MusikHaria saioan izan dira Ithaka taldekoak, lehenengoz komunikabide bati elkarrizketa ematen. Urduritasuna nabari zitzaien elkarrizketa hasi aurretik, baina hizketarako arazorik ez dutela argi utzi zuten estudiora sartu orduko. ‘Kristalezko’ kantuarekin datoz, indartsu, disko berria labean dutela.

‘Indatxikia’ deituriko EP bat osatu dute nolabait esatearren, lau kantu kaleratu eta horrela izendatu dutelako kaleratu dutena. Elektronika eta punka nahasten dituzte, baina oso elektronikoa da proiektua. Julen Del Valle eta Imanol Gorriti dira Apothekeren atzean dauden bi protagonistak.

«Gaur justu egon naiz pentsatzen marrantak eta horrelakoak guztiz aldatu direla, hiru aste daramadalako gaizki. Auskalo zenbat kilo muki atera ditudan sudurzuloetatik, belarriak ere desastre ditut… Baina musika eskaintzeko prest nator», esan digu Iker Bárbarak.

Huelvako kostaldean harrapatu dugu azken tartean Izkander Fernandez eta itsasorik ez baina lasaitasuna entzun duela aipatu digu: «Normalean abuztuan etortzen naiz, baina urrian hona etortzean ez dago inor, tristea ere bada hein batean, baina lasaia da El Rompido, bakea dago bertan».

Gorka Rodriguez Gomila algortarraren proiektu berriena da Txekoslobako. Musikaren munduan urte batzuk badaramatzan arren, bakarka eta doinu latinoak landu asmoz dator orain. Tabuak eta klixeak gainditu eta doinu mota honetan mezu indartsuak zabaltzeari eman dio garrantzia Algortako musikariak.

Painapple taldea Debabarrenako taldea da, Kaliforniako punk-rock musikatik gertu dabiltzan arren. Katariñe Berrueta, Asier eta Josu Cascan, Andoni Conde eta Gorka Martinez de Lagos dira taldea osatzen dutenak, eta EP bat kaleratu dute aurten ‘Demo’ izenekoa.

Abuztuan eta irailean diskoen erritmoa interesgarri joan dela kontatu zigun Izkander Fernandezek azken bisitan eta, horrez gainera, Brutus taldearen kontzertuaren atarikoa ere egin zigun MusikHaria saioko kolaboratzaileak.

Bost kantuz osatutako lehen lan laburra kaleratu du Deñe Garcia-Bravo Alberdi (Urrestilla, Azpeitia, 2003) musikariak. Bakarkako bidean beste hiru lagun batu zaizkio zuzenetarako eta laukotean ari da ‘Isladen itzaletan’ aurkeztuz. Hala ere, etorkizuneko diskoaren sorkuntzan murgilduta dabil orain.

Zortzi urte, lau disko bi EP eta ehunka kontzertu. Horixe da estatitiskei erreparatuz Liher taldeak utziko duen datua. Nekatu egin direla esan daiteke, ezti eta etsizko egunak lehen pertsonan ezagutu dituztela. Denborak erakutsiko du taldeak zer nolako arrastoa utzi duen euskal rockaren eszenan.

Ezkor samar eta nekatuta harrapatu dugu Iker Bárbara Zarata MondoSonoroko zuzendaria hilabete hasieran. Zarataren edizio berria prestatzen ibili da: «100 orrialde dituen edizioa dator, berezia, BIME azokari eskainitako tarte zabala duelako, besteak beste. Hortaz, sektoreari begira jarri gara».