Musikarien eguna omen Xixilirena. Bada, egun hori aukeratu zuen Postal Kolekzionistak taldeak beren lana MusikHaria saioan aurkezteko. Bukatu gabe zegoen lana, baina bidean zegoena. Gabonetan postalak iristen dira buzoietara, Postal Kolekzionistakena, ordea, diskoa bukatu orduko iritsiko da.

Ibilbide luzeko musikaria da Galder Izagirre (Irun, 1974). Dut, Kuraia, Berri Txarrak edota Bazka taldeetan entzun dugu bateria astinduz. Orain, ordea, bakarkako proiektuarekin dator eta ez daki zuzenean zer egingo duen, ‘Esc’ diskoan berak sortu baitu guztia. MusikHaria saioan aurkeztu digo diskoa.

Goierriko hiru emakumeren batasunetik sortu zen Gilda taldea duela urte gutxi. Amagoia eta Maialen Aiestaran ahizpekin batera Anabel Toral da hirugarren osagaia Gildan eta bigarren lan bat kaleratu dute aurten, ‘Basati’.

Disko berria aurkeztu dute Iruñerrikoek, Leteri buruzko saiakera oiartzuarrak. ‘Gazte arruntaren koplak’ abestiak eman digu bbatzuren eta bestearen jardunak gurutzatzeko.

Konpromiso handiko taldea da inondik inora ere Skabidean taldea. Konpromisoak nekea ere badakar maiz, eta, horregatik eta bestelako kontuengatik, pausa bat hartuko du taldeak ‘Kabia’ bosgarren diskoa prestatzeko. Durangoko Azokara, ordea, zuzeneko disko berezi batekin etorri dira.

Mari Luz Esteban, Juan Kruz Igerabide eta Jean Mixel Bedaxagar lan berri bana besapan etorri dira Durangoko Azokara. Zebrabidea DA saio berezian izan dira lan hauek aurkezten, eta bide batez Durangoko Azoka nola bizi duten kontatu digute.

Bost urte beranduago bada ere, kaleratu berri duten diskoa 2018ko ‘Eta Edertasunaren Lorratzetan Biluztu Ginen’ jarraipen moduan ulertu behar da, azalak berak horrela erakusten duenez.

Urte asko dira Xabier Camarero eta konpainiak lehen pausoak eman zituztenetik Urtz taldearekin. Pausoz pauso aldatzen joan den taldea izan da, egun, Bizkaian entseatu, sortu eta grabatzeraino. MusikHaria saioan izan da Camarero.

Hamar urte bete ditu Iruñeko Katakrak kultura espazioak. Kultura espazioa diogu, argitaletxe lanak egiten dituelako, kantina delako eta baita liburu-denda ere. Hori gutxi balitz, orain binilo bikoitza kaleratu dute.

Iratxi Aguilera gasteiztarra da Kai Nakai gorpuzten duen emakumea, baina unibertso horren parte da arte zuzendaritzan lagun duen Aravecia ere. Albina Stardustekin kolaboratu berri du eta hortik sortu da kutxa sorpresa ere, 2024an kaleratuko duen albumaren aurrerapena.