ယူကရိန်းမြို့အတော်များများကို ပစ်မှတ်ထားပြီး ရုရှားက လေကြောင်းတိုက်ခိုက်မှုတွေ ဆက်လုပ်နေပါတယ်။ မြန်မာအပါအဝင် ကမ္ဘာတဝှမ်း အင်တာနက်လွတ်လပ်ခွင့်ဟာ ၁၂ နှစ် ဆက်တိုက် ကျဆင်းနေတယ်လို့ Freedom House အဖွဲ့က ထုတ်ပြန်ပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ် သက်တံရောင်သတင်းလွှာကို တင်ဆက်ပေးပါမယ်။

ယူကရိန်းမြို့တော် Kyiv မှာ အီရန်လုပ် ဒရုန်းတွေနဲ့ ဖောက်ခွဲတိုက်ခိုက်မှုအတော်များများ ခံခဲ့ရ၊ ရုရှားက စစ်ဆင်ရာမှာ အီရန်ပါဝင်ပတ်သက်တယ်ဆိုတာ အတည်ပြုနိုင်ရင် အရေးယူဒဏ်ခတ်ဖို့ EU နိုင်ငံခြားရေးဝန်ကြီးတချို့ ပြင်ဆင်၊ သြစတြေးလျနိုင်ငံသား Sean Turnell ကို နေပြည်တော်ကနေ အင်းစိန် အကျဉ်းထောင်ကို ပြောင်းရွှေ့

ရုရှားလိုလားတဲ့တပ်ဖွဲ့တွေဟာ ယူကရိန်းအရှေ့ခြမ်း Donetsk Oblast ဒေသက Bakhmut မြို့ အလယ်ပိုင်းအထိ ဗျူဟာကျကျ ချည်းကပ်လာနေတယ်လို့ ဗြိတိန်ကာကွယ်ရေးဌာနက ပြောပါတယ်။ မြောက်ကိုရီယားနိုင်ငံဟာ တာတိုပစ်ပဲ့ထိန်းဒုံးကျည်တစင်း အရှေ့ဖက် ပင်လယ်ပြင်ထဲကို ပစ်လွှတ်ခဲ့တယ်လို့ တောင်ကိုရီယား စစ်ဖက်က ကြေညာပါတယ်။ ဆိုးရွားတဲ့ စစ်အုပ်ချုပ်ရေးအောက်မှာ စစ်ဒဏ်ခံနေရတဲ့ ထောင်နဲ့ချီတဲ့ မြန်မာပြည်သူတွေကို အမှတ်ရဖို့ ပုပ်ရဟန်းမင်းကြီး Francis က ကမ္ဘာကြီးကို တိုက်တွန်းပါတယ်။ ဒီသတင်းနဲ့အတူ သတင်းဆောင်းပါးနဲ့ အပတ်စဉ်အစီအစဉ်တွေ တင်ဆက်မှာပါ။

ယူကရိန်းနိုင်ငံတဝှမ်း ရုရှားက ဒုံးကျည်နဲ့ပစ်ခတ်နေသလို၊ ယူကရိန်းမြို့တော်ကိုလည်း အီရန်ထုတ်ဒရုန်းတွေ ထိမှန်တယ်လို့ ယူကရိန်းကပြောပါတယ်။ မြန်မာပဋိပက္ခအတွင်း မြန်မာစစ်တပ်ကနေ အရွယ်မရောက်သေးတဲ့ ကလေးငယ် ၇၀၀ထက်မနည်းကို အဓမ္မလုပ်အားခိုင်းစေမှုတွေရှိခဲ့တယ်လို့ အမေရိကန်အလုပ်သမားရေးဝန်ကြီးဌာနက ဖော်ပြပါတယ်။ မြောက်ကိုရီးယားနိုင်ငံမှာ မနေ့ ဗုဒ္ဓဟူးနေ့က တာဝေးပစ် ပဲထိန်းဒုံးကျည် စမ်းသပ်မှုတွေကို ခေါင်းဆောင် ကင်မ်ဂျုံအွန်း ကိုယ်တိုင် ကြီးကြပ်ခဲ့တဲ့အကြောင်း အစိုးရသတင်း မီဒီယာတွေက ဖော်ပြပါတယ်။ ဒီသတင်းနဲ့အတူ သတင်းဆောင်းပါးတွေနဲ လူမှုကွန်ယက်က လူကြည့်များသတင်းတိုတွေ တင်ဆက်ပေးပါမယ်။

