Ferðavinnan í Nólsoy verður nú løgd í eina skipan, har tað meiri ómakaleyst skal bera til at fáa eitt yvirlit yvir tey tilboð, sum oyggin kann bjóða.

Hvat hevur Nólsoy so at bjóða? Nón sendir beinleiðis úr Nólsoy, har vit tosa við fleiri av teimum, sum eru við, og sum hava fyrireikað.

Vit hoyra millum annað um heimablídni við Maud Wang Hansen, neystkafé við Anju Wardum, bátatúrar við Bjarta Thomsen, samrøðusalong við Mariann Hansen og nýskapan í ferðavinnuni við Hildur Durhuus og Fríðun Jacobsen.

- Einki er so ringt, at tað ikki er gott fyri okkurt.

Orðini hjá Torleik Mortensen, formanni í Føroya tónleikarafelag, lýsa væl støðuna í føroyskum tónleiki beint nú.

Hóast krúnuárið hevur verið kaotiskt, so hava tónleikarar og tónleikavinnan verið serstakliga kreativ hetta seinasta árið, og nógv spennandi er komið burturúr. Millum annað eru nógv nýggj ung tónlistafólk í uppskoti, nú FMA - Faroese Music Awards - verður hildið um vikuskiftið.

Føroysku tónleikaheiðurslønirnar FMA verða latnar leygardagin, og alla hesa vikuna spæla vit føroyskan tónleik. Vit spyrja millum annað, hvussu føroyskur tónleikur hevur tað, tá Marianna Winther Nagata, Torleik Mortensen og Knút Háberg Eysturstein vitja um runda borðið.

Ein matvørubanki, sum skal tryggja, at minni av etandi mati fer til spillis, er til viðgerðar í Løgtinginum í løtuni. Talan er um eitt upsskot til samtyktar, sum Ingilín Didriksen Strøm hevur lagt fyri tingið. Vit tosa við Ingilín.

Hoyrið sendingina her

Árliga Geytatiltakið, har bestu stuttfilmarnir seinasta árið, vórðu heiðraðir, varð hildið farna leygarkvøld. Vit umrøða vinnaran og hinar filmarnar saman við Hermanni Eliassen, miðlafrøðingi.

Mynd: Stillmynd úr filminum Handanland.

Árliga Geytatiltakið, har bestu stuttfilmarnir seinasta árið, vórðu heiðraðir, varð hildið farna leygarkvøld. Vit umrøða vinnaran og hinar filmarnar saman við Hermanni Eliassen, miðlafrøðingi.

"Eg skrivi á vátt pappír" eftir Lív Mariu Róadóttir Jæger er í uppskoti til bókmentavirðisløn Norðurlandaráðsins. Vit hoyra samrøðu við Lív Mariu um yrkingasavnið.

Hoyrið sendingina her.

- Framúrskarandi framleidd, framførd og skrivað.

Tað eru ikki hissini skotsmál sum Brian Whitney, stovnarin av Just Plain Folks, gevur útgávuni "Letters from the Faroes" hjá Lenu, sum kom út í 2011.

Fløgan gjørdist Album of the year, tá ið JPF Music Awards varð hildið á nýggjárinum.

Vit tosa við Lenu Anderssen og Niclas Johannesen, sum saman hava skrivað, spælt og framleitt Letters from the Faroes. Vit tosa um heiðurin og um útgávuna. Vit leita eftir skapanarligu tilgongdini, spyrja hvussu tað er at vera hjún og arbeiða saman kreativt.

Nýggjur filmur um Ingálv av Reyni verður frumsýndur mikukvøldið. Í tí sambandi hava vit verið og vitjað í atalierinum hjá Ingálvi, har sonurin Eyðun, ið fyldi í fótasporunum hjá pápanum, arbeiðir.

Lena Anderssen hevur vunnið heiðurin Album of the Year á JPF Music Awards í USA fyri útgávuna Letters from the Faroes. Lena og Niclas tosaðu um heiðurin, útgávuna og kreativu tilgongdina.

Hoyrið sendingina her.

- Nú havi eg verið lærari í 41 ár, og eg hevði myndlist alla somlu tíðina. Tað var tann lærugreinin, sum mær dámdi best. Hon skuldi verið høvuðslærugrein í øllum skúlum saman við tónleiki.

Soleiðis sigur Frits Johannesen, sum í hesum døgum hevur stóra listaframsýning i Mentanarhúsinum í Fuglafirði.

Eftir bara 10 minuttum vóru teir flestu málningarnir skræddir burtur. Frits Johannesen hevur stóra listaframsýning í Mentanarhúsinum í Fuglafirði. Vit vitja Frits og framsýningina, sum hongur hesa vikuna afturat.

Karnitininnihaldið í føroyskum lambskjøti er sera høgt, vísir ein kanning hjá Hjørdis Haraldsdóttir Jensen og Bjørg Mikkelsen, sum starvast á matvørudeildini hjá Heilsufrøðiligu starvsstovuni. Vit tosa við tær báðar.

Hoyrið sendingina her.

Hjørdis Haraldsdóttir Jensen og Bjørg Mikkelsen, sum arbeiða á Matvørudeildini hjá Heilsufrøðiligu Starvsstovuni, hava kannað karnitininnihaldið í siðbundnum føroyskum mati.

Hoyrið samrøðu við tær báðar her, har tað serliga verður tosað um karnitin í lambskjøti, tvøsti og haru.

Savnsmynd: KvF