Nan epizod Nannan sa Emmy chita pale avek Fabiola , Sahita ak Monique pou yo pale de ekperyans yo antan ke fanm selibatè. Nan sosyete nou an kote Maryaj konsidere tankou yon estati enpòtan. Yo pale de kalite moun yo rankontre ak kisa yap chèche nan yon konpanyon.

Nan 2e epizod Nannan, Emmy chita pale avek ekriven, reyalizatris, aktris Gessica Geneus. Gessica pale de pakou li ak tout sa li regle pandan dènye ane ki sot pase yo. Yo diskite de liv “Yon ti koze ak sèm” avek de muzik Li “ Nan ou” ki te enspire anpil jèn fanm sou poze kesyon sou kiyes yo ye , kiyes yo vle ye? Yo pale de kisa lavi a reprezante ak kijan li empotan pou viv avek konsyans.

Nan premye epizod Nannan Emmy Chita pale avèk Nathaelle, Sahita ak Kawala sou relasyon yo genyen avek kò yo. Nan yon sosyete kote gen yon presyon sou Kijan pou ye, li difisil pou fanm santi yo byen nan po yo. Pandan konvèsasyon sa a, medam yo manyen sijè sa ,yon fason pou enspire tout fanm pou yo renmen ak apresye kò yo.