ဒေါ်အောင်ဆန်းစုကြည်အပေါ် စွဲဆိုထားတဲ့ အဂတိမှု ၂ ခုနဲ့ နောက်ထပ် ထောင်ဒဏ် ၃ နှစ် ပြစ်ဒဏ် ချမှတ်လိုက်ပါတယ်။ မြန်မာနိုင်ငံတွင်း ဆန္ဒပြပွဲတွေကို မှတ်တမ်းဗွီဒီယို ရိုက်ယူရင်း ဖမ်းဆီးခံခဲ့ရတဲ့ ဂျပန် သတင်းထောက် Toru Kubota ကိုလည်း ဒီကနေ့ ထောင်ဒဏ် ၃ နှစ် ထပ်မံ ချမှတ်လိုက်ပါတယ်။ ယူကရိန်းကို အကူအညီပေးရေး အမေရိကန်ဦးဆောင်ပြုလုပ်တဲ့ ယူကရိန်းကာကွယ်ရေးဆိုင်ရာ နိုင်ငံတကာအစည်းအဝေးတရပ်မှာ ယူကရိန်းကာကွယ်ရေးဝန်ကြီးစကားပြောဆိုဖို့ရှိပါတယ်။ ဒီသတင်းနဲ့အတူ သတင်းဆောင်းပါးတွေနဲ့ အပတ်စဉ်အားကစားအစီအစဉ်တို့ကို တင်ဆက်ပါမယ်။ ယူကရိန်းကာကွယ်ရေးဆိုင်ရာ နိုင်ငံတကာအစည်းအဝေးတရပ်မှာ ယူကရိန်းကာကွယ်ရေးဝန်ကြီးစကားပြောဆိုဖို့ရှိပါတယ်။ ဒီသတင်းနဲ့အတူ သတင်းဆောင်းပါးတွေနဲ့ အပတ်စဉ်အားကစားအစီအစဉ်တို့ကို တင်ဆက်ပါမယ်။

ယူကရိန်းမြို့တွေကို ရုရှားက ဒုံးကျည်တွေနဲ့ ဆက်တိုက်ပစ်ခတ်ပြီး အရှိန်မြင့်လာတဲ့အချိန်မှာပဲ G7 စက်မှုထိပ်သီးများ အွန်လိုင်းအစည်းအဝေးခေါ်ရာမှာ ယူကရိန်းသမ္မတ Volodymy Zelenskyy က မိန့်ခွန်းစကားပြောပါတယ်။ အာဆီယံရဲ့ မြန်မာ့အရေးဘုံသဘောတူညီချက်တွေ အကောင်အထည်ဖော်မှုကိုသုံးသပ်ဖို့ အောက်တိုဘာ ၂၇ရက်မှာ ဒေသတွင်းနိုင်ငံခြားရေးဝန်ကြီးတွေ တွေ့ဆုံဆွေးနွေးဖို့ရှိပါတယ်။ မြန်မာအရပ်ဖက်သုံးဖို့ ဂျပန်ကအကူအညီပေးထားတဲ့ ခရီးသွားမော်တော်တွေကို မြန်မာစစ်တပ်က စစ်ရေးအတွက်အသုံးချနေတယ်လို့ HRW က ပြောပါတယ်။ ဒီသတင်းတွေနဲ့အတူ သတင်းဆောင်းပါးတွေပါ တင်ဆက်ပေးပါမယ်။

