Nan epizod sa Emmy chita pale avek Matti Domingue. Matti se yon Makeup Artist - direktris Zoule Makeup avèk Zoule Talent Agency. Soti nan metye’l , pase nan koman li jere biznis Li ,rive nan zafè élevé pitit Li poukòl , konvesasyon entim sa ka enspirew rive jwenn balans nan lavi paw sanw pa sakrifie ankenn aspè ladann.

Nan epizod sa Emmy chita pale avek Tim-Valda pou yo pale de zafè maryaj nan sosyete ayisyèn nan, de impòtans Li genyen ak jijman moun pote lè yon fanm deside pa marye. Yo pale tou de mank enkadreman legal pou moun ki fè chwa viv ansanm ak kontwi yon vi San yo pa Marye.

Nan epizod Nannan sa Emmy chita pale avek Hugline Jerome ki se Fondatris ak direktris Dream Promo. Yo pale de lavil avek tout obstak Li te dwe travèse pou’l rive kote Li ye jodia yon radin pou li ankouraje tout moun pou yo pa janm suspann kwe nan rèv yo ak travay pou rèv yo tounen realite.

Nan epizod Nannan sa Emmy remèsye tout oditè ak tout invite ki te aksepte chita avèl pou yo te pataje Nannan yo. Li pwofite fe on ti rapèl sou tou le nèf epizod yo épi Li pataje leson Li aprann de konvesasyon sa yo.

Emmy chita avèk Marina pou yo pale de relasyon seksyèl . Yo pataje experyans yo te genyen avek paran yo nan zafè edikasyon sou fè bagay ; yon fason pou yo ankouraje nouvel jenerasyon kominike ak timoun yo sou zafè sila.

Nan epizod Nannan sa, Emmy chita pale avèk Estelle. Yo pale de enpòtans renmen avèk kwè nan tèt ou, épi pa kite la perèz anpechew rive kote ou vle ale a. Yo fè on ti pale sou chwa Estelle fè al viv a letranje ak relasyon anpil jèn genyen avèk peyi yo, Haiti.

Nan epizod Nannan sa , Emmy chita avek atis, dansez, pwofesè yoga Makeda ki pataje kwayans li avè nou. Makeda se yon fanm ki kanpe djanm dèyè konvisyon li. Konvesasyon sa envite nou konprann ke tout moun pa menm ki donk fok nou aksepte diferans youn lot.

Nan epizod Nannan sa , Emmy pataje on pati nan istwa pal, yon fason pou oditè yo dekouvri kiyes li ye . Li pwofite pou li eksplike kisa ki te pouse’l fè podcast la.

Nan epizod Nannan sa , Emmy chita pale avek Fabiola Coupet, “ Bibi”. Yon Konvesasyon prensipalman sou satisfaktyon ou jwenn lè ou deside viv lavi'w dapre règ paw. Yo te profite pale de emisyon radyo “ Bibi Netalkole”.

Nan Epizod Nannan sa, Emmy chita Pale avec dansè pwofesyonèl Linda Isabelle Francois . Li pale de pasyon li pou danse ak jan li enpòtan pou konnen avec metrize pasyon’w genyen nan lavi an jeneral.