Nuacht a hAon

Tuairiscítear gur ag díriú a chúrsaí eacnamaíochta agus ar chúrsaí slándála a bheidh Uachtarán Trump na Stáit Aontaithe sa gcuairt trí lá atá dá thabhairt aige ar an Araib Shádach, an Chatar agus ar Aontas na nÉimíríochtaí Arabacha. Níl aon chuairt ar Iosraeil beartaithe. An bhfuil suntas dá thabhairt de seo i Meiriceá?

Inné shaoragh Hamas an saighdiúir Edan Alexander, saoránach de chuid Mheiriceá agus Iosrael a bhí á choinneáil ina ghiall le 19 mí. Tuigtear gur comhartha deá-mhéine a bhí anseo, sula gcuirfeadh Uachtarán Mheiriceá Donald Trump tús lena chuairt ar an Meán-Oirthear inniu. Cé chomh suntasach is atá sé seo do Gaza?

An barr is deireannaí nuachta.

Deir an Tánaiste nach bhfuil aon amhras ach go mbeidh constaicí trádála nua feasta idir na Stáit Aontaithe agus an tAontas Eorpach. Dúirt sé go mbeadh sé ag iarraidh cúrsaí trádála idir Eirinn agus na Stáit Aontaithe a dhéanamh níos éasca.

Leanfar tráthnóna amárach sa Dáil den phlé le leasaithe a dhéanamh ar Bhille Údarás na Gaeltachta, tráth a dtabharfar Staid an Choiste chun críche. Tá imní ar an Teachta Ó Snodaigh go gcuirfidh an rialtas an ‘guillotine’ i bhfeidhm, tá plé 5 huaire a chloig curtha go leath taobh amárach ag an rialtas.

Nuacht Náisiúnta & Idirnáisiúnta Marion Ní Shúilleabháin Nuacht an Tuaiscirt Maighréad Uí Annluain Nuacht an Iarthair Séamus Ó Scanláin Nuacht anDeiscirt Róisín Ní Chéilleachair.

Inné maraíodh Kevin Flatley, Garda 49 bliain d'aois agus é ar dualgas ag ionad seiceála. Bhí sé an-ghníomhach le Cumann CLG, Uí Dhuibhir i mBaile Brigín i dtuaisceart Bhaile Átha Cliath.

Láithriú - Fionnuala Uí Neachtain.

Nuacht Náisiúnta agus Idirnáisiúnta - Marion Ní Shúilleabháin. Nuacht anDeiscirt - Conn Ó Muíneacháin. Nuacht an Tuaiscirt - Maighréad Uí Annluain Nuacht an Iarthair - Séamus Ó Scanláin.

Tá Paddy O’Toole, an t-iar Theachta Dála de chuid Fhine Gael agus a rugadh i nGaeltacht Iorrais théis bháis. Bhí sé ina Aire Gaeltachta ó 1981 go 1987. Toghadh ar dtús chun na Dála é, i nDáil cheantar Mhaigh Eo Thoir i 1977.