ရုရှားကို နိုင်ငံတကာအဖွဲ့အစည်းတွေကနေ ဖယ်ကျဉ်ဖို့ ယူကရိန်းတာဝန်ရှိသူတွေက တိုက်တွန်းတောင်းဆိုနေပါတယ်။ အခုလ ဒေသတွင်းထိပ်သီးညီလာခံတွေ တက်ရောက်မယ့် နိုင်ငံတကာ ခေါင်းဆောင်တွေအနေနဲ့ မြန်မာစစ်ကောင်စီအပေါ် ပိုမိုထိရောက် ပြင်းထန်တဲ့ အရေးယူမှုတွေ ချမှတ်ဖို့ HRW အဖွဲ့က တောင်းဆိုပါတယ်။ နောက်ဆုံးရ ဒီသတင်းတွေနဲ့အတူ သတင်းလွှာတွေကိုပါ တင်ဆက်ပေးမှာပါ။

လျှပ်စစ်ဓါတ်အားနဲ့ ရေဖြန့်ဝေမှုအပါအဝင် အဓိကမြို့ပြအခြေခံအဆောက်အဦးတွေကို ရုရှားက ပစ်မှတ်ထား တိုက်ခိုက်နေတယ်လို့ ယူကရိန်းအရာရှိတွေကပြောပါတယ်။ မြန်မာလူသားချင်းစာနာအကူအညီပေးရေးအတွက် ဒေါ်လာ ၆၄၃ သန်းလိုအပ်နေတယ်လို့ ကုလ လူသားချင်းစာနာကူညီမှုဆိုင်ရာညှိုနှိုင်းရေးရုံးက ထုတ်ပြန်ပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ်အမေရိကန်နိုင်ငံရေးအစီအစဉ်ကိုတင်ဆက်ပေးပါမယ်။

ယူကရိန်းကို ရုရှားကျူးကျော်စစ်ဟာ ဥရောပအတွက် လုံခြုံမှုကင်းမဲ့တဲ့ ကာလဆီကို ရောက်သွားစေတယ်လို့ ဂျာမဏီနိုင်ငံက ပြောဆိုပါတယ်။ မြောက်ကိုရီယားနိုင်ငံဟာ တာတိုပစ် ပဲ့ထိန်းတပ်ဒုံးကျည်နှစ်စင်းကို အရှေ့ဖက်ပင်လယ်ပြင်ထဲကို ဒီကနေ့ နေ့လည်ပိုင်းက ပစ်လွှတ်ခဲ့တယ်လို့ တောင်ကိုရီယားစစ်တပ်က ပြောပါတယ်။ ဒီသတင်းနဲ့အတူ သတင်းဆောင်းပါးတွေနဲ့ အပတ်စဉ်အစီအစဉ်တွေ တင်ဆက်ပေးပါမယ်။

ရုရှားတို့တိုက်ခိုက်မှုမှာ ဓါတ်အားပေးစက်ရုံတွေထိခိုက်တဲ့အတွက် ယူကရိန်းနိုင်ငံတွင်းလျှပ်စစ်ဓါတ်အားဖြန့်ဝေမှု အကန့်အသတ်နဲ့ဆောင်ရွက်ဖို့ ပြင်ဆင်နေပါတယ်။ မြန်မာ့အရးအာဆီယံဘုံသဘောတူညီချက် ၅ရပ်ကို အခိုင်အမာဆက်ပြီးကိုင်စွဲဖို့ ဒီနေ့ကျင်းပတဲ့ မြန်မာ့အရေးအာဆီယံအထူးအစည်းအဝေးမှာ ဆုံးဖြတ်ခဲ့ကြပါတယ်။ ဒီသတင်းနဲ့အတူ သတင်းဆောင်းပါးတွေ တင်ဆက်ပေးမှာပါ။

ယူကရိန်းမှာ ရုရှားက အီရန် လုပ် ဒရုန်းတွေ အသုံးပြုခဲ့တာ နဲ့ ပတ်သက်တဲ့ ထောက်လှမ်းရေး သတင်းတွေကို အမေရိကန် သမ္မတ ဂျိုးဘိုင်ဒန် နဲ့ ဗုဒ္ဓဟူးနေ့မှာ တွေ့တဲ့အခါ မျှဝေပေးမယ်ဖို့ အစီအစဉ် ရှိတယ်လို့ အစ္စရေး သမ္မတ Isaac Herzog က ပြောပါတယ်။မြန်မာနိုင်ငံမှာအကြမ်းဖက်တိုက်ခိုက်မှုတွေကြောင့် နိုင်ငံတဝှမ်း ရင်ဆိုင်နေရတဲ့ လူသားချင်းစာနာမှု အကြပ်အတည်း ပိုပြီး ဆိုးဝါးသွားနိင်တဲ့အကြောင်းအာဆီယံအလှည့်ကျ ဥက္ကဌဖြစ်တဲ့ ကမ္ဘောဒီးယားနိုင်ငံက ကြေညာချက် ထုတ်ပြန်ပါတယ်။တရုတ်နိုင်ငံရဲ့ ရှန်ဟိုင်းမှာ နှာခေါင်းက ရှုသွင်းရတဲ့ COVID-19 ကာကွယ်ဆေး အစီအစဉ် စတင်လိုက်ပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ်အစီအစဉ် တွေကိုထုတ်လွှင့်ပေးပါမယ်။

