'நாங்கள் காற்று' சிறுவர் நாடகம் : சிறுவர் நாடகத் தொடர்-01

நாங்கள் காற்று சிறுவர் நாடகம் ஒலிவடவமாக இங்கு தரப்படுகிறது. இன்றைய அவரச உலகில் பிள்ளைகளை தொலைக்காட்சிகளிடமும் கைபேசிகளிடமும் அடகு வைக்கும் நிலையை இந்த நாடகம் பேசுகிறது. செயல் திறன் அரங்க இயக்கம் 2016 ஆண்டு இந்த நாடகத்தை பொம்மைகள் அரங்கிற்காகத் தயாரித்திருந்தது. இதனை எழுதியிருப்பவர் தேவநாயகம் தேவானந்த்.

கண்டி பெரிய ஆஸ்பத்திரியின் பிரேத அறையில் கிடந்த பதினாறு பிரேதங்களையும் பார்ப்பதற்காக கியூ வரிசையில் நின்ற நூற்றுக் கணக்கான பேர்களில் நானும் ஒருவன்.

அவளை, என் ஆசை மனைவியை நான் இரவெல்லாம் தேடி விட்டேன். கண்டியின் அழகுக் குளத்தில் அவள் பூதவுடல் நீந்துகிறதா என்று பார்த்து விட்டேன். ஆஸ்பத்திரி வார்ட்டுகளிலும் தேடி ஒவ்வொருவராகப் பார்த்துப் பார்த்து என்கால்கள் நடுங்குகின்றன. நான் அவளைக்காணக்கூடிய கடைசி இடம் இது. நான் இங்கே தான் அவளைக் காண்பேனா?

நந்தியின் சிறுகதைகள் - கதை 03- 'யானையின் காலடியில்' .வழங்குபவர் தேவநாயகம் தேவானந்த்

 நந்தியின் சிறுகதை : ஆசையின் ஓசை

அன்புவல்லி வானொலிப் பெட்டியின் விசையைத் திருப்பி நல்ல தமிழோசை எங்கே  கேட்கிறது என்று சென்னை, திருச்சி, கொழும்பு ஆகிய நிலையங்களுக்கு இடையிலுள்ள வான்வெளியில் சஞ்சரித்துக் கொண்டிருந்தாள்.டொக்டர் சாய்வு நாற்காலியில் தனது உடம்பைத் தளர்த்திக் கொண்டு சிகரட்டைப் பற்றவைக்கத் தீபெட்டியில் குச்சியக் கீறும் போது முன்கதவில் யாரோ தட்டும் சத்தம் கேட்டது.

ஓர் அறையில் மட்டும் ஒரு பெண் தனது நாலு நாள் பிள்ளைக்குப் பால் ஊட்டியவாறு கிழிசல் பாய் ஒன்றில் படுத்திருந்தாள். வந்தவர்கள் இன்னும் ஐந்து நாட்கள் பிந்தி இருந்தால் அவள் கூடப் படங்குக கட்டி கம்பளி போத்திக் கூடை ஏந்திப் போயிருப்பாள். அவள் பெயர் மருதாயி. அவள் உயிருடன் இருக்கும் ஐந்து பிள்ளைகளையும், இறந்த மூன்று பிள்ளைகளையும் பெற்றெடுத்தவள். இந்தக் கணக்கின் விபரம் தோட்டத்துப் பிள்ளை இடாப்பில் மட்டுமல்ல, மருதாயியின் வயிற்றறையின் மடிப்புக்களிலும் மார்புகளின் சுருக்குகளிலும் நன்றாகத் தெரியும்.

வைத்திய கலாநிதி செ.சிவஞானசுந்தரம் அவர்கள் நந்தி என்ற புனைபெயரில் ஈழத்து இலக்கியத்துறையில் அறிமுகமானவர். ஐப்பது சிறுகதைகளை எழுதியுள்ள இவர். தனது எழுத்தாற்றலால் இலக்கிய உலகில் இன்றும் பேசப்படுபவர். நந்தி அவர்களின் எழுத்து நடையில் சுற்றிவளைப்புக்கள் இருக்காது.அர்த்தமுள்ள பொருத்தமான சொற்களைப் பொறுக்கி எடுத்து சிக்கனமான சிறிய வனங்களாக எழுதுவதால் அவர் வாசகர்களை எளிதில் ஈர்த்து விடுகிறார்.அவரின் எழுத்து நடை தமிழ் மொழிக்கு வனமும் வனப்பும் கம்பீரமும் சேர்ப்பதாகத் திகழ்கின்றது.