Tá Mentanarvirðislønirnar vórðu lætnar í Løkshøll miðjan januar, segði landsstýrismaðurin í mentamálum, Jenis av Rana, at fimm føroysk arkitektasamtøk eru undangóðkend at koma við sínum boði uppá, hvar Tjóðleikhús Føroya skal staðsetast og hvussu tað skal síggja út. Avgerðin verður tikin í næstum

Albert Isfeld, arkitektur, var gestur í Nón, og har tosaði hann um leiklutin hjá einum tjóðleikhúsi, og gav sítt boð uppá, hvar eitt slíkt skal staðsetast í Føroyum. Skálatrøð er einasta boð hjá roynda arkitektinum.

Tvístøða er ein øðrvísi skaldsøga, sum kom út fyri nøkrum mánaðum síðan. Rithøvundurin er hin nú 30 ára gamli Danial Viðoy, sum er útbúgvin lærari og annars er sjómaður.

- Mær hevur altíð dámt væl at skriva, og hendan bókin hevur verið eini 10 ár á veg, greiðir Danial frá í hesi samrøðuni.

Tríggjar ferðir eru handrit vrakað, men nú er hann glaður fyri, at fyrstu handritini ikki komu ígjøgnum.

Í sendingini tosa vit við Albert Isfeld, arkitekt, um staðsetingina av komandi Tjóðleikhúsi Føroya, og við Danial Viðoy, sum hevur skrivað sína fyrstu skaldsøgu, sum hevur heitið ”Tvístøða”.

Hoyrið sendingina her

"Territorial Songs" er heiti á fløgu við verkum, har blokkfloytan veruliga sleppur at royna sítt veingjaflog.

Sunleif Rasmussen kemur út við nýggjari fløgu við tónleiki fyri blokkfloytu og orkestur. Fløgan kemur út í Norðurlondum á hansara 60 ára føðingardegi tann 19. mars og í restini av heiminum í apríl.

Nógv forvitnisligt er at hoyra á fløguni, og ein íblástur, sum gongur aftur í fleiri av løgunum, er kvørkveggjan.

Michala Petri, sum í tí dagliga er unnusta hjá Sunleifi, spælir solo-blokkfloytu á øllum løgunum, sum øll eru skrivað til hennara.

Fjølrit, sum er felagsskapur, ið varðar av rættindunum hjá teimum, sum framleiða tekstir, myndir og nótar, hevur kannað hvussu fólkaskúlalærarar arbeiða í mun til tað at fjølrita - ella kopiera. Heidi Durhuus, umsitari hjá Fjølriti, vitjaði.

"Territorial Songs" er heiti á nýggjari útgávu við tónleiki eftir Sunleif Rasmussen fyri orkestur og blokkfloytu, sum Michala Petri spælir. Sunleif var í Nón og greiddi frá.

Hoyrið sendingina her

Tað er listabólkurin TVAZZ, sum setur leikin upp. Gunnvá Zacharisen, leiðari fyri TVAZZ, vitjaði í Nón, har hon greiddi frá, hvussu tað er komið i lag, at "Ó, søgur um djevulskap", sum telur 786 síður, nú verður til sjónleik.

Frá bók til sjónvarpsrøð og frá bók á pall.

Í dag hitta vit krimihøvundin Jógvan Isaksen, nú hansara bókarøð um Hannis Martinsson og øll hini verður til sjónvarpsrøðina TROM.

Skaldsøgan "Ó, søgur um djevulskap" hjá Carl Johan Jensen verður til sjónleik. Ein av stigtakarunum, Gunnvá Zachariasen, sjónleikari og leikstjóri, greiðir frá stóru verkætlanini.

Og so sleppa børn og vaksin at flippa út í navni listarinnar í Norðurlandahúsinum um vikuskiftið.

Hoyrið sendingina her

– Granskingin hjá mær snýr seg um reproduktiv lív og val hjá kvinnum í einari tíð, sum er í broyting.

Tað sigur Turið Hermannsdóttir, antropologur, sum er í gongd við eina Ph.d.-verkætlan um kvinnur og fosturtøkur í Føroyum.

Granskingin snýr seg um ta støðuna, ein kvinna stendur í, tá ið hon óviljað ella óvæntað verður við barn, og hon viðger teir tankar ella tær tvístøður, sum kunnu koma, tá ið ein fosturtøka kemur upp á tal.

Sjálvt um flestu málningarnir enda við at hava sterkar bláar, grønar ella gular litir, so byrjar tað ofta við gráum á løriftinum. Vit hava vitjað Trónd Patursson í atelierinum.

Hevur tú fingið framt fosturtøku? Turið Hermansdóttir, antropologur, skrivar phd-ritgerð um fosturtøkur og reproduktiv val hjá føroyskum kvinnum, og sóknast eftir fleiri kvinnum. Vit hoyra um hennara gransking.

Sjálvt um málningarnir enda við at hava sterkar bláar, grønar ella gular litir, so byrjar tað altíð við gráum á løriftinum. Vit hava vitjað Trónd Patursson í atelierinum.

Áhugin fyri at taka myndir við rættiliga framkomnari útgerð er vaksin nógv seinnu árini. Í løtuni sýnir felagið Fokus fram í Smiðjuni. Vit tosa við ein av stigtakarunum.

Hoyrið sendingina her