ရုရှားက ယူကရိန်းမြို့အများအပြားကို ဒုံးကျည်တွေနဲ့ ပစ်ခတ်နေရာမှာ ၊ တနင်းလာနေ့ အစောပိုင်း ယူကရိန်းမြို့တော့် Kyiv မှာ ပေါက်ကွဲမှုတွေဖြစ်ပြီး လူ ထိခိုက်သေဆုံးမှုတွေရှိခဲ့ပါတယ်။ မလေးရှားနိုင်ငံလွှတ်တော်ကို ဒီနေ့တနင်္လာနေ့မှာ ဖျက်သိမ်းမှာ ဖြစ်ကြောင်း မလေးရှားဝန်ကြီးချုပ် Ismail Sabri Yaakob က ကြေညာလိုက်ပါတယ်။ ၂၀၂၂ ခုနှစ်အတွက် နိုဘယ် စီးပွါးရေး ဆု ကို အမေရိကန် စီးပွါးရေး ပညာရှင် သုံးယောက် က ပူးတွဲရရှိသွားကြပါတယ်။ ဒီသတင်းတွေနဲ့အတူ အပတ်စဉ်အစီအစဉ်နဲ့ သတင်းဆောင်းပါးတွေ တင်ဆက်ထားပါတယ်။

၂၀၂၂ ခုနှစ်အတွက် နိုဘဲလ် ငြိမ်းချမ်းရေးဆုကို ဘဲလားရုစ်နိုင်ငံက လူ့အခွင့်အရေး ဦးဆောင်လှုပ်ရှားသူတဦး နဲ့အတူ ယူကရိန်း လူ့အခွင့်အရေးအဖွဲ့၊ ရုရှား လူ့အခွင့်အရေးအဖွဲ့ တို့ ပူးတွဲရရှိသွားပါတယ်။ မြန်မာစစ်တပ်ကို လက်နက်ရအောင် ကူညီခဲ့တယ်ဆိုတဲ့ စွပ်စွဲချက်နဲ့ မြန်မာနိုင်ငံသား ၃ ဦးနဲ့ ကုမ္ပဏီတခုကို အမေရိကန်ပြည်ထောင်စုက အရေးယူဒဏ်ခတ်လိုက်ပါတယ်။ ဗွီအိုအေမြန်မာပိုင်းရဲ့ ပင်တိုင်ဆောင်းပါးရှင်တဦးဖြစ်သူ ဦးစည်သူအောင်မြင့်ကို တပ်မတော်ပြိုကွဲအောင်လှုံ့ဆော်မှုပုဒ်မနဲ့ အလုပ်နဲ့ ထောင်ဒဏ် ၃နှစ် ပြစ်ဒဏ်ချလိုက်ပါတယ်။ ဒီသတင်းတွေနဲ့အတူ အပတ်စဉ်အစီအစဉ်တွေ တင်ဆက်ပေးပါမယ်။

မြောက်ကိုရီယားနိုင်ငံဟာ တာတိုပစ် ပဲ့ထိန်းတပ်ဒုံးကျည်နှစ်စင်းကို အခု ကြာသာပတေးနေ့အစောပိုင်း ပစ်လွှတ်ခဲ့ပါတယ်။ မြန်မာနိုင်ငံမှာ ထိန်းသိမ်းခံနေရတဲ့ ဂျပန်နိုင်ငံသား မှတ်တမ်းတင်ရုပ်ရှင် ရိုက်ကူးသူ Toru Kubota ကို အမှု ၂ ခုအတွက် ထောင်ဒဏ် ၇ နှစ် တပေါင်းတည်း ပြစ်ဒဏ်ချမှတ်လိုက်ပါတယ်။ ၂၀၂၂ နိုဘယ် စာပေဆုကိုတော့ ပြင်သစ်စာရေးဆရာမ Annie Ernaux က ရရှိသွားပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ်အစီအစဉ်တွေ တင်ဆက်မှာပါ။

ယူကရိန်းဒေသ လေးခု ရုရှားပိုင်နက်ထဲ ထည့်သွင်းလိုက်တဲ့ ဥပဒေကို ရုရှားသမ္မတပူတင်က လက်မှတ်ထိုး အတည်ပြုလိုက်ပါတယ်။ ဓာတုဗေဒဆိုင်ရာ နိုဘယ်ဆုကို အမေရိကန် နဲ့ ဒိန်းမတ် နိုင်ငံတို့ က ဓာတုဗေဒ ပညာရှင် ၃ ယောက်ဖြစ်ကြတဲ့ Carolyn R. Bertozzi, K. Barry Sharpless နဲ့ Morten Meldal တို့ ကို ရရှိသွားပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ်အားကစားအစီအစဉ်တွေ ထုတ်လွှင့်ပေးပါမယ်။