Nuacht a hAon

Reáchtáladh agóidí ag scoileanna náisiúnta ó Chois Fharraige go Bearna ar maidin le aird a tharraingt  ar an gcontúirt a bhaineann le bóthar an R336 agus go bhfuil sé thar am é a dhéanamh níos sábháilte don phobal agus do na gasúir scoile.

Deir Coimisinéir na nGardaí, Drew Harris go gcaithfidh an pobal a bheith i bhfad níos cúramaí agus aird a thabhairt ar shábháilteacht bóithre.

Tá sé ráite ag Uachtarán na hÚcráine, Volodymyr Zelensky go bhfuil sé faoi réir le freastal ar chainteanna síochána a chuirfeadh deireadh leis an gcogadh leis an Rúis, an fhad agus go mbeidh an t-Uachtarán Vladimir Putin i láthair freisin ag an gcruinniú.

Nuacht an Iarthair.

Nuacht an Tuaiscirt.

An nuacht náisiúnta agus idirnáisiúnta.

Tuigtear go bhfógróidh an Roinn Talmhaíochta beartais inniu le dul i ngleic le leathadh na h-eitinne bólachta.

Nuacht an Deiscirt.

Níl sé i gceist ag Roinn na Gaeltachta Scéim na nDeontas Tithíochta Gaeltachta a thabhairt ar ais. Inniu sa Dáil thug an tAire Patrick O’Donovan le fios i bhfreagra ar an Teachta Dála neamhspleách Catherine Connolly nach bhfuil aon rún ag an rialtas an scéim deontas a reáchtáil in athuair.

Tá na beartais atá á réiteach ag Coimisiún na hEorpa le dul i ngleic le táillí trádála Uachtarán Donald Trump na Stáit Aontaithe foilsithe. An léir go bhfuil cás eisceachtúil na hÉireann le sonrú sna beartais atá fógartha inniu?