Sunnudagin lat Hansina Iversen, sum fyrsta kvinnan, upp listaframsýning í Gamla Seglhúsinum í Klaksvík. Vit hava verið á gátt.

Stroymingartænastan Netflix fevnir um fleiri og fleiri nýggjar framleiðslur, tá talan er um sendirøðir og filmar, og eitt hitt nýggjasta skotið er filmurin Velvet Buzzsaw. Vit skifta orð við Birgir Kruse um nýggja filmin.

Sámar eru upprunafólk, sum søguliga eru búsitandi í Noreg, Svøríki, Finnlandi og í Russlandi.

Og nú sámiskur tjóðardagur er 6. februar, viðgera og umrøða vit ymisk sámisk viðurskifti komandi sløku tveir tímarnar.

Fyrst skifta vit orð um eitt nú sámiska fólkið, sámiska søgu, sámiska landafrøði, og sámiska málið ella sámisku málini, tá Hans Holm, landafrøðingur, kemur á gátt.

Hvussu er at búgva millum sámar og hvussu upplivur tú eina reindýraferð? Hesar og aðrar spurningar umrøða vit saman við Hjørdis Heindriksdóttir, sum fleiri ferðir hevur vitjað sámisk samfeløg.

Sámar er fólkaslag sum heldur til í Norðurnorra, Norðursvøríki, Norðurinnlandi og Norðurvestur Russlandi.

Dimmalætting er ein partur av hansara arvastreingi og samleika. Nú takkar hann fyri seg og fer í nýtt starv í Kringvarpinum. Harvið er tann síðsti í ættini, sum stýrdi Dimmalætting so leingi, farin víðari.

Hoyr persónligu samrøðuna við Georg L. Petersen.

- Vit eru ung. Nú mugu vit royna at geva eitt sindur aftur.

Jóhanna Magnusardóttir og Dávid Fossdalsá eru ung, tey eru par, og tey hava tikið sínar útbúgvingar í Kina.

Nú ritstjórna tey bæði fyrstu kinesisku orðabókina til føroyingar.

Talan er um fyrsta part av orðabókini, sum gongur báðar vegir, kinesiskt-føroyskt og føroyskt-kinesiskt.

Sprotin trýstir á knøttin seinnapartin fríggjadagin 1. februar, og tað hevur við sær, at øll kunnu fáa orðabókina ókeypis á heimasíðuni hjá Sprotanum.

Sendingin, sum er nuymmar 150 í røðini, er myndað av fleiri nýggjum verkætlanum.

Vit umrøða fyrstu føroysku orðabókina og fyrsta føroyska songfilmin, tosa við fráfarandi blaðstjóra, sum byrjar í nýggjum starvi í morgin, og vit umrøða eisini leikin "It might be a dream".

Heimsins fyrsta kinesiska/føroyska orðabók kemur út í morgin. Tað er sprotin sum útgevur. Men hví er tørvur á einari kinesiskari orðabók, og hvussu verður hon gjørd? Vit tosa við unga føroyska parið, sum hevur ritstjórnað.

Heiðrikur á Heygum, fjøllistafólk, hevur júst fingið 1 ára starvsløn frá Mentamálaráðnum.

41 listafólk fingu starvslønir hesaferð, men hægsta starvslønin verður bert latin einum listafólki, og í ár fór hon til Heiðrik á Heygum.

Vit hitta Duritu Dahl Andreasen og Nanne Bang, sum hava skrivað leikin, ímeðan Súsanna Tórgarð, sjónleikari, og Birna Heinesen, dramaturgur, umrøða nýggja leikin.

Tú kanst hoyra frásøgnina her.

Hendan dagin fyri 60 árum síðan, gekk grønlandsskipið Hans Hedtoft burtur við 95 fólkum. Mortan Johannesen var sum 16 ára gamal við í leitingini.

Sofus Hansen, Halleluja Sofus, er gestur í hjá Rudolf í Legends-kvøld í Spaniastovu, og hann er eisini í fokus í Nón.

Jógvan Isaksen, bókmentafrøðingur og rithøvundur, hevur skrivað sína 50. bók. Nýggja bókin viðger yrkingasavnið Gudahøvd eftir Jóanes Nielsen.

Hoyr frásøgnina her.