Tú kanst hoyra frásøgnina um Åge Aleksandersen her - og talan er um frásøgn, ið telur nógvar tónleikabitar.

Vit eru í einum politiskum valári, og løgtingsval verður helst í summar. Aðrenn tað formliga valstríðið av álvara fer í gongd, bjóða vit formonnunum í teimum politisku flokkunum í Nón, ein fyri og annan eftir.

Tann fyrsti í røðini er Jørgen Niclasen, formaður Fólkafloksins.

Dag og dagliga hoyra og síggja vit illsinnisgleps úr ymsum heraðshornum um okkara politikarar. Tað politiska kann blíva nokk so persónligt, men hvør er so persónurin aftan fyri politikkin. Vit gera eina roynd at koma aftur um barrikadurnar hjá tí politiska menniskjanum.

Fyri viku síðani fór sangleikabreytin í E-Námi á pall í Mentanarhúsinum í Fuglafirði við sangleikinum Grease. Og saman við Ann Chanett Danielsen ummæla vit kenda sangleikin.

Norski rockhøvdingurin Åge Aleksandersen er farin um tey sjeyti. Vit tekna eina mini-vangamynd.

Í seinra tímanum verður politikkur á skránni, tí tá vitjar hin fyrsti av floksformonnunum um runda borðið í Nón.

Vit fara at tosa við formann Fólkafloksins Jørgin Niclasen, um persónin og politikkin, samstundis sum formaðurin eisini fær nakrar øðrvísi avbjóðingar.

Tú kanst hoyra sendingina her!

Við nýggju tøknini varð spátt, at pappírsbókin fór at doyggja út, men bókin hevur yvirlivað, og hon hevur tað framúr væl.

Býarbókasavnið hevur flutt seg við tíðini. Í dag er bókasavnið ein mentanardepil í hjartanum í Havn, har øll kunna koma, leita sær vitan, lesa bløð, arbeiða á telduni og lána bøkur. Men ungdómurin hevur verið forsømdur, viðgongur Vónbjørt Vang, býarbókavørður. Tí verður arbeitt við at fáa eina nýggja deild, har ung burturav kunna koma, - vera saman, lesa, spæla og eisini vera á telduni.

Hoyr samrøðuna, sum Eyð Matras hevði við Vónbjørt Vang her.

Katarina Nolsøe er útbúgvin sjónleikari, sum í 2006 fekk álvarsamt tunglyndi, sum hevði við sær, at hon fleiri ferðir hevur verið innløgd á psykiatriska deplinum.

Men nú hevur Katarina tað nógv betri, og við leikinum, sum verður sýndur á Tjóðpalli Føroya í hesum døgum, Leitanin eftir at vera, greiðir Katarina frá stríðnum, hon hevur haft við tunglyndinum, og hennara ferð gjøgnum ótta og angist út aftur í ljósið.

Tuberklarnir er nýskrivaður leikur, sum varð framførdur á Sanatoriinum farna vikuskiftið, og er tað Sjónleikaskúlin undir leiðslu av Sóley Danielsen, ið hevur staðið fyri. Talan er um 18 leikarar, ið allar eru 45 ár og eldri, ið hava skrivað og spælt. Og saman við Barbaru Hentze í Stórustovu og Rudolfi Joensen ummæla vit leikin.

Í hesum døgum rundar Býarbókasavnið tey hálvthundrað. Og saman við leiðaranum Vónbjørt Vang ferðast vit um savnið Eitt nú spyrja vit um hvønn týdning bókasøvnini hava í hesum talgildu tíðum.

Menniskja og tøkni er tema í Nón, har vit viðgerða hvussu tøkni fer at broyta samfelagið og okkum sum menniskju.

Men hvat er tað fyri tøkni, ið eykðennir 4. íðnaðarkollveltingina, og hvat duga teldur í dag, sum tær ikki dugdu fyri 20 árum síðani?

Tað tosa vit við Martin Zachariasen um. Hann er professari í teldufrøði og rektari á IT-universitetinum í Keypmannahavn.

Hann vísur á, at 4. kollveltingin fer at broyta arbeiðsmarknaðin og útbúgvingarskipanina, tí tørvurin á arbeiðsførleikum broytist.

Robottarnir koma! Sjálvkoyrandi bilar og tólmenni, ið taka sær av ymsum vælferðaruppgávum, eru beint um hornið. Tann fjórða ídnaðarkollveltingin er á veg, og intelligent tøkni fer at yvirtaka og broyta nógv, sum vit kenna - okkara gerandislív og okkara arbeiðslív.

Hvussu ávirkar alt hetta okkara samfelag; og hvussu fer fjórða kollveltingin at ávirka okkum sum menniskju? Tað eru spurningar vit viðgera í hesum tematýsdegi.

Fjórða íðnaðarkollveltingin er á gátt, og longu nú nýta vit nógva av tí framkomnu tøknini, sum eyðkennir kollveltingina. Men tøkniliga menningin fer fram við rúkandi ferð, og tekur bara dik á seg.

Endamálið við tøkniligu menningini er at gera framleiðslu meira effektiva, og gerandisdagin "lættari" hjá fólki, men tøkniliga menningin ávirkar eisini okkara atburð og máta at vera saman uppá, og tað eru bæði fyrimunir og vansar við hesum, vísur Anne Bædkel á. Hon er sosiologur og framtíðargranskari á insitutt fyri framtíðargransking í Keypmannahavn.

E-nám er eitt samstarv millum Fuglafjarðar skúla, Skúlan við Streymin og Stranda skúla um 10. flokk, og talan er um samstarv, ið umfatar fleiri tilboð til næmingarnar.

Ein av møguleikunum, ið stendur næmingunum í boði, er sangleikabreytin, sum hesuferð telur 45 næmingar úr 10. flokkunum. Og tað eru júst hesir næmingar, sum í hesum døgum framføra sangleikin Grease í Mentanarhúsinum í Fuglafirði.

Tú kanst hoyra frásøgnina her!