Nuacht Náisiúnta agus Idirnáisiúnta: Marion Ní Shúilleabháin. Nuacht an Tuaiscirt: Caoimhe Ní Chonchoille. Nuacht an Iarthair: Séamus Ó Scanláin. Nuacht an Deiscirt: Conn Ó Múineacháin.

Léiríonn tuairisce ón Roinn Dlí agus Cirt gur údar imní do na húdaráis anseo an nasc idirnáisiúnta atá idir antoiscigh ón eite dheis. Tuairiscítear go bhfuil an fear graithe David Hall chun a ainm a chur chun cinn i dtogchán na hUachtaránachta.

Tuairiscítear inniu go bhfuil comhlachtaí cogaisíochta as Meiriceá ag tosaí ag pleanáil agus ag breathnú ar bhealaí le go bhféadfaí a gcuid déantúsaíochta a aistriú ar ais arís go dtí Stáit Aontaithe Mheiriceá, mar gheall ar na bagairtí faoi tháillí breise trádála atá a ndéanamh ag Uachtrán Mheiriceá Donald Trump.

Tá achainí déanta ag Cumann na Meán Mhúinteoirí go nglacfaidh sos ó na hullmhúcháin chun Gaelcholáiste comhoideachais a dhéanamh de Scoil Bhráithre Críostaí Synge i mBaile Átha Cliath 2 chun go rachadh an Roinn Oideachais, údaráis na scoile agus an fhoireann i gcomhairle lena chéile.

D’fhéadfadh sé go mbeadh an lá inniu cinniúnach don mhéid atá i ndán don Úcráin ina gcogadh leis an Rúis.Tá dhá chruinniú suntasach ar bun, ceann sa mBruiséil le ceannairí an Aontais Eorpaí agus i Londain tá ceannairí míleata ó chuile cheard den Eoraip ag cruinniú le seasamh leis an Úcráin.

Láithreoir: Fionnuala Uí Neachtain.

An barr is deireanaí nuachta.

Tá go leor cáineadh déanta ar an Scéim Tacaíochta Daonnúil, le teacht i gcabhair ar dhaoine a ndearna Stoirm Eowyn damáiste dá gcuid maoine. Tá daoine ag rá go raibh sé ró-chasta agus gur cuireadh deireadh leis an gcéad chuid den scéim gan dóthain foláirimh a thabhairt don phobal.

Tá an-amhras dá léiriú san Úcráin faoin gcomhrá a bhí inné ag Uachtarán na Rúise agus Uachtarán Stáit Aontaithe Mheiriceá faoi réiteach shíochánta a fhail ar chogadh na hÚcráine. Inniú, tá sé tugtha le fios ag Volodymyr Zelensky go bhfuil sé sásta freastal ar na cainteanna síochána atá le reáchtáil i Jeddah na hAraibe Sádaí ar an Domhnach.

Tá cruinniú ar siúl faoi láthair i mBaile Átha Cliath le súil réiteach a fháil a fhadhbanna maoinithe Fhoras na Gaeilge. I mí Eanáir d’fhógair an Foras ciorraithe €820,000, maoiniú a raibh eagraíochtaí Gaeilge ar fud na tíre ag braith uirthi.