen lehen luzea. Patricia Echanove, Erik Gonzalez, Jon Gomez eta Irune Vega dira taldea osatzen dutenak. Azken hau izan da gurekin taldearen nondik norakoak kontatzeko.

Gabonen usaina nabari du Iker Bárbarak dagoeneko eta, horren harira, Euskal Herrian oraindik Gabonen bueltako abestiak sortzen direla gogorarazi digu: «Kristonakek, Santiago Delgadok ere urtero ateratzen du, Iruñeko talde batzuk ere badira hor saltsan aritzen direnak…». Baina ez du halakorik ekarri.

Duela aste batzuk Izkander Fernandezi galdera luzatu genion ea Azkena Rock jaialdiko lehen izenak noiz jakingo genituen esanaz eta dagoeneko badugu horren erantzuna. Hartara, 2024ko jaialdiko lau izen ekarri dizkigu aurreko osteguneko tartera.