ရုရှားက ယူကရိန်းနိုင်ငံအတွင်းက အရပ်ဘက် အခြေခံအဆောက်အဦးတွေကို ပစ်မှတ်ထား တိုက်ခိုက်နေတဲ့အတွက် ပြန်လည် တည်ဆောက်ရေးလုပ်ငန်းတွေ အမြန်ဆုံးလုပ်ပေးနိုင်ရေး ကူညီပေးကြဖို့ ဥရောပကော်မရှင်ဥက္ကဋ္ဌ တောင်းဆို၊ ဗြိတိန်နိုင်ငံမှာ အသက် ၄၂ နှစ်အရွယ် အိန္ဒိယနွယ်ဖွား Rishi Sunak အနှစ် ၂၀၀ ကျော် အတွင်း အသက် အငယ်ဆုံး ဗြိတိန် ဝန်ကြီးချုပ် ဖြစ်၊ ဖားကန့် ဒေသမှာ မြန်မာစစ်တပ်က လေကြောင်း တိုက်ခိုက်မှုဟာ လူသားထု အပေါ် ကျုးလွန်တဲ့ ရာဇဝတ်မှု မြောက်ပြီး ဒီကိစ္စကို နိုင်ငံတကာ ရာဇဝတ်ခုံရုံး ICC ကို လွှဲပြောင်းပေးသင့်ကြောင်း လူ့အခွင့်အရေး စောင့်ကြည့်ရေး အဖွဲ့ ပြော

ယူကရိန်းဟာ ရေဒီယိုသတ္တုကြွပစ္စည်းဖောက်ခွဲမှုလုပ်လာနိုင်တယ်လို့ ရုရှားစွပ်စွဲမှုကို ငြင်းဆန်ပြီး၊ အလားလူ တိုက်ခိုက်မှုမျိုး ရုရှားကလုပ်ပြီး ယူကရိန်းကို အပြစ်ဖို့လာနိုင်တယ်လို့ ယူကရိန်းက တန်ပြန်စွပ်စွဲပါတယ်။ ဖားကန့် ဒေသမှာ တနင်္ဂနွေနေ့ညတေးဂီတဖျော်ဖြေပွဲ ကျင်းပနေတဲ့အချိန် မြန်မာစစ်တပ်က လေကြောင်းတိုက်ခိုက်ခဲ့တဲ့အတွက် ကချင် အနုပညာရှင်တချို့အပါအဝင် အရပ်သားဒါဇင်နဲ့ချီ သေဆုံးတယ်လို့သိရပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ်အမေရိကန်နိုင်ငံရေးအစီအစဉ် ထုတ်လွှင့်ပေးပါမယ်။

ရာထူးကနေ နှုတ်ထွက်သွားတဲ့ ဗြိတိန် ဝန်ကြီးချုပ် Liz Truss နေရာမှာ အရင်ဝန်ကြီးချုပ်ဟောင်း Boris Johnson ပြန်ပြီး ဝင်ရောက် ယှဉ်ပြိုင်အရွေးခံဖွယ်ရှိနေပါတယ်။ ကရင်ပြည်နယ် ကော့ကရိတ်မြို့တွင်း နေရာတချို့ကို ကရင်အမျိုးသား လွတ်မြောက်ရေးတပ် KNLA နဲ့ ပူးပေါင်းတပ်ဖွဲ့တွေ ဒီနေ့ မနက်က ဝင်ရောက် တိုက်ခိုက်ပြီး မြန်မာစစ်တပ်နဲ့ အပြင်းအထန် တိုက်ပွဲ ဖြစ်ပွားခဲ့ပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ ကမ္ဘာသတင်းမီဒီယာတွေထဲကမြန်မာအစီအစဉ်ကို ထုတ်လွှင့်ပေးပါမယ်။

ရုရှားလေကြောင်းတိုက်ခိုက်မှုကြောင့် ပျက်စီးခဲ့တဲ့ ဓါတ်အားပေးစက်ရုံတွေ ပြင်ဆင်ဖို့ဆောင်ရွက်နေတာမို့၊ ယူကရိန်းနိုင်ငံတဝှမ်းမကြုံစဖူး လျှပ်စစ်ဓါတ်အားပြတ်တောက်မှုရင်ဆိုင်နေရပါတယ်။ ရန်ကုန် အင်းစိန်ဗဟိုအကျဉ်းထောင်ဗူး၀ ဗုံးပေါက်ကွဲမှုနဲ့ ထိခိုက် သေဆုံးမှုတွေ ဖြစ်ပွားပြီးတဲ့နောက် အင်းစိန်ထောင် အထူးတရားရုံး ရုံးထုတ်စစ်ဆေးမှုတွေကို ၂ ပတ် ရပ်နားထားပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ လူမှုကွန်ယက်ပေါ်က လူကြည့်များသတင်းတိုတွေကို တင်ဆက်ပေးပါမယ်။

ရုရှား က အီရန် ဒရုန်းတွေ ကို အသုံးပြုခဲ့တဲ့ ကိစ္စ နဲ့ ပတ်သက်ပြီး ဆွေးနွေးဖို့ ကုလသမဂ္ဂ လုံခြုံရေး ကောင်စီ ကို အမေရိကန်၊ ဗြိတိန် နဲ့ ပြင်သစ် တို့ က တောင်းဆိုလိုက်ကြပါတယ်။ ရန်ကုန် အင်းစိန်ထောင် ဗူးဝအနီး ပေါက်ကွဲမှုကြောင့် လူ ၈ ဦးထက်မနည်း သေဆုံးခဲ့ပါတယ်။ ဒီသတင်းတွေနဲ့အတူ သတင်းဆောင်းပါးတွေနဲ့ အပတ်စဉ်အားကစားအစီအစဉ်ကို တင်ဆက်မှာပါ။