Í hesum døgum eru júst 100 ár liðin síðani oktober kollveltingina, tá Lenin framdi statskvett í Russlandi og rak stjórnina hjá Kerenskij frá.

Men hvør var orsøkin til russisku kollveltingina og hvønn týdning hevði kollveltingin fyri heimin? Hesar og aðrar spurningar fáa vit útgreinaðar, tá Hans Andrias Sølvará, søgufrøðingur, kemur á gátt.

Vit fara eisini at seta kommunismuna í eitt søguligt, mentanarligt og filosofiskt perspektiv, tá Hanus Kamban, rithøvundur, og Jógvan D. Hansen, heimsspekingur, koma á gátt.

Eisini hitta vit Una Næs, dómpróst, og vit frætta um nýggja jólakalendaran Snófall. Vit skifta orð við Jákup Veyhe, Hans Tórgarð, Ranja Eir Gudmarsdóttir, og Páll Danielsen

Tú sást tað eitt nú á valinum í Týsklandi og nú aftur í Eysturríki. Og í Eygleiðingini skifta vit orð um høgrasnaringina í Europa. Panelið verður mannað av Regini Berg, samfelagsfrøðingi, og Una Arge, journalisti.

Tú kanst hoyra sendingina her!

Vit skifta orð við Kinnu Poulsen, sum leygardagin lat úr hondum bókina Úr myrkrinum, ið er bók um Tórodd Poulsen. Bókin varð løgd fram í Steinprenti, samstundis sum framsýningin Tóroddur & Co lat upp. Og á framsýningini hitta vit Rigmor Dam, Jógvan Arge, Arnbjørn Dalsgard, Vónbjørt Vang, Jóanis Nielsen, Solveig Hanusardóttir, og Knút Háberg Eysturstein.

Peter Laugesen er danskur yrkjari, tónleikari, listarmaður og dramatikari. Og í seinra tímanum fer Laugesen at tosa um Tórodd.

Hvat er góð satira? Hvat er endamálið við satiru? Og finnast nøkur tabuevni, tá talan er um føroyska satiru?

Í hvønn mun hevur satiran verið brúkt í føroyska samfelagnum? Eivindur Veyhe og Tòrður Jóhannesarson útgreina føroyska satirusøgu.

Hilmar Jan Hansen og Jákup Veyhe er royndir undirhaldarar, ið á ein sera skemtingarsaman hátt, hava viðgjørt føroyska samfelagið og nógvar av teimum typunum, ið búgva her. Og Nón borðreiðir við nýggjum tátti frá Hilmari Jan, og við nýggjari Jákup Veyhe satiru í dag.